30
tərkibi müxtəlif olmuşdur. Oqtay Quliyevin yazdığına görə: "XIX əsrin
birinci yarısında fəaliyyət göstərən xanəndə, tar, kamança, yastı balaban
və qoşanağaradan ibarət ansambl dəstəsini xüsusi göstərmək lazımdır...
XX əsrin əvvəllərində xanəndə, tarzən və kamançaçalandan ibarət
sazəndə dəstəsi geniş fəaliyyət göstərirdi. Bu dövrdə xanəndələrin hər
birinin tarzən və kamança çalandan ibarət olan dəstələri var idi. Onlar
xalq şənliklərində, toylarda və məclislərdə ancaq öz dəstələri ilə çıxış
edirdilər".
Teymur Sadıqovun fikrincə isə: "Şuşada ilk dəfə sazəndə üçlüyünü –
yəni tar, kamança və qoşanağara çalandan ibarət olmaq üzrə dörd
nəfərdən, sonralar, XX əsrin əvvəllərindən isə xanəndə dəstəsi əsasən üç
nəfərdən – xanəndədən, tarzəndən və kamançaçalandan ibarət olmuşdur.
Xanəndə ansambllarında qoşanağaraya və yastı balabana təsadüf
edilmirdi".
Muğam sənətinin tamlığı ilə ifasını yerinə yetirmək ancaq sazəndə
dəstəsinin işi olsa da, muğamlar ara-sıra aşıq dəstələrinin də
repertuarında səslənmişdir. V.M.Belyayev yazırdı: "XVII – XVIII
əsrlərdə aşıq yaradıcılığı ilə yanaşı Azərbaycan şəhərlərində xanəndə və
sazəndə yaradıcılığı öz inkişafını tapır. Qeyd edək ki, xanəndə və
sazəndə yaradıcılığı öz inkişafında Azərbaycanın müxtəlif təbəqəli şəhər
əhalisinin zövqünü təmin edirdi. Məhz şəhərlərdə xanəndə və sazəndə
yaradıcılığı geniş yayılır. Ancaq o zaman bu ifaçılar estrada konsertlərinə
çıxmırdılar. Əsas etibarilə toylarda, ailə şənliklərində iştirak edirdilər.
Xanəndələrin repertuarına vokal-instrumental muğamlar, təsniflər və
populyar xalq mahnıları daxil idi".
XX əsrin əvvəllərindən sazəndə dəstəsi üç nəfərdən; xanəndə-
qavalçan, tarzən və kamançaçalandan ibarət olaraq altmışıncı illər kimi
çox parlaq şəkildə fəaliyyət göstərdi. Azərbaycanda radio və televiziya
konsertlərinin inkişafı, yeni-yeni bədii kollektivlərin yaranmasına təkan
verdi. Belə kollektivlərdə xanəndə daha çox müğənni kimi, ayaq üstə
dayanaraq ifaya üstünlük verirdi. Xüsusilə də muğam dəstgahları
ansamblın ifasında çalındıqda muğam epizodlarını da ayrıca olaraq
kamança, klarnet, qarmon, balaban, tütək, saz, qanun, fortepiano və
başqa alətlər müşayiət edirdi. Yaşlı sənətkarların dünyasını dəyişməsi
iyirminci yüzilliyin 60-cı illərindən sonra ümumiyyətlə xanəndələrin
qaval çalaraq oxuması ilə məhdudlaşdı. Xüsusilə də gənc xanəndələrin
qavalsız oxuması bir növ dəb halını aldı. Xanəndəlik sənətinin
atributlarından biri sayılan qaval unudulmağa doğru getdi. Onun yenidən
tamlığı ilə istifadəsi bir neçə on illik çəkdi. Qaval yalnız iyirminci yüzilin
31
sonuna yaxın xanəndələrin əlində yenidən görünməyə başladı. Təbii ki,
xanəndəlik sənətinin öz qayda-qanunları var. Bu barədə Bülbül
Məmmədov yazırdı: "... xanəndəliklə, aşıqlığın bir-biri ilə çox əlaqədar
olmağına baxmayaraq, öz xüsusiyyətlərini, sənət cizgilərini həssaslıqla
mühafizə etmişlər. Oxumaq qaydalarını, yaradıcılıq tərzini, üslubunu öz
yaradıcılıqlarına uyğun bir tərzdə saxlamışlar. Xanəndələr muğamların,
dəstgahların quruluşundan, tərtibatından asılı olaraq təsnif düzəldir,
mahnı qoşur, rəng seçir və qəzəllər ifa edirlər. Öz səsinin, bacarığının
daxilində bilik səviyyəsindən asılı olaraq qəzəllər oxuyur, qaval vurur,
guşəxanlıq eləyir, gəzişir, zəngulə vurur, məclisi qızışdırırlar...
Xanəndələr özləri qaval vurur, qaval vasitəsilə ritm saxlayırlar, həm də
onları tar və kamança müşayiət edir. Əgər xanəndə qaval vura bilmirsə,
bir özgəsi onun əvəzinə qaval çala bilər. Halbuki aşıqların özləri mütləq
çalmalı, oxumalı və oynamalıdırlar. Xanəndə və muğamatçılar isə mətni,
qəzəlləri yazılı ədəbiyyatdan alır, divan və kitablardan öyrənirlər.
Xanəndələrin şair olmağa ehtiyacları yoxdur".
Sazəndə dəstəsinin işi iyirminci yüzillikdə daha uğurlu addımlarla
irəliləməyə başladı. Tarzən Qurban Pirimovun (1880 – 1965) fəaliyyəti
bu sahədə daha maraqlı olub tarixi baxımdan yaradıcı bir iz qoymuşdur.
Onun 1903-cü ildə xanəndə İslam Abdullayevlə (1876 – 1964) birgə
çıxışlar etməsi Azərbaycan ifaçılıq sənətində yaddaqalan səhifələrə
çevrilmişdir. 1905-ci ildə Qurban Pirimovun Bakıya köçməsi və
zəmanəsinin ən qüdrətli və nüfuzlu xanəndəsi Cabbar Qaryağdı oğlu və
kamançaçalan Saşa Oqanezaşvili ilə üçlük yaratması və fəaliyyəti
sazəndəçilik sənətində ən maraqlı hadisəyə çevrilmişdir. Bu barədə
Ə.Bədəlbəyli yazırdı: «Cabbar Qaryağdı oğlu, Qurban Pirimov və Saşa
Oqanezaşvilidən ibarət trio, sözün əsl mənasında ansambllığı ilə o
zamankı xanəndə və sazəndələrdən ibarət bir çox dəstələrdən fərqlənirdi.
Burada məsələ Cabbar Qaryağdı oğlunun gözəl və qaltanlı səsə malik bir
xanəndə və onun yoldaşları Qurban Pirimovun və Saşa Oqanezaşvilinin
hər birisinin özlüyündə ən yaxşı sazəndə olması ilə bitmir, - şübhəsiz, bu
cəhətin böyük əhəmiyyəti var – lakin bu barədə əsl məsələ bu dəstənin
ifaçılığında olan ideya-yaradıcılıq vəhdəti, üslub birliyi, həmahənglik, ifa
zamanı bir-birinin niyyətini dərhal duyub hiss etmək üçün lazım olan
sövqi təbii, incə bir intuisiyanın varlığından ibarətdir". Görkəmli
musiqiçi və incəsənət xadimi olan Ə.Bədəlbəyli bu üçlüyün fəaliyyətini
şərh edərək muğam ifaçılığı sahəsində ən başlıca amillərə toxuur,bu
dəstənin işinin böyük örnək olduğunu açıqlayaraq yazır: "Şübhəsiz,
burada məsələ tarçı və kamançaçalanın bir yerdə, unison çalması ilə
Dostları ilə paylaş: |