5
Muxtar respublikanın ən böyük düzənliyi Naxçıvan
düzüdür. Bu düz qərbdən Cəhri-Duzdağ tirəsi, cənub-qərbdən
Araz çayı, cənub-şərqdən Nehrəm-Ərəzin yüksəkliyi, şimal-
şərqdən Sirab, Nəhəcir, Haçaparaq xətti, Sarıdağ-Nəhəcir və
Qırxlar dağının ətəkləri ilə əhatə olunubdur. Naxçıvan düzünün
şərqində qalan düzənliklər Ordubad, Əylis, Vənənd, Düylün,
Gilan və Əlincə çaylarının gətirmə konuslarından ibarət olan
düzənliklərdir.
Ərazi relyefinin ikinci əsas hissəsini dağlıq sahə, çox az
bir hissəsini isə dağarası çökəkliklər təşkil edir. Düzənliklə orta
dağlıq arasında yerləşən alçaq dağlıq sahə Naxçıvan Muxtar
Respublikasının şimal-qərb və cənub-şərq hissəsində çox dar,
mərkəz hissəsində isə geniş bir sahəni əhatə edir. Sinklinal
yastanlar, antiklinal tirələr və kuestlər onları parçalamış çay
dərələrinin yaratdığı dar düzənlik zolaqları ilə əvəz olunur.
Orta dağlıq qurşaq Naxçıvan Muxtar Respublikasının
şimal-qərb, mərkəz və cənub-şərq hissəsini tutur. Burada relyef
1200-1300 metrdən 2000-2300 metrə qədər ucalır. Yüksək
dağlıq qurşaq orta dağlıq qurşağa nisbətən çox dar zolaq təşkil
etməklə Zəngəzur silsiləsi boyu uzanır.
Naxçıvan Muxtar Respublikasının ərazisində əsas
üstünlük təşkil edən iki iri oroqrafik vahid vardır. Onlardan biri
və ən əsası Zəngəzur silsiləsi, digəri isə Dərələyəz silsiləsidir.
Orta hündürlüyü 3200 metrə çatan Zəngəzur silsiləsi Kiçik
Qafqazın bütün silsilələrindən yüksəkdir. Onun ən yüksək
zirvəsi Qapıcıqdır. Dərələyəz silsiləsi Muxtar respublikanın
şimal-qərb hissəsində yerləşir. Bu silsilə başlıca olaraq iki
hissədən ibarətdir: biri Cəhri çayının əsas dərəsindən qərbdə,
digəri isə ondan şərqdə yerləşir [1, s.48-50; 25, s.257-259].
İqlimi. Muxtar respublika özünün kəskin kontinental
iqlimi ilə Azərbaycanın digər bölgələrindən fərqlənir. Ərazidə
iqlimi yaradan əsas amillər-günəş radiasiyasının bolluğu,
atmosfer dövranının mürəkkəbliliyi və relyefin xeyli
müxtəlifliyidir. Günəş radiasiyası ən çox ərazinin düzənlik və
dağlıq qurşaqlarında müşahidə edilir. İlin isti dövründə olan
6
radiasiya soyuq dövrünə nisbətən iki dəfə artıqdır. Qeyd etmək
lazımdır ki, ərazidə müşahidə edilən ümumi radiasiyaya ancaq
Böyük Qafqazın yüksək dağlıq sahələrində rast gəlinir.
Havanın orta illik temperaturu Arazboyu düzənlikdə və
alçaq dağlıq qurşaqda 12-14
0
C, orta dağlıq qurşaqda 5-8
0
C,
yüksək dağlıq qurşaqda isə 1-2
0
C arasında dəyişir. İlin ən
soyuq ayının (yanvar) orta aylıq temperaturu Arazboyu
düzənlikdə və alçaq dağlıq hissədə -10-6
0
C, yüksək dağlıq
qurşaqda isə -14-10
0
C arasında dəyişir. İlin əsas isti ayının
(iyul) orta aylıq temperaturu düzənlik və alçaq dağlıq
qurşaqlarda 24-28
0
C, orta dağlıq qurşaqda 16-20
0
C, yüksək
dağlıq qurşaqda isə 6-8
0
C arasında tərəddüd edir.
Naxçıvan Muxtar Respublikası ərazisində yağıntı qeyri-
bərabər paylanmışdır. Bu fərq ayrı-ayrı qurşaqlarda özünü daha
aydın göstərir. Arazətrafı maili düzənliklərdə orta illik
yağıntının paylanması eyni dərəcədə deyildir. Orta illik
yağıntının miqdarı Culfada 215 mm, Naxçıvanda 251 mm,
Ordubadda isə 276 mm-ə bərabərdir. Mütləq yüksəkliyi
nisbətən az olan dağlıq sahələrdə (1000-1300 m) ən çox yağıntı
Şahbuzda (365 mm), ən az isə Cəhridə (276 mm) düşür. 1000
m yüksəkliyə malik olan sahələrdə orta illik yağıntı 320 mm,
1500 m-də 470 mm, 2000 m-də 630 mm, 2500 m-də 750 mm,
3000 m-də 720 mm, 3500 m-də 640 mm-dir. Orta illik yağıntı
təxminən 2500-3000 m hündürlüyə qədər tədricən artır, ondan
yuxarılarda isə azalmağa başlayır [25, s.281-297].
Muxtar respublikada beş iqlim tipi mövcuddur:
Birinci tip-yayı quraq və isti keçən soyuq yarımsəhra və
quru çöl iqlimidir. Bu iqlim tipi Arazboyu maili düzənlik və
qismən alçaq dağlıq sahələri əhatə edir.
İkinci tip-yayı quraq və isti keçən soyuq iqlimdir. Bu
iqlim tipi alçaq dağlıq qurşağın yuxarı, orta dağlıq qurşağın isə
aşağı hissəsini əhatə edir.
Üçüncü iqlim tipi-yayı quraq və sərin keçən, orta dağlıq
qurşağın yuxarı, yüksək dağlıq qurşağın isə aşağı hissəsini
əhatə edir.
7
Dördüncü iqlim tipi-yayı quraq və çox sərin keçən,
Zəngəzur silsiləsinin cənub-qərb yamacında yüksək dağlıq
qurşağın demək olar ki, mərkəz zolağında 2600 m-lə 3200 m
arasında yayılmışdır.
Beşinci iqlim tipi-yüksək dağ zirvələrini əhatə edən dağ
tundra iqlimidir.
Torpaq örtüyü. Ərazidə mürəkkəb torpaqəmələgəlmə
prosesləri nəticəsində müxtəlif torpaqlar yaranmışdır. Aparılan
tədqiqatlarla Muxtar respublikada başlıca olaraq aşağıdakı 4
əsas torpaq qurşağının olduğu müəyyən edilmişdir:
1.
Yüksək dağlıq qurşağının çəmən-bozqır torpaqları.
2.
Quru kserofil meşə və kolluq qurşağının çəmən-bozqır
torpaqları.
3.
Quru bozqır qurşağının şabalıdı (boz-qəhvəyi) torpaqları.
4.
Yarımsəhra qurşağının ibtidai-boz, boz, çəmən-boz
allüvial çəmən torpaqları.
Torpaq qurşaqları fiziki-coğrafi şəraitə uyğün olaraq
bir-birindən aydın şəkildə fərqlənirlər. Mexaniki tərkibinə,
minerallaşmasına, üzvi maddənin (humusun) miqdarına və
fərqli xüsusiyyətlərinə görə torpaq qurşaqları 16 torpaq tipinə
bölünmüşdür [25, s.230-241].
Muxtar respublikanın torpaq örtüyü Azərbaycanın digər
rayonlarının torpaqlarından xeyli fərqlənir. Burada minlərlə
hektar torpaq sahəsi kasıb bitki örtüyünə malikdir və ya ondan
mərhumdur. Şabalıdı (boz-qəhvəyi) torpaqlar ən geniş yayılan
və əsas kənd təsərrüfatı istehsalı mənbəyi olub bölgənin
27,2%-ni əhatə edir [7].
Çay şəbəkəsi. Naxçıvan Muxtar Respublikasının çayları
Araz hövzəsinə aiddir. Ərazidən axan çayların ümumi sayı
400-dür. Bürada çay şəbəkəsi Kiçik Qafqazın digər bölgələrinə
nisbətən zəif inkişaf etmişdir. Azərbaycan ərazisi daxilində
şəbəkənin orta sıxlığı 0,47 km/km
2
olduğu halda muxtar
respublikada şəbəkənin sıxlığı 0,33 km/km
2
-dir. Çaylar güclü
sel hadisələrinin baş verdiyi tirik dağ çaylarıdır. Sululuğuna
ğörə əsas yerləri başlanğıcını Zəngəzur və Dərələyəz
Dostları ilə paylaş: |