Ali Məhkəməsinin müvafiq kollegiyasında baxıldıqdan sonra bilavasitə Azərbaycan Respublikası Ali
Məhkəməsinin Plenumu qarşısında qaldırıla bilər.
M a d d ə 3 5 3 . Normativ hüquqi aktın yoxlanılması haqqında vəsatətə dair tələblər
353.1. Normativ hüquqi aktın Konstitusiyaya uyğunluğunun yoxlanılması haqqında vəsatət yazılı
formada verilir.
353.2. Vəsatətdə aşağıdakılar göstərilməlidir:
353.2.1. vəsatətin verildiyi məhkəmənin adı;
353.2.2. vəsatət verən şəxsin poçt və ya hüquqi ünvanı;
353.2.3. mübahisə edilən aktı qəbul etmiş orqan və ya vəzifəli şəxs;
353.2.4. işin faktiki hallarının izahı;
353.2.5. vəsatətin məqsədi və hüquqi əsaslandırılması;
353.2.6. sorğunun Azərbaycan Respublikasının Konstitusiya Məhkəməsinə göndərilməsi barədə
Azərbaycan Respublikası Ali Məhkəməsinin Plenumuna ünvanlanmış xahiş.
353.3. Normativ hüquqi aktın Konstitusiyaya uyğunluğunun yoxlanılması haqqında vəsatətə
aşağıdakılar əlavə olunmalıdır:
353.3.1. mübahisə edilən normativ hüquqi aktın rəsmi nəşrlərdə dərc edilmiş mətni;
353.3.2. ərizəçinin fikrincə onun Azərbaycan Respublikasının Konstitusiyası ilə nəzərdə tutulmuş
əsas hüquq və azadlıqlarını pozan məhkəmə aktları (əgər qəbul edilibsə);
353.3.3. işin hallarının araşdırılması üçün zəruri olan iddia ərizəsinin surəti və digər sənədlər.
353.4. Normativ hüquqi aktın Konstitusiyaya uyğunluğunun yoxlanılması haqqında vəsatət ərizəçi
və ya buna səlahiyyəti olduqda onun nümayəndəsi tərəfindən imzalanır. Vəsatəti hüquqi şəxs
qaldırdıqda, onun rəhbəri tərəfindən imzalanır.
M a d d ə 3 5 4 . Birinci, apellyasiya və kassasiya instansiya məhkəmələrinin normativ hüquqi
aktın Konstitusiyaya uyğunluğunun yoxlanılması haqqında vəsatətə dair hərəkətləri
354.1. Bu Məcəllənin 352.2.1‐ci maddəsində göstərilən halda normativ hüquqi aktın Konstitusiyaya
uyğunluğunun yoxlanılması haqqında vəsatət almış birinci, apellyasiya və ya kassasiya instansiya
məhkəməsi (hakimi):
354.1.1. vəsatətin bu Məcəllənin 353‐cü maddəsinin tələblərinə uyğunluğunu yoxlayır;
354.1.2. mübahisə edilən normativ hüquqi aktın həqiqətən bu işin icraatı zamanı tətbiq edildiyini
və ya tətbiq edilə biləcəyini araşdırır;
354.1.3. işdə iştirak edən şəxsin vəsatətə dair tələblərə riayət etmədiyi və ya mübahisə edilən
normativ hüquqi aktın bu işdə tətbiq edilmədiyi və ya tətbiq edilə bilməyəcəyi müəyyən olunduqda,
vəsatətin rədd edilməsi haqqında qərardad çıxarır və işə yekuna qədər baxmağı davam etdirir;
354.1.4. işdə iştirak edən şəxsin vəsatətə dair tələblərə riayət etdiyi və mübahisə edilən normativ
hüquqi aktın bu iş üzrə tətbiq edildiyi və ya tətbiq edilə biləcəyi müəyyən edildikdə, vəsatətin
2007‐ci_il,_№_6,_maddə_560'>Azərbaycan_Respublikası_Konstitusiya_Məhkəməsinin_normativ_hüquqi_aktın_əsas_hüquq_və_azadlıqları_pozduğunu'>Azərbaycan Respublikası Ali Məhkəməsinin Plenumuna göndərilməsi və iş üzrə icraatın dayandırılması
haqqında qərardad çıxarır.
354.2. Məhkəmənin (hakimin) qərardadı bu Məcəllənin 21‐ci fəslində göstərilən tələblərə uyğun
olmalıdır. Məhkəmənin (hakimin) qərardadının surətləri işdə iştirak edən şəxslərə verilir.
354.3. Məhkəmənin (hakimin) normativ hüquqi aktın Konstitusiyaya uyğunluğunun yoxlanılması
haqqında vəsatətin Azərbaycan Respublikası Ali Məhkəməsinin Plenumuna göndərilməsi və ya belə
vəsatətin rədd edilməsi haqqında qərardadından şikayət verilə bilməz.
354.4. Normativ hüquqi aktın Konstitusiyaya uyğunluğunun yoxlanılması haqqında vəsatətdə
göstərilən dəlillər işin yekunlaşdığı məhkəmə aktından yuxarı məhkəməyə ünvanlanmış şikayətdə şərh
edilə bilər.
354.5. Vəsatət Azərbaycan Respublikası Ali Məhkəməsinin Plenumu tərəfindən rədd edildikdə, iş
üzrə icraat təzələnir.
354.6. Azərbaycan Respublikası Ali Məhkəməsinin Plenumu sorğunu Azərbaycan Respublikasının
Konstitusiya Məhkəməsinə göndərdikdə, iş üzrə icraat sorğuya dair Azərbaycan Respublikasının
Konstitusiya Məhkəməsi tərəfindən qərar qəbul edildikdən sonra təzələnir.
M a d d ə
3 5 5 . Normativ hüquqi aktın Konstitusiyaya uyğunluğunun yoxlanılması
haqqında vəsatət üzrə Azərbaycan Respublikası Ali Məhkəməsinin hərəkətləri
355.1. Normativ hüquqi aktın Konstitusiyaya uyğunluğunun yoxlanılması haqqında bilavasitə
ərizəçidən və ya birinci, apellyasiya və kassasiya instansiyası məhkəməsinin qərardadı üzrə vəsatət almış
Azərbaycan Respublikası Ali Məhkəməsinin sədri Azərbaycan Respublikası Ali Məhkəməsinin müvafiq
kollegiyasının hakimlərindən birinə:
355.1.1. vəsatətin bu Məcəllənin 353‐cü maddəsində göstərilən tələblərə uyğunluğunu yoxlamağı;
355.1.2. əslində də mübahisə edilən normativ hüquqi aktın həmin iş üzrə icraat zamanı tətbiq
edildiyini və ya tətbiq edilə biləcəyini araşdırmağı;
355.1.3. rəy hazırlamağı və həmin vəsatət üzrə Azərbaycan Respublikası Ali Məhkəməsi
Plenumunun iclasında çıxış etməyi tapşırır.
355.2.Azərbaycan Respublikası Ali Məhkəməsinin Plenumu:
355.2.1. normativ hüquqi aktın Konstitusiyaya uyğunluğunun yoxlanılması haqqında vəsatətin bu
Məcəllənin 353‐cü maddəsində nəzərdə tutulmuş tələblərə uyğunluğunu;
355.2.2. Azərbaycan Respublikasının Konstitusiya Məhkəməsinə sorğu göndərmək üçün əsasın
olub‐olmamasını müəyyənləşdirir.
355.3. Normativ hüquqi aktın Konstitusiyaya uyğunluğunun yoxlanılması haqqında vəsatət üzrə
qərarı vəsatət Azərbaycan Respublikasının Ali Məhkəməsinə daxil olduğu gündən sonra 1 aydan gec
olmayaraq, bu Məcəllənin 44‐cü fəslində müəyyən edilmiş qaydada Azərbaycan Respublikası Ali
Məhkəməsinin Plenumu qəbul edir.
355.4. Azərbaycan Respublikasının Konstitusiya Məhkəməsinə sorğu «Konstitusiya Məhkəməsi
haqqında» Azərbaycan Respublikasının Qanunu ilə müəyyən edilmiş qaydada verilir.
355.5. Normativ hüquqi aktın Konstitusiyaya uyğunluğunun yoxlanılması haqqında vəsatətin
baxılmasının nəticələri barədə ərizəçiyə və ya vəsatətin Azərbaycan Respublikası Ali Məhkəməsinin
Plenumuna göndərilməsi barədə qərardad çıxarmış məhkəməyə (hakimə) dərhal yazılı surətdə xəbər
verilir.
355.6. Normativ hüquqi akt hər hansı şəxsin hüquqlarını pozduqda, Azərbaycan Respublikası Ali
Məhkəməsinin Plenumu öz təşəbbüsü ilə sorğunu Azərbaycan Respublikasının Konstitusiya
Məhkəməsinə göndərir.
M a d d ə 3 5 6 . Azərbaycan Respublikası Konstitusiya Məhkəməsinin normativ hüquqi
aktın əsas hüquq və azadlıqları pozduğunu hesab etməsinin nəticələri
Qüvvədə olan normativ hüquqi aktla hər hansı şəxsin əsas hüquq və azadlıqların pozulduğunun
hesab edilməsi haqqında Azərbaycan Respublikası Konstitusiya Məhkəməsinin qərarı bu Məcəllənin 44‐
cü fəslində nəzərdə tutulmuş qaydada həmin normativ hüquqi akt əsasında çıxarılmış məhkəmə aktının
və ya onun bir hissəsinin ləğv edilməsi üçün əsasdır.
17 aprel 2007‐ci il tarixli 313‐IIIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2007‐ci il, № 6, maddə 560) ilə Məcəlləyə 40‐cı fəsil əlavə
edilmişdir.
181
16 iyun 2007‐ci il tarixli 385‐IIIQD nömrəli Azərbaycan Respublikasının Qanunu (Azərbaycan
Respublikasının Qanunvericilik Toplusu, 2007‐ci il, № 7, maddə 712) ilə 358‐ci maddə yeni
redaksiyada verilmişdir.
Əvvəlki redaksiyada deyilirdi:
M a d d ə 3 5 8 . Apellyasiya qaydasında işə baxan məhkəmələr
358.0. Birinci instansiya məhkəməsinin qətnaməsindən apellyasiya qaydasında aşağıdakı
məhkəmələrə şikayət verilə bilər:
358.0.1. rayon məhkəmələrinin qətnamələrindən—Azərbaycan Respublikasının Apellyasiya
Məhkəməsinə;
358.0.2. yerli iqtisad məhkəmələrinin və beynəlxalq müqavilələrdən irəli gələn iqtisadi mübahisələr
üzrə məhkəmələrin qətnamələrindən—Azərbaycan Respublikasının Apellyasiya İqtisad Məhkəməsinə;
358.0.3. Naxçıvan Muxtar Respublikası rayon məhkəmələrinin qətnamələrindən—Naxçıvan
Muxtar Respublikası Ali Məhkəməsinin mülki işlər üzrə apellyasiya kollegiyasına.
Dostları ilə paylaş: |