711
Altı aylıq vaxt təyin etməklə hökumət o fikirdən çıxış edir ki, burada
oturaraq hansı ölkədə bizim nümayəndə heyətinə daha çox tələbat olacağını
müəyyən etmək mümkün deyil. Altı ay müddətində bu nümayəndə heyətləri
vasitəsilə müəyyən etmək olar ki, hansı ölkədə nümayəndə heyəti saxlamaq,
hansında isə saxlamamaq olar. Bu sualları həll etmək üçün altı aylıq müddət
tamamilə qənaətbəxşdir. Bəlkə dəqiq məlumat əldə edildikdən sonra həmin
nümayəndə heyətlərinin bəzisini ləğv etdik və ya onlara yenilərini də əlavə etdik.
Ə. H. Qarayev ("Hümmət") - Mən istəyirəm biləm ki, nə üçün bizim
hökumətin dostluq münasibətləri yaratmaq istədiyi ölkələr arasında sovet
Rusiyasının adı yoxdur. Nə üçün bütün imperialist dövlətlərə nümayəndə heyəti
göndərərkən siz həqiqi dostunuzu yaddan çıxarırsınız. Nə vaxt ki, Denikin qüvvətli
idi, siz Rüstəmboyovu nümayəndə kimi onun yanına göndərdiniz. (səs-küy. Səslər:
Yalandır, Denikinin yanına deyil, Kuban hökuməti yanına). Bu sizin taktikanızdır.
Göstərəsiniz ki, sovet Rusiyası ilə dostluq əlaqəsi yaratmaq istəmirsiniz.
F. X. Xoyski (Xarici işlər naziri) – Mən bilmirəm, çıxış edən natiq
demaqoqiya ilə məşğuldur, yoxsa məsələyə həqiqətən aydınlıq gətirmək istəyir.
Bizə deyirlər ki, niyə siz istəmirsiniz sovet Rusiyası ilə dostluq əlaqələri
yaradasınız. Biz həmişə böyük rus xalqı ilə xalqımızın ən sıx surətdə yaxınlaşması
fikrində olmuşuq və yenə də bu fikirdəyik, Əgər bu dostluq yoxdursa, bu bizim
günahımız deyil. Biz üç dəfə sovet Rusiyasına müraciət edərək dostluq əlaqələri
yaratmaq üçün danışığa hazır olduğumuzu elan etmişik. Lakin bu günə qədər bizim
təkliflərimiz cavabsız qalıb. Çıxış edən natiq nahaq bizi günahlandırır. Əgər o
istəyir ki bizimlə Rusiya arasında dostluq əlaqələri yaransın, onda qoy öz
məsləkdaşlarını danışıqlara getməyə məcbur etsin. (Alqışlar). Biz danışıqlar üçün
həmişə hazırıq. Bizə göstəriş vermək lazım deyildir. O şəxslərə göstəriş vermək
lazımdır ki, bu günə qədər həmin məsələnin həllini yubadır. Burda deyildi ki, biz
Denikinin yanına nümayəndə göndərmişik. Bu böhtandır. Biz Denikin yanına heç
vaxt və heç bir nümayəndə göndərməmişik. Biz öz nümayəndəmizi müstəqil
Kuban Respublikasına göndərmişdik.
A. Səfikürdski (sosialist) və Q. Qarabəyov ("İttihad") - öz fraksiyaları
adından bəyan edirlər ki, müzakirə olunan qanun layihəsi onların fraksiyası
tərəfindən alınmamışdır və onlar həmin qanun layihəsi ilə tanış olmadıqları üçün
onun müzakirəsi gələn iclasa təxirə salınsın.
A. Əminov ("Müsavat") - Öz fraksiyası adından çıxış edərək həmin qanun
layihəsinin müzakirəsini gələn iclasa təxirə salınmasına etiraz etmədiklərini
bildirir.
Sədr - Müzakirənin gələn iclasa təxirə salınmasını səsə qoyur və qəbul
edilir.
712
Tənəffüs elan olunur
Tənəffüsdən sonra iclas öz işinə saat 3-30 dəqiqədə başlayır.
Əli Bayramovun ölümü ilə əlaqədar daxili işlər nazirinin verdiyi cavab
müzakirə olunur.
Qarayev ("Hümmət"), M. Ə. Rəsulzadə ("Müsavat"), Q. Qarabəyov
("İttihad"), M. Əfəndiyev ("Əhrar"), Ağamalı oğlu (sosial-demokrat) çıxış edirlər.
Ədliyyə naziri X Xasməmmədov bəyanat ilə çıxış edərək bildirir ki, bu
məsələni aydınlaşdırmaq üçün hökuməti tərəfindən çox ciddi tədbirlər görülmüş və
etibarlı müstəntiqlər işə cəlb olunmuşdur. Bu ölümdə günahkar olan şəxslərin
cəzalandırılması üçün hökumət heç nədən çəkinməyəcəkdir.
Müzakirə nəticəsində "Müsavat", sosialistlər və "İttihad" fraksiyaları
tərəfindən üç təklif daxil olur.
"Müsavat" fraksiyasının təklifinin birinci hissəsi qəbul edilir. Eyni təklifi
"İttihad" fraksiyası tərəfindən də hökumətdən günahkarların ciddi cəzalandırılması
tələbi əlavəsi ilə daxil olur.
Sosialistlər fraksiyası və "İttihad" fraksiyası təklif edirlər ki, istintaq
üzərində nəzarət üçün hər fraksiyadan bir nəfər olmaqla xüsusi Parlament
komissiyası yaradılsın. Bu təklifi S.Ağamalı oğlu vo Q.Qarabəyov müdafiə edir.
Həmin təklif əleyhinə M.Ə.Rəsulzadə və A.Aşurov çıxış edirlər.
Komissiyanın yaradılması haqqında təklif sədr tərəfindən səsə qoyulur. Səs
çoxluğu ilə təklif Parlament tərəfindən qəbul olunur.
M. Ə. Rəsulzadə ("Müsavat") və A. Aşurov (partiyasızlar) öz fraksiyaları
adından bəyanat verirlər ki, onlar prinsipcə bu komissiyanın yaradılması əleyhinə
olduqları üçün həmin komissiyaya öz nümayəndələrini verməyəcəklər.
Sədr başqa fraksiyalara öz nümayəndələrini verməyi təklif edir.
Gizli səsvermə nəticəsində həmin komissiyaya Ə. S. Pepinov (sosialist),
A. Qardaşov ("Əhrar), Məmmədbəyov ("İttihad"), B. Axundov (partiyasız)
seçilirlər.
İclas axşam saat 5-də bağlanır.
Azərbaycan, 26, 27 aprel 1920, № 83,84. Aзербайджан, 21 май 1920, № 78.
№ 142
Yüz qırx ikinci iclas
19 aprel 1920-ci il
Sədr - Məmməd Yusif Səforov. Katib - Qaraşarov.
İclas açılır saat 12-20 dəqiqədə.
Sədr - İclas açılır. Katib əfəndidən rica olunur, daxil olmuş kağızları
oxusun.
713
Katib - Oxuyur. Parlament əzasından Allahverdilər aprel ayının axırına
qədər məzuniyyətlərinin uzanmasını rica edir. Divani-rəyasət tərəfindən etiraz
yoxdur. Qəbul edilir.
Sədr - Etiraz yoxdur? Qəbul olunur.
Katib - Parlament əzasından Lujov mayın birinə qədər məzuniyyətinin
uzanmasını rica edir
Sədr - Etiraz yoxdur? Qəbul olunur.
1-Təshih komissiyonunun zildəki qanunlar haqqında məruzəsi; a-İstintaq
əqsamının təşkili, təbdilən islahi haqqında; b-Şəhər intixabatı yapmaq və bələdiyyə
xidmətlilərinin əlavə maaşlarını vermək üçün Gəncə bələdiyyə idarəsinə bir milyon
399 min rublə miqdarında borc buraxılması haqqında; 2 - Azərbaycandan xaricə
çıxarıdan xalılardan gömrük rüsumu alınması haqqında. Məruzəçi - Rzayev; 3 -
Azərbaycan Cümhuriyyəti tərəfindən 6 siyasi heyətin Avropanın qərb tərəfinə və
Amerikaya göndərilməsi və Paris sülh heyətinin azad olunması haqqında qanun
layihəsi. Məruzəçi - Muxtar Əfəndizadə; 4 - Gəncə qəzasının iki qəzaya bölünməsi
haqqında qanun layihəsi. Məruzəçi - Ağamalov; 5 - Tütün aksizi üsulunun təbdili
və yeni tütün aksizinin ən azəm qiyməti haqqında. Məruzəçi - Əmircanov; 6-27
sentyabr 1919-cu il tarixli qanun namənin 5-ci maddəsində təbiblərə aid olmaması
və eyni zamanda bir kaç məmuriyyətdə bulunmaq xüsusunda qanun layihəsi.
Məruzəçi - Əmircanov; 7 - Əcnəbi məmləkətlərdən sadir olan qərar icrasının
təbdili haqqında: Axicanov; 8 - Müdafieyi-maliyyə qəziyyəsi və Əhməd bəy
Ağayev haqqında "İttihad" fraksiyasının sualı; 9 - Ədliyyə nəzarətindən mart
hadisatı zamanında zəbt olunmuş ziqiymət əşyanın sahiblərinə iadə edilməsi
haqqında qanun layihəsi; 10-Ümum-hökumət idarəsinə nazir müavinləri, hökuməti
işləri mudiri və məşixiyyət rəisləri üçün maaş təyini haqqında qanun layihəsi.
Sədr - Etiraz yoxdur ki? Qobul olunur.
Növbədəki təshih komissiyonunun məruzəsi. Məruzəçi — Qaraşarov.
Qaraşarov - Təshih komissiyonun məruzəsi, istintaq komissiyonunun
təşkili və təbdili islahı haqqında qanun layihəsidir ki, olduğu kimi qəbul olunur.
İkinci qanun Gəncə şəhər intixabatı yapmaq və bələdiyyə xidmətçilərinin
maaşlarını vermək üçün Gəncə bələdiyyəsinə bir milyon 399 min 427 manat
miqdarında borc buraxılması haqqında qanun layihəsi bila təbdil qəbul olunur.
Sədr - Etiraz yoxdur? Qəbul olunur. Keçirik ikinci məsələyə: [məruzəçi
Əbuzər bəy].
Əbuzər bəy - İkinci məsələ xalça-palazdan gömrük rüsumu (alınması]
haqqında qanun layihəsidir.
Bu məsələ keçən dəfə müzakirə edildi, fəqət hökumət məmurundan
məlumat toplamaq üçün bu günə buraxılmışdır. Bu gün isə yenə hökuməti
nümayəndəsi gəlmədiyindən gələcək iclasa təxir olunur.
Dostları ilə paylaş: |