40
Cədvəl 2.
2005-2013-cü illərdə Azərbaycan Respublikası istehsal hesabı (cari
qiymətlərlə, milyon manatla)
2005
2010
2011
2012
2013
Ehtiyatlar
Əsas qiymətlərlə
məhsulun və
xidmətlərin
ümumi buraxılışı
20252,3
57797,5
70361,3
75756,6
81166,8
Istifadə
Aralıq
istehlak
8676,3
18209,0
21335,3
24404,9
26862,8
Ümumi əlavə dəyər
(əsas qiymətlər)
11576,0
39588,5
49026,0
51351,7
54304,0
Cədvəldən göründüyü kimi məhsul və xidmətlərin ümumi buraxılışı 2005-ci ilə
nisbətən 2013-cü ildə 4 dəfə, ümumi əlavə dəyər isə 4,7 dəfə artmışdır. Məhsul və
xidmətlərin ümumi buraxılışında aralıq istehlakın xüsusi çəkisi 2005-ci ildə 42,8 %
olduğu halda,2013-cü ildə bu göstərici 33,1 % təşkil etmişdir
Ümumi Buraxılış (ÜB) dedikdə hesabat dövründə istehsal edilmiş məhsulların
və xidmətlərin (bütün bazar və qeyri – bazar məhsulları və xidmətlərini daxil
etməklə) dəyərlərinin cəmi başa düşülür.
Beynəlxalq iqtisadiyyatda ümumi buraxılış iqtisadi fəaliyyətin nəticəsini
qiymətləndirən göstərici hesab edilmir və əlavə dəyəri və başqa göstəriciləri
hesablamaq üçün başlanğıc baza rolunu oynayır. Belə vəziyyət ümumiləşdirici
göstərici olan ümumi buraxılışa keçmiş əmək məsrəflərinin dəyərini əks etdirən
aralıq istehlakın daxil olması ilə əlaqədardır.
Lakin ümumi buraxılışın hesablanmasının dəqiqliyi ÜDM-un və istehsal
fəaliyyətinin nəticələrini əks etdirən başqa göstəricilərin dəqiqliyini və tamlığını
təmin edən zəruri şərtdir.
41
Ümumi buraxılışa aşağıdakılar aiddir:
1. Məhsulların (əmtəələrin) buraxılışı;
2. Bazar xidmətlərinin buraxılışı;
3. Qeyri-bazar xidmətlərinin buraxılışı.
Məhsulların buraxılışı istehsal prosesi başa çatdıqda uçota alınır. Lakin ümumi
buraxılışın dəyəri adətən il üçün müəyyən edildiyinə görə uçot zamanı məhsullar
müxtəlif hazırlıq dərəcəsinə malik olurlar. Buna görə də, hazırlıq dərəcəsinə görə
bütün məhsullar üç kateqoriyaya – hazır məhsula, yarım fabrikata və bitməmiş (başa
çatdırılmamış) istehsala ayrılır.
Hazırlanması götürülmüş təsərrüfat – rezident vahidi çərçivəsində başa çatmış
məhsullar hazır məhsul adlanır. Bir çox hallarda məhsulun hazırlıq dərəcəsi sənədlə
rəsmiləşdirilir. Başqa hallarda məhsulun hazırlandığı an onun realizasiyası (kənd
təsərrüfatı məhsullarının dövlətə və başqa bazar kanalları ilə satışı, ictimai iaşə
məhsulları və s.) ilə eyni vaxta düşür. Bəzən məhsulun hazırlıq anı qeydə alınmır
(məsələn, öz ehtiyacları üçün kənd təsərrüfatı məhsulları istehsal edildikdə, əhalinin
fərdi mənzil tikintisi zamanı). Belə halda hazırlıq anı texnoloji prosesin qurtardığı an
hesab edilir.
Müəyyən hazırlıq dərəcəsinə çatdırılmış və bu müəssisə daxilində yenidən
emalı gözlənən məhsullar yarımfabrikat adlanır. Yarımfabrikat adətən sənaye
müəssisələrində olur.
Bitməmiş (başa çatdırılmamış) istehsal sənaye, kənd təsərrüfatı və ictimai iaşə
müəssisələrində olur. Sənayedə və ictimai iaşədə bitməmiş istehsala bir sex və ya
bölmə daxilində emal prosesini başa vurmamış məhsullar daxil edilir. Kənd
tsərrüfatında bitməmiş istehsal gələcək ilin məhsulu ilə əlaqədar çəkilən xərclərin,
habelə çoxillik bitkilərin təsərrüfatda istifadə edilə biləcəyi dövrədək becərilməsinə
çəkilən xərclərin məbləği ilə müəyyən edilir. Heyvandarlıqda bitməmiş istehsal
kökəldilməyə qoyulmuş mal-qaranın saxlanılmasına, cavan mal-qaranı təsərrüfatda
istifadə edilə biləcək yaşadək saxlanılmasına çəkilən xərclərin məbləğinə görə
müəyyən edilir.
İstehsal edilmiş, lakin realizə olunmamış məhsul və xidmətlər də
42
bazara göndərilən məhsullar kimi ümumi buraxılışın həcminə daxil edilir. Məhsul və
xidmətlərin aşağıdakı növləri ümumi buraxılışa daxil edilmir:
1. Pulsuz ev xidmətləri;
2. Torpaq rentası (bunlar mülkiyyətdən gəlir kimi nəzərdən keçirilir və
istehsal nəticəsi hesab olunmur);
3. Sahibkarların özləri tərəfindən mənzildə yerinə yetirilən xidmət və
təmir işləri.
Ümumi buraxılışı hesablayarkən barter (əmtəə və xidmətləri başqa əmtəə və
xidmətlərə və ya aktivlər dəyişmə) əsas qiymətlərlə onların satılacağı halda alınacaq
ödəniş qiyməti ilə qiymətləndirilir.
Əməyin ödənilməsi üçün istifadə edilən əmtəə və xidmətlər onların satıla
biləcəyi qiymətlərlə qiymətləndirilir. Bir müəssisə daxilində başqa müəssisə üçün
istehsal edilmiş məhsul və xidmətlər əsas qiymətlərlə (və hər hansı üçüncü tərəfə
edilən xid mətlər üçün nəqliyyat xidmətlərinin dəyərini əlavə etməklə)
qiymətləndirilir. [3]
Maddi dövriyyə vəsaitləri ehtiyatlarının dəyişməsi ümumi buraxılışa daxil
olunmur.
Bitməmiş istehsal qalığının dəyişməsi MHS – də hazır məhsulun ehtiyata
qoyulması və oradan götürülməsi kimi nəzərdən keçirilir və həmin vaxta qüvvədə
olan əsas qiymətlərlə qiymətləndirilir. Öz ehtiyacları üçün istehsal olunan əmtəə və
xidmətlər istehsal olunduğu anda uçota alınır və bazarda satıla biləcək əsas
qiymətlərlə qiymətləndirilməlidir. Bu məqsədlə daha əlverişli olan ikinci üsüldan da
istifadə etmək olar. Belə olan halda öz ehtiyacları üçün istehsal olunan əmtəə və
xidmətlərin dəyəri onlara sərf edilən məsrəflərə bərabər götürülür.
İrəlidə deyildiyi kimi, iqtisadiyyat üzrə ümumi buraxılışın həcmi maddi
nemətlər istehsal edən bütün xidmət sahələrinin ümumi buraxılışlarının cəmi kimi
hesablanır. Lakin hər bir sahədə ümumi buraxılışın hesablanmasının özünə məxsus
xüsusiyyətləri vardır ki, bu da həmin sahələrin texnologiyası və təşkili prinsipləri ilə
bilavasitə əlaqədardır.