14
III FƏSİL. TƏDQİQAT İŞİNİN MATERİAL VƏ
METODİKASI
Naxçıvan Muxtar Respublikası arıkimilərinin tədqiqi
2004-cü ildən başlayaraq aparılmışdır. Ekoloji-faunistik
materialların toplanılması fəsillər üzrə muxtar respublikanın
bütün zonalarında, yüksək dağlıq daxil olmaqla yerinə
yetirilmişdir. Marşrut tədqiqatları ilə müxtəlif bitki biotoplarına
malik bütün landşaft zonaları əhatə edilmişdir (Xəritə-sxem).
Tədqiqatlar müddətində 3000 arıkimi fərdi entomoloji
tor və eksqauster vasitəsilə toplanılmışdır. Materialların
toplanılması və onların faunistik işlənilməsi müasir
entomologiyada ümumi qəbul olunmuş metodikalara görə
yerinə yetirilmişdir. Faunistik materiallar entomoloji tor
vasitəsilə müxtəlif bitki assosasiyalarından sıyırma üsulu ilə
toplanılmış, seçilmiş, kameral işlənilmişdir. Qida əlaqələrini
öyrənmək üçün arıkimilər ya ayrıca götürülmüş bitkilər
üzərindən, ya da müəyyən bitki tarlasından toplanılmışdır [96].
Şəxsən toplanılan materiallardan əlavə AMEA
Zoologiya İnstitutunun kolleksiya fondunda saxlanılan
M.Vinovski,
A.Boqaçov,
M.Axnazarov, X.Əliyev və
S.Hacıyevanın nümunələrindən də istifadə olunmuşdur.
Toplanılmış materiallar, arıkimilərin ekologiyası, yayılması və
növ tərkibinin müəyyən edilməsi üzrə nümunələr Zoologiya
İnstitutunun Araxnologiya və Bioresurslar İnstitutunun
Onurğasızlar zoologiyası laboratoriyalarında işlənilmişdir.
Laboratoriya şəraitində arıkimilər MBS-10 (x25)
mikroskopu vasitəsi ilə növədək təyin edilmişdir. Bu zaman
onların cinsiyyəti və morfo-fizioloji vəziyyəti də qeyd
olunmuşdur. Cins və növlərin xüsusi fərqləndirici əlamətləri
işıq mikroskopu (“İdeal”, 10x40) altında müayinə edilərək
dəqiqləşdirilmişdir. Xeyli arıkimi növünün şəkilləri “Canon”
markalı digital fotoaparat ilə çəkilmişdir.
Materialların
təyinində
müasir
təyinedici
ədəbiyyatlardan istifadə olunmuşdur [64,73,74,75,81,99,100,
15
101,121,]. Bizim tərəfimizdən çətin təyin edilən növlər
Zoologiya
İnstitutunda
b.e.d.
X.Əliyev
və
b.ü.f.d.
G.Hüseynzadə tərəfindən müəyyən edilmişdir.
Fəsilə, cins və növlərin yerləşmə qaydası, onların
adlandırılması müasir sistematik qaydalara görə aparılmışdır
[2,15,45,57,83,84,112,122,130,133,135,143,144,149, 150, 152,
157,166,167,168,172,175,177,178,181]. Nümunələrdə arıkimi-
lərin bəzi növlərinin rastgəlmə tezliyinin və miqdarının
müəyyən edilməsi üçün D.V.Panfilovun üsulundan istifadə
edilmişdir [76, s.5-20]. Bu üsulun mahiyyəti ondan ibarətdir ki,
əldə edilən müəyyən növün təkcə fərdlərinin sayı deyil,
həmçinin onların toplanıldığı məntəqələrin sayı da nəzərə
alınmalıdır. Nadir növ hər hansı bir səbəb üzündən çoxsaylı
kütləvi toplanmalar zamanı müxtəlif məntəqələrdən müntəzəm
olaraq kolleksiyaya daxil olur. Buna görə də belə hallarda
rastgəlmə indeksi kolleksiyada fərdlərin miqdarının toplanma
məntəqələrin sayına hasili kimi verilir.
Arıkimilərin sayı statistik hesablanmışdır. Növlərin
sayının və sıxlığının hesablanması üçün entomoloji
tədqiqatlarda ümumi qəbul edilmiş metodlardan istifadə
edilmişdir [44,49,77,110]. Arıkimilərin sayı sahəsi 100x2 m
(200 m
2
) otluq zolağında 10 dəqiqə ərzində düz və əks
istiqamətlərə gediş zamanı müşahidə edilən bütün arıkimilərin
fərdi qaydada entomoloji tor və sınaq şüşəsi ilə toplanılmış
fərdlərinə görə hesablanmışdır. Hər belə bir sahədən 16-20
nümunə yığılmışdır. Meyvə bağlarında isə bu məqsədlə orta
yaşlı 2 çiçəkləyən ağac seçilmişdir.
Nümunələr adi tədqiqat zamanı gündə 2 dəfə-səhər və
günorta, xüsusi tədqiqatlar zamanı isə sutkalıq dinamikası
öyrənilərkən sutkanın işıqlı vaxtı hər saatdan bir (adətən 7
00
-
dan 17
00
-dək) toplanılmışdır.
Ərazinin yüksəklik qurşaqları üzrə tarixən formalaşmış
özünəməxsus geoloji və ekoloji xüsusiyyətləri ilə fərqlənən
landşaftlarında fauna öyrənilərkən onların bitki senozları,
torpaq tipləri, relyefi və hidrometeoroloji şəraiti nəzərə
16
alınmışdır. Landşaftlar üzrə arıkimilərin növ tərkibinin
müqayisəsi müəyyən dərəcədə onların abiotik və biotik
şəraitinin oxşarlığını və ya fərqliliyini aşkar etməyə imkan
verir. Hər 7 landşaft üzrə Serensenə (
b
a
c
K
s
2
) görə oxşarlıq
əmsalının düsturundan istifadə edilmiş, landşaftlar cüt-cüt
müqayisə olunmuşdur [92,169].
Burada:
a və b - hər bir müqayisə edilən landşaftda tapılmış
növlərin sayı;
c - hər iki landşaft üçün ümumi olan növlərin sayıdır.
Arıkimilərin fenologiyasının və onların bitkilərin
çiçəkləməsi ilə bağlılığı müəyyənləşdirilmişdir. Arıkimilərin
toplanılması, onların entomofil bitkilər üzərində hesablanması
və qidalanmasının öyrənilməsi bütün yaz-payız uçuşu
dövründə aparılmışdır. Ayrı-ayrı növlər üçün fenotəqvimlər
tərtib edilmişdir [94,148,151].
Arıkimilərin uçuşunun mövsümi ritmi ilə bitkilərin
çiçəkləməsinin uzlaşdırılması məqsədi ilə onların aylara görə
(aprel-sentyabr) bağlılığını üzə çıxartmağa imkan verən
davamlı müşahidələr aparılmışdır. Tədqiqatlar zamanı
həmçinin havanın temperaturu, onun şəraiti, hidrometeroloji
amillər, məntəqənin dəniz səviyyəsindən hündürlüyü və
bitkilərin əsas növlərinin fenoloji fazaları qeyd edilmişdir.
Arıkimilərin trofik əlaqələrinin öyrənilməsinə üstünlük
verilmişdir. Arıkimiləri topladığımız bitkiləri fərdi olaraq qeyd
etməklə, entomofil bitki sahələrində kütləvi tor nümunələrini
hesablamaqla bitkilərin tozlandırılmasında iştirak edən
arıkimilərin trofik əlaqələri və bitki növlərinin sistematik
mənsubiyyəti müəyyən olunmuşdur.
Növlərin yuvalama yerləri, onların tipləri, substratına
görə formaları tərəfimizdən qeyd edilmişdir. Tədqiqat
müddətində həmçinin bölgə entomofaunası üçün kleptoparazit
arıkimilərin müşahidəsi aparılmışdır.
Dostları ilə paylaş: |