nəzarətsiz miqrasiya proseslərinin neqativ nəticələrinin qarşısının alınması, miqrantların
Miqrasiya siyasətinin əsas vəzifələri aşağıdakılardır:
miqrasiya proseslərindən ölkənin inkişafı üçün səmərəli istifadə olunması;
miqrasiya proqramlarının və tədbirlərinin həyata keçirilməsində dövlətin,
cəmiyyətin və insanların mənafelərinə riayət edilməsi;
qeyri-qanuni miqrasiyanın qarşısının alınması;
miqrantların mövcud sosial-iqtisadi vəziyyətə adaptasiyasını sürətləndirən şəraitin
yaradılması;
miqrantların hüquqlarının müdafiəsi.
Dövlət miqrasiya siyasəti qanunlara riayət edilməsi və miqrantlar arasında irsi, dini, cinsi
mənsubiyyətinə, vətəndaşlığına, yaşına, hər hansı sosial qrupa aidiyyətinə və ya siyasi
baxışlarına görə ayrı-seçkiliyin yolverilməzliyi prinsipləri əsasında həyata keçirilməlidir.
Dövlət miqrasiya siyasətinin həyata keçirilməsi aidiyyəti dövlət orqanlarının bu Dövlət
Proqramı çərçivəsində aşağıdakı əsas istiqamətlər üzrə fəaliyyətini nəzərdə tutur:
miqrasiya proseslərinin proqnozlaşdırılması, siyasi və iqtisadi vəziyyətdə
dəyişikliklər nəzərə alınaraq səmərəli dövlət miqrasiya siyasətinin
formalaşdırılması, miqrasiya sahəsində idarəetmə mexanizminin
təkmilləşdirilməsi;
miqrasiya sahəsində qanunvericiliyin təkmilləşdirilməsi
üzrə təkliflərin
hazırlanması, qanunlarda olan boşluqların və ziddiyyətlərin aradan qaldırılması,
miqrantların və dövlətin qarşılıqlı hüquq və vəzifələrini müəyyən edən hüquqi
bazanın yaradılması;
miqrasiya sahəsinin dövlət tərəfindən tənzimlənməsinin səmərəliliyinin
artırılması, funksiyaların təkrarlanmasının qarşısının alınması məqsədi ilə
müvafiq tədbirlərin həyata keçirilməsi, aidiyyəti dövlət orqanlarının miqrasiya
sahəsində fəaliyyətinin əlaqələndirilməsi;
immiqrantların qəbulu zamanı daxili əmək bazarının tələbatı nəzərə alınaraq
kvotaların tətbiqi;
miqrasiya sahəsinin tənzimlənməsi ilə bağlı aidiyyəti dövlət orqanlarının
məsuliyyətinin artırılması, qanunlara əməl edilməsi, qanun pozuntularına yol
vermiş şəxslərin cəzalandırılması və neqativ halların aradan qaldırılması üçün
müvafiq tədbirlərin görülməsi;
qeyri-qanuni miqrasiyanın qarşısının alınması üçün kompleks tədbirlərin həyata
keçirilməsi;
miqrasiya problemlərinin həlli məqsədi ilə xarici ölkələrin miqrasiya xidmətləri
və beynəlxalq təşkilatlar ilə qarşılıqlı əməkdaşlığın həyata keçirilməsi;
Azərbaycan Respublikasında yaşayan əcnəbilərin və vətəndaşlığı
olmayan
şəxslərin cəmiyyətə inteqrasiyası və yerli şəraitə uyğunlaşdırılması sisteminin
yaradılması.
Qeyri-qanuni miqrasiyanın qarşısının alınması Azərbaycan Respublikasının
təhlükəsizliyinin təmin edilməsinin və Azərbaycan vətəndaşlarının maraqlarının
müdafiəsinin vacib şərtlərindən biridir.
Miqrasiya nəzarəti sistemi qeyri-qanuni miqrasiya ilə bağlı mövcud vəziyyətə adekvat
olmalıdır. Buna görə də miqrasiya prosesləri üzrə idarəetməni təşkil edərkən, Azərbaycan
Respublikası tərəfindən beynəlxalq öhdəliklərin yerinə yetirilməsinin, insan hüquq və
azadlıqlarının müdafiəsinin və dövlətin milli maraqlarının qorunmasının, o cümlədən
onun milli təhlükəsizliyinin təmin edilməsinin zəruriliyi nəzərə alınmalıdır.
Qeyri-qanuni miqrasiyanın qarşısının alınması üçün bu problemin həllinə hərtərəfli
yanaşma və aidiyyəti dövlət orqanlarının aşağıdakı istiqamətlər üzrə birgə fəaliyyəti
zəruridir:
səmərəli fəaliyyət göstərən vahid miqrasiya nəzarəti sisteminin yaradılması
prosesinin sürətləndirilməsi;
miqrantların qanuni mənafelərinin müdafiəsi ilə yanaşı, Azərbaycan
Respublikasının qanunvericiliyini pozmuş əcnəbilər və vətəndaşlığı olmayan
şəxslər barəsində tədbirlər görülməsi, o cümlədən onların deportasiyasını nəzərdə
tutan qanunvericiliyin təkmilləşdirilməsi;
həmsərhəd dövlətlərlə müqavilə prosesinin aktivləşdirilməsi və qeyri-qanuni
miqrasiya ilə mübarizədə öhdəlikləri və məsuliyyəti nəzərdə tutan müvafiq
sazişlərin bağlanması;
əcnəbilərin və vətəndaşlığı olmayan şəxslərin sayı, olma yerləri,
məşğulluğu
barədə və digər zəruri məlumatları özündə əks etdirən əcnəbilərin və vətəndaşlığı
olmayan şəxslərin vahid uçotu sisteminin (miqrasiya informasiya mərkəzinin)
formalaşdırılması.
Dostları ilə paylaş: