718
Əfəndilər! Mən gözüm ilə gördüyüm bir şeyi sizə ərz etmək istəyirəm.
Neçə vaxt bundan əvvəl bizimlə ən yaxın qardaş olan bir məmləkətdə, yəni
Türkiyədə Azərbaycanlıların halı o qədər fəna idi ki, kimsə Azərbaycanı tanımaz
və hətta Azərbaycan təbəələrini böyük dövlətlərin qoyduqları qanunun da xaricində
bulunulardı. Amma, şimdi Azərbaycanı Türkiyədə hamı tanıyır, bu da ancaq
oradakı siyasi müməssilimizin fəaliyyəti sayəsində olmuşdur.
Sizə sübut gətirə bilərəm ki, İstanbula gedən səfir ilk gedişində xüsusu surətdə
gedib, rəsmi getmədi və az bir vaxtda Azərbaycanın nə olduğunu orada tanıtdı. Bu
gün bütün Türkiyə Azərbaycanın nə olduğunu bilir. Azərbaycan əleyhinə xasdə o
qədər yazılar var ki, onları rədd etmək və töhmət altından kəndimizi qurtarmaq
üçün, siyasi nümayəndəliklərə ehtiyac olduğunu bilirəm. Bilirəm, təxir etmək
istəyənlər nöqteyi-nəzərlə məsələyə baxırlar. Mən "İttihad" firqəsi rəisi
Qarabəylinin ümum məmurların rüşvətxor olduqlarını eşitdim. Ciddən mən buna
təəssüf edirəm. Bir firqə rəisinin bu fikirdə olması böyük xətadır. Siz bilirsiniz ki,
xaricə tələbələr göndərdik, onlara hökumətçi və hökumətləri haqqında hər zaman
məlumatları olmaları üçün siyasi nümayəndələrə ehtiyac var. Deyirlər Parisə
göndərdiyimiz sülh heyəti nə yapdı? Mən deyirəm ki, bizim bugünkü istiqlalımızı
meydana gətirmək üçün səylər göstərdilər. Mən el firqəsi "Əhrar" tərəfindən
nümayəndəliklərin lüzumunu dərk edərək qəbulu tərəfdarıyam. Ümid varıq ki,
qəbul edilərək, nümayəndəliklər təşkil olunar. (Alqış).
Sədr - Səfikürdski.
Aslan bəy - Əfəndilər! Gördünüz ki, Məmməd Əminin çox acığı tutdu,
bərkdən danışdı və hökuməti tənqid etdi ki, niyə bu qanun layihəsini altı ay əvvəl
hökumət göndərməmiş. Mən əminəm ki, bu tənqid onun fikrinə bu gecə gəlməyib.
Bunu böylə deyən adam bilmirəm rəisi-vükəla onlardan, xariciyyə nəzarəti onların
hər zaman adamı olduğu halda niyə onlara deməyirlər. Xariciyyə naziri və
Məmməd Əminin qanunu qəbul etdirməcə çalışmaları bunadır ki, bizi xaricdə
tanımırlar. Mən deyə bilərəm ki, bundan çox lazımlı və böyük qanunlar var ki, altı,
l, 9,12 aylar müzakirəsinə başlanılmır. Bir şeyin əsasını, çəkməmiş, üstünü örtmək
olmaz. Daxilin dörd qırağına hasar çəkilməzsə, xaricə nümayəndə göndərmək
lazım deyildir. Daxildə zemstvolar, milli məhkəmələr yox ikən hökuməti təşkil
etmək olmaz. Kəndçi əhali topraq bəkləyir. Biz topraq layihəsini Tiflisdə, Seymdə
qəbul etdirdik. Orada sizin də nümayəndəniz Şeyxzamanovun qolu var. Orada
qorxdunuz, səsinizi çıxarmağınız. Çünkü, orada sovet raboçi var idi. Amma buraya
gəldikdən sonra, onu bütün-bütünə kənara atıb, dedilər ki, hökumət yeni layihə
təqdim edəcək. (Abbasqulu yerindən söylənir).
Aslan bəy - Bu da sənə cavab. Əvvət mən ticarət etmirəm, camaata qulluq
edirəm. Tüfəngləri də təhvil almaq üçün yaxına getmədik.
Sədr - Aslan bəy, rica edirəm məsələyə keçəsiniz.
719
Aslan bəy - Biz xeyirli şeylərdən qaçırıq. Burada deyirlər ki, gərək, hər bir
məmləkətdə bizim nümayəndəmiz olsun. Doğrudur, Amma, nədənsə Məmməd
Əmin bəy İngiltərəyə nümayəndə göndərir, amma şərq hökumətlərinə
göndərməyir. Avropaya gedən nümayəndələrimizi ay yarım İstanbulda saxlayan
Antanta hökumətlərinə nümayəndə göndərilir, amma Yaponiyaya göndərilmir.
Mən Almaniyanı demirəm, deyirsiniz ki, almanlar Antanta ilə müharibədə
olduqları üçün, oraya nümayəndə göndərməyə Antantadan qorxuruq. Amma
Yaponiya ki, həmin Antantanın müttəfiqidir, həm də şərq məmləkətidir, oraya
göndərmirsiniz. Yaxın qonşumuz Rusiyadır ki, özünüz onunla yaxınlaşacağınızı
deyirsiniz. İndi xalq da, hətta dövlətlər də razıdırlar. Amma siz oraya nümayəndə
göndərmirsiniz. Siz onları özünüzə düşmən bilirsiniz. O Yaponiya ki, sir-sifəti bizə
oxşayır, şərq günəşilə qızınır. Rusiyanı onunla sıxa bilərsiniz, oraya nümayəndə
göndərmisiniz. Nə üçün Çin və Əfqanıstana göndərmirsiniz. Siz bilirsiniz ki,
Türkiyədə iki hökumət var. Bir Ərzurumda, bir İstanbulda. Niyə tam başqa bir
siyasət yürüdən Mustafa Kamal paşanın yanına nümayəndə göndərmirsiniz.
Hərgah "Müsavat" rəisi deyir ki, hamısına göndərməlidir, onda əvvəlcə, bizə yaxın
olan Rusiya, Yaponiya, Çin, Əfqanıstan dövlətlərinə, bizə inanıb, kömək ola bilə
cək dövlətlərə nümayəndə göndərməli, sonra Amerika və İngiltərəyə, Osmanlı və
İrandan sonra başqa şərq ölkədəri gəlmişdir. Hərgah göndəriləcək adamların xərci
1-2-3 milyon, 20 milyon olsa idi enyə danışmazdılar. Fəqət, oraya göndəriləcək
nümayəndələrin məxarici altı ayda yüz milyon göstərilir ki, il başına 200 milyon
eyləyir. 3 ayda yüz faiz məvaciblərin artmasını nəzərə alarsaq, o zaman məxaric bir
milyarda çıxır. Əvvəlcə camaat dərdinə qalınız. Biz ona görə boğazımızı yırtırıq.
Məmməd Əmin əfəndi özü dedi ki, yol ilə getmir. Hər kəs buraxıb İngiltərəni
tuturlar. Yaponiya isə bilmirəm yaddan çıxıbdır və ya qəsdən şərqdən
uzaqlaşırsınız. Bəlkə ingilis deyir niyə şərqə yaxınlaşırsınız. Biz gərək özümüzü
aldatmayaq. (Qatışıq səslər).
Sədr - Rica edirəm, səs salmayın.
Səfikürdlü (dəvamla) - İstiqlalımızı nəzərə alarsaq ölkəmiz iki vilayətdir.
Amerika yolu gedə bilməz. Hər kəs xərci cibinə görə etməlidir, Yoxsa siz, millətin
bir milyard pulunu hər vəkilə 200 min ayda məvacib verməklə aparıb ingilislərin
cibinə tökmək, xalq barəsində səbrdir. Əgər bu pullar burada xərclənəcək olur isə,
kefdə xərclənsə yenə hərlənib xalqımızın cibinə girəcək idi. İndi isə ingilislərin
cibinə töküləcəkdir. Ona görə mən öz firqəmizin tərəfindən bu qanun layihəsinin
rədd olunmasını təklif edirəm. Əksəriyyətlə keçsə də, biz razı olmayacağıq.
Sədr - Səmədağa.
Səmədağa - Nədən isə biz həqiqətə göz yumuruq. Burada deyirlər ki,
Avropaya nümayəndə göndərsək, yaxşı şeylər danışarlar və bizi yaxşı tanıtdırarlar.
Antanta da bizi vəhşilər cərgəsindən qaralar. Bu doğru deyil. Bir şeyi qızıl gül