20
ifaçılıq qabiliyyətindən başqa tarzənin musiqi-nəzəri savadı olması da
vacib şərtlərdəndir. Belə ki, tarzən muğama tam bələdçiliyi olmaqla
bərabər ifa etdiyi vokal əsərin məqam-lad və muğam köklərini, musiqi
formasını yaxşı bilməli və onu dərindən duymalıdır. Əsərin melodik
dilini, səs tessiturasının, lad və muğam xüsusiyyətlərinin nəzərə alınması
da vacib şətrlərdəndir. Əks təqdirdə vokal əsərin incəlikləri instrumental
ifada tam ifadə oluna bilməz.
Bir maraqlı cəhəti də qeyd edək. H.Məmmədov vokal mahnı və
romansları ifa edərkən əsərin məzmununu öz ifaçı duyumuna,
interpretasiyasına elə ustalıqla, həssaslıqla uyğunlaşdırır ki, melodiya
orijinal variantından, yəni müəllif dəst-xəttindən «kənara çıxır». Bu hal
xüsusilə Azərbaycan bəstəkarlarının muğamla bağlı olan əsərlərində
özünü daha aydın göstərə bilir. Onu da qeyd edək ki, əsərin xarakterindən
irəli gələn yuxarıda qeyd etdiyimiz «bəstəkar dəst-xəttindən kənara
çıxma» əsərin musiqi məzmununa heç bir xələl gətirmir, əksinə, xüsusilə
yeni xalların əlavə edilməsi, yəni, deyilən «bəstəkar dəst-xəttindən
kənara çıxma» əsəri daha da rövnəqləndirir, dinləyiciyə xoş təsir
bağışlayır və onu qane edir.
Vokal əsərlərin tarda ifası zamanı muğam pərdələrindən geniş istifadə
edilir ki, bu da milli vokal sənətimizin xüsusiyyətlərindən irəli gəlir. Belə
ki, müğənnilərimiz muğamlara əsaslanan əsərləri oxuyan zamanı muğam
oxuma sənətinə xas olan 1/3, 1/4 tonlardan istifadə edirlər. Tarzənlər
instrumental
ifa
zamanı melodiyanın səslənməsində yuxarıda
deyilənlərdən istifadə etməklə ondan həm də bəhrələnirlər.
Bütün bu dediklərimizə nümunə kimi H.Məmmədovun tarda çaldığı
«Ana» mahnısına müraciət edək. Əvvəla qeyd etmək istərdik ki,
C.Cahangirovun səs ilə fortepiano üçün yazılmış «Ana» əsəri melodik
dilinə görə «Segah» muğamının intonasiyalarını özündə cəmləşdirmişdir.
Əsərin vokal tessiturası birinci oktavanın «fa diyez» səsindən ikinci
oktavanın «lya» səsinə kimidir. Məqam xüsusiyyətinə görə isə əsərin
mayə pərdəsi «lya diyez»dir.
H.Məmmədovun ifasında lentə alınmış «Ana» əsərində isə melodiya
«si» mayəli «Xaric segah» yerindədir. Çünki, «Xaric segah» muğamının
diapazonunda tarın imkanları əsərin mahiyyətinin açılmasına kömək edir,
bir növ bu diapazonda tar özünü bariz şəkildə nümayiş etdirə bilir.
Bundan başqa, əsərin tarda «Xaric segah» yerində çalınmaqla mahnının
həm bəm, həm zil tessiturası əldə edilir.
«Ana» əsərinin lent yazısına qulaq asarkən H.Məmmədovun ifasında
əsərin yeni, özünəməxsus instrumental variantı yaradıldığının şahidi
oluruq. Bu instrumental variantda tarzən tarı elə səsləndirir ki, onun
melodik xəttində sanki, «Xaric segah» muğamının ifadə vasitələri
21
nümayiş etdirilir. Bu səciyyəvi cəhət əsərin ideyasına uyğun olaraq
Azərbaycanlı ananın daxili aləminin, onun hisslərinin daha qabarıq
açılması üçün bir vasitə olur.
Azərbaycan bəstəkarlarının vokal əsərlərinin tarda ifası zamanı
muğam pərdələrindən istifadə nədən irəli gəlir? Hər şeydən əvvəl, bu
Azərbaycan mili vokal oxuma xüsusiyyətlərindən irəli gəlir. Çünki,
Azərbaycan müğənniləri muğamlara əsaslanan vokal əsərlərin ifası
zamanı muğama xas olan yarım tondan kiçik tonlardan və melizmlərdən
istifadə edirdilər. Bu səciyyəvi xüsusiyyətə malik olan əsərlərə müraciət
edən tarzənlər də öz çalğılarını vokal oxumaya uyğun tərzdə
interpretasiya edirlər. Onu da qeyd edək ki, Azərbaycan bəstəkarlarının
vokal əsərlərindən başqa tar üçün köçürülmüş rus Qərbi Avropa və dünya
xalqlarının iri və kiçik həcmli əsərlərində muğam pərdələrindən istifadə
olunmur. Çünki, bu əsərlərin ifası ciddi temperasiya sisteminə əsaslanır.
Yuxarıdakı fikirlərlə əlaqədar olaraq tarzən Hacı Məmmədov
C.Cahangirovun qeyd olunan vokal əsərinin orijinal variantında «fa diyez
mayəli segah» üzərində yazılmasına baxmayaraq, tar alətinin səslənmə
imkanını, ən əsası mahnının hansı segah üzərində daha mükəmməl
səslənməsini əsas götürərək onu si mayəli «Xaric segah» kökündə ifa
edir. Əsərin ifası göstərir ki, tarzən səslənmə imkanının yerini düzgün
nəzərə almışdır.
Əvvəla, onu qeyd edək ki, «Xaric segah» muğam kökü tarda ən təsirli
səslənməyə malikdir. Digər tərəfdən, bu kök mahnının diapazonuna tam
uyğun gəlir ki, bütün bunlar da mahnıdakı emosional ovqatın, ana
məhəbbətinin, musiqinin təsir gücünün ifaçı tərəfindən dinləyiciyə
çatdırıla bilməsinə lazımi imkan yarıdır.
H.Məmmədov bu əsəri ifa edərkən ona öz instrumental əlavəsini də
edir, yəni mahnının içərisində segah muğamının melodiyasından istifadə
edir. Tarzənin bu əlavəsi mahnının məzmununa tam uyğun gəldiyindən
onu daha da zənginləşdirir, əsərin emosional təsirini artırır ki, nəticədə
mahnı dinləyici tərəfindən daha zövqlə, daha həvəslə qavranılır.
Hacı Məmmədovun ifasındakı «Ana» mahnısının tarda ifası da məhz
yuxarıda qeyd olunan keyfiyyətlərə görə musiqisevərlərin qəlbinə yol
tapa bilmiş, onların əbədi rəğbətini qazanmışdır. Sənət adamları arasında
belə deyirlər ki, yaxşı ifaçı əsərin ikinci müəllifidir. Bu mənada
C.Cahangirovun «Ana» mahnısının əvəzolunmaz vokal ifaçısı Rəşid
Behbudov və əvəzolunmaz instrumental ifaçısı Hacı Məmmədov onun
ikinci müəllifləridirlər. Həqiqətən də H.Məmmədov «Ana» mahnısının
ən yaxşı instrumental variantını yaratmışdır.
Bu tipli mahnılardan F.Əmirovun, Niyazinin, V.Adıgözəlovun,
S.Ələsgərovun, S.Rüstəmovun, H.Xanməmmədovun, Ş.Axundovanın və
Dostları ilə paylaş: |