Azərbaycan Respublikasının Gənclər və İdman Nazirliyi tərəfindən
Yüklə 177,04 Kb. Pdf görüntüsü
|
14
yarışında iştirak etmişdir. 26-30 mart 2015-ci tarixlərdə sambo idman növü üzrə milli yığma komanda Moskva şəhərində keçirilmiş dünya kuboku yarışlarında iştirak etmiş,1 qızıl, 1 gümüş, 4 bürünc medal qazanmışdır. 27-29 mart 2015-ci il tarixlərdə Türkiyənin Samsun şəhərində keçirilmiş cüdo üzrə turnirdə idmançılarımız 2 qızıl, 1 gümüş medala sahib cıxmışlar. 27-30 mart 2015-ci il tarixlərdə sərbəst güləş üzrə yığmamız 12 nəfər tərkibdə Yaşar Döğunun xatirəsinə həsr olunmuş beynəlxalq turnirdə iştirak etmək üçün Türkiyənin İstanbul şəhərinə ezam olunmuşdur. Bu yarışda idmançılarımız 1 qızıl, 2 bürünc medal qazanmışlar. 28-29 mart 2015-ci il tarixlərdə İtaliyanın Liqnano şəhərində gənclər arasında cüdo üzrə Avropa kuboku keçirilmişdir. Kubok yarışında yığma komandanın üzvləri 5 qızıl, 1 gümüş və 3 bürünc medal əldə etmişlər. 04-15 aprel 2015-ci il tarixlərdə sərbəst güləş üzrə kişilərdən ibarət yığma komanda 12 nəfər tərkibdə dünya kuboku yarışında iştirak etmək üçün ABŞ-nın Los-Anceles şəhərinə ezam olunmuşdur. Bu yarışda yığmamız 8 komanda arasında III yerə layiq görülmüşdür. 05-08 aprel 2015-ci il tarixlərdə Qəbələ, Astara və Tovuz Olimpiya İdman Komplekslərində sərbəst güləş üzrə yarışların zona mərhələləri keçirilmişdir. 06-09 aprel 2015-ci il tarixlərdə Gəncə şəhərində ağır atletika üzrə 2001-2002-ci il təvəllüdlü yeniyetmələr arasında Azərbaycan birinciliyi keçirilmişdir. 06-27 aprel 2015-ci il tarixlərdə qadın güləşi üzrə yığma komanda 12 nəfər tərkibdə I Avropa Oyunlarına hazırlıqla əlaqədar təlim-məşq toplanışında və “Dan Kolov və Nikola Petrov” adına beynəlxalq turnirdə iştirak etmək üçün Bolqarıstanın Sofiya şəhərinə ezam olunmuşdur. Turnirdə idmançılarımız 1 qızıl, 2 gümüş və 1 bürünc medal qazanmışlar. 09-18 aprel 2015-ci il tarixlərdə Gürcüstanın Tbilisi şəhərində kişilər və qadınlar arasında ağır atletika üzrə Avropa çempionatı keçirilmişdir. Yarışda idmançılarımız 3 qızıl, 1 bürünc medala layiq görülmüşlər. 11-12 aprel 2015-ci il tarixlərdə yeniyetmələrdən ibarət yığma komanda Çexiyanın Tepliça şəhərində keçirilmiş cüdo üzrə Avropa kubokunda iştirak etmişdir. Bu tədbirdə idmançılarımız 4 bürünc medal qazanmışlar. 11-20 aprel 2015-ci il tarixlərdə kişi və qadın idman gimnastikası üzrə yığma komanda Fransanın Monpelye şəhərində 6-cı Avropa çempionatında iştirak etmişdir. 13-18 aprel 2015-ci il tarixlərdə qarışıq döyüş növləri üzrə yığma komandamız Ukraynanın Lvov şəhərində keçirilmiş WCFF üzrə Avropa çempionatı və MMA üzrə dünya kubokunda iştirak etmişdir. Komandanın üzvləri 4 qızıl medal qazanmışdır. 16-20 aprel 2015-ci il tarixlərdə sambo idman növü üzrə yeniyetmələr və gənclərdən ibarət yığma komandamız Serbiyanın Novi-Sad şəhərində keçirilmiş gənclərin Avropa birinciliyində iştirak etmiş, idmançılarımız 2 qızıl, 1 gümüş 2 bürünc medal əldə etmişlər. 18-19 aprel 2015-ci il tarixlərdə Sank-Peterburq şəhərində keçirilmiş cüdo üzrə gənclər arasında Avropa kubokunda yığma komandanın üzvləri 2 qızıl, 1 bürünc medala sahib çıxmışlar. 23-26 aprel 2015-ci il tarixlərdə Ağdam rayon İdman Olimpiya Kompleksində ümummilli lider Heydər Əliyevin xatirəsinə həsr olunmuş universal döyüş üzrə beynəlxalq turnir keçirilmişdir. Yığma komandanın üzvləri 7 qızıl medal qazanmış və komanda hesabında I yerə çıxmışlar.
15
24-27 aprel 2015-ci il tarixlərdə Bakı şəhəri “Sərhədçi” İdman Olimpiya Mərkəzinin açıq meydançasında 3x3 basketbol üzrə kişilər arasında beynəlxalq turnir keçirilmişdir. 25 aprel-05 may 2015-ci il tarixlərdə kempo karate üzrə yığma komanda Türkiyənin Antaliya şəhərində keçirilən 12-ci İKF - dünya çempionatında iştirak etmişdir. Nəticədə yığma komandamızın üzvləri 4 qızıl, 3 gümüş və 4 bürünc medal qazanmışdır. 28 aprel-04 may 2015-ci il tarixlərdə bədii gimnastika üzrə Azərbaycan yığma komandası Belarusun Minsk şəhərində keçirilən 31-ci Avropa çempionatında iştirak etmişdir. 28 aprel-05 may 2015-ci il tarixlərdə sportinq üzrə yığma komanda 2 nəfər tərkibdə İtaliyanın Folinyo şəhərində keçirilmiş Avropa çempionatında iştirak etmişdir. 2015-ci ilin aprel ayında Bakıda kişilər arasında boks üzrə “Böyuk İpək Yolu” beynəlxalq turniri və yeniyetmələr arasında “Heydər Əliyev kuboku” beynəlxalq turniri keçirilmişdir. Kişilər arasında keçirilən “Böyük İpək Yolu” beynəlxalq turniri I Avropa Oyunlarına hazırlıq xarakterı daşıyırdı. Bu yarışda komandamız 7 qızıl medalla ümumi hesabda I yerə layiq görüldü. 02-07 may 2015-ci il tarixlərdə su idman növləri üzrə Xaçmaz Olimpiya İdman Kompleksində ümummilli lider Heydər Əliyevin xatirəsinə həsr olunmuş üzgüçülük üzrə beynəlxalq turnir keçirilmişdir. Turnirdə 5 ölkə-Rusiya, Qazaxıstan, Qırğızıstan, Gürcüstan və Azərbaycan idmançıları iştirak etmişdir. 05-07 may 2015-ci il tarixlərdə Bakı şəhəri Su İdmanı Sarayında ümummilli lider Heydər Əliyevin xatirəsinə həsr olunmuş su polosu üzrə beynəlxalq turnir keçirilmişdir. Turnirdə 8 komanda İtaliya, Yunanıstan, Rusiya, Türkiyə, Qazaxıstan, Macarıstan, Gürcüstan və Azərbaycan komandaları iştirak etmişdir. 06-10 may 2015-ci il tarixlərdə velosiped idmanı üzrə “Tour de Azerbaijan” beynəlxalq turniri keçirilmişdir. Beynəlxalq turnirdə 24 ölkədən 120-yə yaxın idmançı iştirak etmişdir. 08-09 may 2015-ci il tarixlərdə ümummilli lider
Heydər Əliyevin anadan olmasının 92 illiyi ilə əlaqədar Şahdağ Milli Parkı ərazisində Qızılqaya massivində yerləşən "Heydər zirvəsi"nə yürüş edilmişdir. Yürüşdə
Gənclər və İdman Nazirliyinin əməkdaşları ilə yanaşı, Azərbaycan Respublikası Prezidentinin Administrasiyası,
ASAN xidmət, Azərbaycan
Peyntbol Federasiyası, Azərbaycan Hava və Ekstremal İdman Növləri Federasiyası, UNİBANK əməkdaşları, Ali Neft Məktəbi və Azərbaycan Tibb Universitetinin tələbələri iştirak etmişlər. 08-10 may 2015-ci il tarixlərdə Bakı şəhərində cüdo üzrə Qrand-Şlam beynəlxalq turniri keçirilmişdir. Turnirdə idmançılarımız 2 qızıl və 1 gümüş medal qazanmışlar. 09-10 may 2015-ci il tarixlərdə I Avropa Oyunlarına hazırlıq məqsədilə qılıncoynatma idman növü üzrə Bakı Kristal Hollda test turniri keçirilmişdir. Bu turnirdə Türkiyə, Gürcüstan və Azərbaycan idmancılarından ibarət 54 idmançı iştirak etmişdir. 13-18 may 2015-ci il tarixlərdə İspaniyanın Santa-Sussana şəhərində qadınlar və kişilər arasında bodibildinq üzrə keçirilmiş Avropa çempionatında 7 nəfərdən ibarət komandamız iştirak etmişdir. Şəhriyar Neymətmizai II yeri və Yelena Kirşına isə I yeri tutmuşdur. 13-18 may 2015-ci il tarixlərdə sambo idman növü üzrə yığma komandamız Xorvatiyanın Zaqreb şəhərində keçirilmiş Avropa çempionatında iştirak etmiş, 2 bürünc medal qazanmışdır. 21-24 may 2015-ci il tarixlərdə Mərakeşin Rabat şəhərində cüdo üzrə dünya ustalarının yarışında idmançılarımız 1 qızıl, 1 gümüş və 1 bürünc medal əldə etmişlər. 28-31 may 2015-ci il tarixlərdə veteran cüdoçular arasında Macarıstanın Balatonfüret şəhərində Avropa
16
çempionatı keçirilmişdir. Çempionatda veteran idmançılar 4 qızıl medal qazanmışlar. 2015-ci ilin may ayında yeniyetmələrdən ibarət yığma komanda Ukraynanın Lvov şəhərində keçirilən boks üzrə Avropa birinciliyində uğurla iştirak edərək 2 qızıl, 2 gümüş və 2 bürunc medal qazanmış, ümumilikdə isə 6 medalla komanda hesabında II yerə layiq görülmüşlər. 02-05 iyun 2015-ci il tarixlərdə Balakən Olimpiya İdman Kompleksində sərbəst güləş üzrə, 06-09 iyun 2015- ci il tarixlərdə isə yunan-roma güləşi üzrə final yarışları keçirilmişdir. 03-04 iyul 2015-ci il tarixlərdə Bolqarıstanın Sofiya şəhərində yeniyetmələr arasında cüdo idman növü üzrə Avropa birinciliyi keçirilmişdir. Yarışda yığma komandanın üzvləri 2 qızıl, 1 bürünc medal qazanmışdır. 03–07 iyul 2015-ci il tarixlərdə yığma komanda Ukraynanın İliçevsk şəhərində universal döyüş üzrə keçirilmiş Avropa birinciliyində iştirak etmişdir. İdmançılarımız klassik versiya üzrə 1 qızıl, 2 gümüş medal, layt versiyası üzrə isə 2 qızıl, 1 gümüş medal qazanmışdır. 03-14 iyul 2015-ci il tarixlərdə Cənubi Koreyanın Kvanju şəhərində kütləvi bədən tərbiyəsi və texniki idman növləri üzrə Tələbələrin XXVIII Ümumdünya Yay Universiadası keçirilmişdir. Azərbaycan yığma komandası bu mötəbər yarışda 3 idman növü üzrə iştirak etmiş, 2 qızıl və 1 bürünc medal qazanmışdır. 05-16 iyul 2015-ci il tarixlərdə Zaqatala Olimpiya İdman Kompleksində 16 yaşadək oğlan və qızlar arasında şahmat üzrə Respublika Olimpiadası keçirilmişdir. Azərbaycanın 47 şəhər və rayonundan 444 şahmatçının iştirak etdiyi bu yarışda mübarizə şəxsi-komanda hesabında aparılırdı. Yarışlar 2 yaş qrupu üzrə - 12 və 16 yaş qruplarında və İsveçrə sistemi üzrə 11 turdan ibarət olub. 332 şahmatçının iştirak etdiyi 12 yaş qrupunda qalib adını 11 oyundan 9 xalla Bakı şahmatçısı qazanmışdır. Onunla eyni sayda xal toplamış digər Bakı şahmatçıları da 2-ci və 3-cü yerləri bölüşdürmüşlər. 16-19 iyul 2015-ci il tarixlərdə İsveçin Eskilstuna şəhərində keçiirlmiş U-20 Avropa çempionatında yığma komandanın üzvü təkanla tullanmada 17.04m. nəticə göstərərək qızıl medal qazanmış, yeni rekorduna imza atmış və RİO-2016-ya lizenziya əldə etmişdir. 25 iyul-2 avqust 2015-ci il tarixlərdə ABŞ-ın Kaliforniya Ştatının Los -Anjeles şəhərində Ümumdünya Xüsusi Olimpiya Oyunları (Special Olympics World Games) keçirilmişdir. Azərbaycan yığma komandası bu mötəbər yarışda 10 idman növü üzrə (atletika, basketbol, badminton, cüdo, futbol, həndbol, poverliftinq, stolüstü tennis, üzgüçülük və voleybol) iştirak etmiş, 8 qızıl medal qazanmışdır. 28 iyul-01 avqust 2015-ci il tarixlərdə Gürcüstanın Tiflis şəhərində Yeniyetmələrin Avropa Olimpiya Festivalı keçirilmişdir. Tədbirdə yığma komandanın üzvləri 2 qızıl,1 gümüş və 2 bürünc medal əldə etmişdir. 04-09 avqust 2015-ci il tarixlərdə Serbiyanın Subbotiça şəhərində keçirilmiş yeniyetmələrdən ibarət yığma komanda Avropa birinciliyində iştirak etmiş, yunan-roma güləşi üzrə yarşda bir qızıl, iki bürünc, sərbəst güləş üzrə iki qızıl, üç bürünc , qadın güləşi üzrə bir gümüş, bir bürünc medal əldə etmişdir. 05-08 avqust 2015-ci il tarixlərdə Bosniya-Hersoqovinanın Sarayevo şəhərində cüdo idman növü üzrə keçirilmiş yeniyetmələr arasında dünya birinciliyində yığma komandanın üzvləri 2 gümüş medal qazanmışdır. 13-14 avqust 2015-ci il tarixlərdə Braziliyanın Salvador Da Bahiya şəhərində keçirilmiş gənclərin dünya birinciliyində yığma komandamız yunan-roma güləşi üzrə bir qızıl, iki gümüş, bir bürünc, sərbəst güləş üzrə dörd qızıl, bir bürünc, qadın güləşi üzrə iki qızıl, iki gümüş, bir bürünc medal əldə etmişdir. 23-30 avqust 2015-ci il tarixlərdə İspaniyanın San Sebastian şəhərində kikboksinq idman növü üzrə keçirilmiş WAKO versiyası üzrə Avropa çempionatında idmançılarımız 2 qızıl, 2 gümüş, 5 bürünc medal 17
qazanmışdır. 24-31 avqust 2015-ci il tarixlərdə Bosniya Hersoqovinanın Sarayevo şəhərində yeniyetmələrdən ibarət yığma komandamız dünya birinciliyində yunan-roma güləşi üzrə üç bürünc, sərbəst güləş üzrə bir gümüş, dörd bürünc, qadın güləşi üzrə bir qızıl, iki bürünc medal əldə etmişlər. 30 avqust 2015-ci il tarixdə triatlon idman növü üzrə Rumıniyada keçirilmiş Avropa kubokunda Azərbaycanın gənclərdən ibarət yığma komandasının üzvü bürünc medal qazanmışdır. 02-13 sentyabr 2015-ci il tarixlərdə Rusiyanın Sankt-Peterburq şəhərində yeniyetmə boksçular arasında dünya çempionatı keçirilmişdir. Bu yarışda yeniyetmələrdən ibarət yığma boks komandası 12 idmançı ilə təmsil olunaraq vətənə 2 medalla – qızıl və bürünc medalla qayıtmışlar. 04-12 sentyabr 2015-ci il tarixlərdə Bakı şəhərində Polo üzrə Avropa çempionatı keçirilmişdir. Azərbaycan komandası ilə yanaşı Almaniya, İrlandiya, İspaniya, İsveçrə və İtaliya komandaları mübarizə aparmışlar. Finalda Azərbaycan komandası ilə Almaniya komandası görüşmüş 6-5 hesabı ilə Azərbaycan komandası qalib gələrək Avropa çempionu olmuşdur. 07-12 sentyabr 2015-ci il tarixlərdə Amerika Birləşmiş Ştatlarının Las-Veqas şəhərində böyüklərdən ibarət yığma komandamız dünya çempionatında yunan-roma güləşi üzrə bir qızıl, bir gümüş, bir bürünc, sərbəst güləş üzrə bir qızıl, bir gümüş, bir bürünc, qadın güləşi üzrə bir gümüş, bir bürünc medal əldə etmişlər. 10 sentyabr – 05 oktyabr 2015-ci il tarixlərdə Bakı şəhəri “Fairmont Baku” otelində şahmat üzrə Dünya Kuboku keçirilmişdir. Dünyanın 45 ölkəsindən 128 ən güclü şahmatçının iştirak etdiyi bu yarış Olimpiya sistemi üzrə keçirilmişdir. Yarışda Azərbaycanı 6 şahmatçı, beynəlxalq qrossmeysterlər təmsil etmişlər. 15 sentyabr 2015-ci il tarixində atçılığın konkur növü üzrə Danimarkada CSİ-1* kateqoriyalı “Riders Cup” Beynəlxalq turnir keçirilmişdir. Bu turnirdə 140 sm maneələrə qarşı yarışda “Carvin” ləqəbli atla Andre Şroder I-yerə çıxmışdır. 19-30 sentyabr 2015-ci il tarixlərdə Gürcüstanın Batumi şəhərində gözdən əlillər arasında şahmat və dama üzrə Cənubi Qafqaz ölkələrinin şəxsi-komanda birinciliyi keçirilmişdir. Yarışda Azərbaycan gözdən əlil şahmat və damaçıları həm şəxsi, həm də komanda hesabında 1-ci yerə layiq görülmüşdür. 22-27 sentyabr 2015-ci il tarixlərdə Rusiyanın Anapa şəhərində kikboksinq idman növü üzrə keçirilmiş dünya kubokunda idmançılarımız 3 qızıl, 5 gümüş və 1 bürünc medala sahib olmuşdur. 01-11 oktyabr 2015-ci il tarixlərdə Litvanın Klaypeda şəhərində ağır atletika idman növü üzrə 20-23 yaşlı idmançılar arasında Avropa çempionatı keçirilmişdir. Yarışda idmançılarımız 3 qızıl və 3 bürünc medal əldə etmişdir. 02-16 oktyabr 2015-ci il tarixlərdə Qətər Əmirliyinin paytaxtı Doha şəhərində kişilər arasında lisenziya xarakterli dünya çempionatı keçirilmişdir. Bu yarışda komandamız 9 boksçu ilə təmsil olunaraq vətənə bir qızıl, bir gümüş, 2 bürünc medalla qayıtmışlar. 03-06 oktyabr 2015-ci il tarixlərdə Koreyanın Mingyonq şəhərində keçirilmiş cüdo idman növü üzrə Hərbiçilərin VI Dünya Oyunlarında komandamızın üzvləri 1 gümüş, 8 bürünc medala sahib çıxmışdır. 05–08 oktyabr 2015-ci il tarixlərdə universal döyüş üzrə yığma komanda Rusiyanın Medin şəhərində keçirilmiş 18-20 yaşlıların dünya birinciliyində iştirak etmişdir. Yığma komandanın üzvləri 2 qızıl, 4 gümüş medal əldə etmişdir. 06-10 oktyabr 2015-ci il tarixlərdə Koreyanın Mungyonq şəhərində keçirilmiş güləş üzrə böyüklərdən ibarət yığma komandamız Hərbçilərin VI Dünya Oyunları yarışlarında yunan-roma güləşi üzrə bir qızıl, sərbəst güləş 18
üzrə bir gümüş, bir bürünc medal əldə etmişlər. 08-12 oktyabr 2015-ci il tarixlərdə Latviyanın Riqa şəhərində keçirilmiş yeniyetmələr və gənclərdən ibarət yığma komandalar sambo üzrə dünya birinciliyində iştirak etmişdir. İdmançılar bu yarışda yeniyetmələr arasında 1 qızıl, 1 gümüş, 2 bürünc medal və gənclər arasında isə 1 qızıl, 1 gümüş medal əldə etmişlər. 16-24 oktyabr 2015-ci il tarixlərdə Çövkən Milli Atüstü Oyunu üzrə IV Azərbaycan çempionatı keçirilmişdir. Çempionatda ölkənin müxtəlif regionlarından 24 komanda iştirak etmişdir. Sərhədçi I-yerə, Polad komandası II-yerə, Ağstafa komandası isə III-yerə çıxmışdır. 17-25 oktyabr 2015-ci il tarixlərdə Makedoniyanın Skopye şəhərində klub komandaları arasında növbəti Avropa çempionatı keçirilmişdir.“SOCAR”(Azərbaycan) komandası çempionatı 2-ci dəfə 2-ci yerdə başa vuraraq, gümüş medal qazandı. 17 oktyabr-02 noyabr 2015-ci il tarixlərdə idman gimnastika üzrə Azərbaycanın yığma komandası Böyük Britaniyanın Qlazqo şəhərində 46-cı dünya çempionatında iştirak etmişdir. Azərbaycan təmsilçisi Oleq Stepko Rio-2016 Yay Olimpiya Oyunlarına lisenziya əldə etmiş, paralel qollarda final hərəkətlərində bürünc medal qazanmışdır. 24 oktyabr-01 noyabr 2015-ci il tarixlərdə Serbiyanın Belqrad şəhərində kikboksinq üzrə WAKO-nun dünya çempionatında iştirak etmiş yığma komandanın üzvləri 1 qızıl, 3 gümüş, 3 bürünc medal qazanmışdır. 28 oktyabr - 03 noyabr 2015-ci il tarixlərdə yığma komanda Fransanın Orlean şəhərində keçirilmiş qılıncoynatma üzrə (sablya qadınlar) lisenziya xarakterli Qran-Pri dünya kubokunda iştirak etmişdir. 03-09 noyabr 2015-ci il tarixlərdə kikboksinq idman növü üzrə İspaniyanın Benidorm şəhərində WKA WTKA LAKSA versiyaları üzrə keçirilmiş dünya çempionatında idmançılarımız 6 qızıl, 3 gümüş medal əldə etmişlər. 05-09 noyabr 2015-ci il tarixlərdə İspaniyanın Benidorm şəhərində kişilər arasında bodibildinq üzrə keçirilmiş dünya çempionatında 7 nəfərdən ibarət komandamız bir qızıl və gümüş mükafata layiq görülmüşlər. 12-16 noyabr 2015-ci il tarixlərdə Mərakeşin Kasablanka şəhərində keçirilmiş sambo üzrə yığma komanda dünya çempionatında 3 gümüş medal qazanmışdır.
13-14 noyabr 2015-ci il tarixlərdə Avstraliyanın Volonqoq şəhərində cüdo üzrə Açıq Okeaniya yarışları keçirilmişdir. Bu yarışlarda idmançılarımız 1 qızıl, 2 gümüş, 2 bürünc medal qazanmışlar. 13-15 noyabr 2015-ci il tarixlərdə Slovakiyanın Bratislava şəhərində cüdo üzrə Avropa çempionatı keçirilmişdir. Yarışda idmançılarımız 1 gümüş, 2 bürünc medal qazanmışlar. 16-29 noyabr 2015-ci il tarixlərdə ABŞ-nın Hyuston şəhərində ağır atletika üzrə dünya çempionatı keçirilmişdir. Yığma komandanın üzvləri 3 qızıl, 2 gümüş və 3 bürünc medal qazanmış və 4 lisenziya əldə etmişdir. 19-29 noyabr 2015-ci il tarixlərdə Polşanın Kolobrzek şəhərində gənclər arasında Avropa çempionatı keçirilmişdir. Bu yarışda gənclərdən ibarət yığmamız 9 boksçu ilə təmsil olunaraq vətənə qızıl, gümüş, bürünc medalla dönmüşlər. 20-22 noyabr 2015-ci il tarixlərdə Çinin Qinqdao şəhərində cüdo idman növü üzrə keçirilmiş Qran-Pri beynəlxalq yarışda idmançılarımız 2 qızıl, 1 gümüş, 3 bürünc medal əldə etmişdir. 10-15 dekabr 2015-ci il tarixlərdə qılıncoynatma idman növü üzrə qadınlar arasında yığma komanda ABŞ-ın 19
Boston şəhərində Qran-Pri dünya kuboku yarışında iştirak etmişdir. Bundan başqa ölkəmizdə 2016-cı il Ümumdünya Şahmat Olimpiadası və Formula-1 üzrə Bakı Avropa Qran- Pri yarışlarına, futbol üzrə 17 yaşadək oğlanlardan ibarət komandalar arasında Avropa çempionatına, 2017-ci ildə keçiriləcək IV İslam Həmrəyliyi Oyunlarına, 2020-ci ildə futbol üzrə Avropa çempionatının dörddə bir mərhələ yarışlarına hazırlıq işləri davam etdirilir. Yüklə 177,04 Kb. Dostları ilə paylaş:
|