Azərbaycanda “Açıq Hökumətin Təşviqinə dair 2012-2015-ci illər üçün Milli Fəaliyyət Planı”nın
Yüklə 2,8 Kb. Pdf görüntüsü
|
85 təmsilçilərinin təmsil olunduğu iki tərəfli dialoq platformasının yaradılması; (təmin olunmayıb) - Həm beynəlxalq, həm də regional miqyasda (xüsusən, bu sahədə böyük irəliləyişlərə nail olmuş MDB ölkələri, yəni Gürcüstan və Moldova ilə) real əməkdaşlığın əldə olunması; (təmin olunmayıb) - Açıq Hökumətin təşviqi ilə əlaqədar vətəndaş cəmiyyətinin fəaliyyətinin icrası üçün müvafiq mühitin yaradılması; (təmin olunmayıb) - Hökumətin real tərəfdaşları olmaq üçün vətəndaş cəmiyyəti təşkilatlarının resurslarından istifadənin genişləndirilməsi; (təmin olunmayıb) - Qərarların qəbul olunması prosesində vətəndaş cəmiyyətinin iştirakını genişləndirəcək ümumi dialoq platformasının yaradılması. “Açıq qapı” vətəndaş cəmiyyəti forumlarının ümumi modeli işlənib hazırlanması. Bundan əlavə, həmin forumların mütəmadiliyi və ümumi strukturunun (o cümlədən, həmin forumları keçirən agentliklərin məsuliyyətinin) müəyyən olunması. (təmin olunmayıb) 3. Fəaliyyət Planı çərçivəsində icra edilməli olan xüsusi öhdəliklərə (əsas və köməkçi fəaliyyət növlərinə) dair tövsiyələr - “Dövlət orqanlarının internet məlumat mənbələrinin yaradılması və saxlanması qaydaları”na müvafiq olaraq, vahid formatda dövlət orqanlarının internet səhifələrinin yaradılması və tənzimlənməsi prosesinin sürətləndirilməsi (Bu fəaliyyətin uğurla icra olunması dövlət orqanlarına ümumi prinsiplər əsasında illik hesabatları işləyib hazırlamağa, o cümlədən öz hesabatlarını internet səhifələrinə yükləmələrinə və yeniləşdirmələrinə kömək edəcək. Dövlət proqramı vasitəsi ilə internet resurslarının yaradılması üzrə vahid prinsiplər işlənib hazırlanmalı və bütün koordinasiyaedici dövlət agentlikləri həmin prinsiplərə riayət etməlidirlər); (qismən təmin olunub) 86 Yerli icra hakimiyyəti orqanlarının saytları vahid standart əsasında hazırlansa da, mərkəzi orqanlarda bu, çox aşağı səviyyədədir. Bütün mərkəzi orqanların internet resurslarında ümumi olan bəzi bölümlər var: qanunvericilik, struktur, dövlət proqramları, fəaliyyət, ictimaiyyətlə əlaqələr, beynəlxalq əlaqələr və sair. Lakin bu, sistemli və vahid strukturun formalaşması üçün yetərli deyil. Bir çox mərkəzi İH orqanlarında hesabat bölümü, ümumiyyətlə, yoxdur. Bu baxımdan, mərkəzi İH orqanları üçün də vahid standartların formalaşması çox vacibdir. - Müstəqil təşkilat qismində Məlumat Azadlığı üzrə Səlahiyyətli Nümayəndəliyin (Ombudsman İnstitutunun) yaradılması (hazırda mövcud olan Ombudsman İnstitutunun nüfuzu və təsiretmə mexanizmi olmadığına görə, o, məlumat azadlığının təmin olunması sahəsində dövlət agentliklərinə nəzarət edə bilmir.); (təmin olunmayıb) Bu sahədə heç bir irəliləyiş qeydə alınmayıb. Nəinki müstəqil institut, heç İnsan hüquqları üzrə müvəkkilin aparatında nəzərdə tutulan İnformasiya azadlığı şöbəsi belə formalaşdırılmayıb. - Mərkəzi icra orqanları tərəfindən göstərilən xidmətlərlə əlaqədar ictimai təqdimatların təşkil olunmasından boyun qaçırılmasının əsas səbəblərinin araşdırılması və hər bir dövlət orqanı tərəfindən bu cür təqdimatların keçirilməsi ilə əlaqədar öhdəlikləri əhatə edən periodik hesabatlar tələb edilməsi; (məlumatsızıq) - Vergi və rüsumların elektron sistemlər vasitəsi ilə ödənilməsi, eləcə də vətəndaşların bu imkanlar barəsində məlumatlandırılması üçün texniki vasitələrin genişləndirilməsi (əhali üçün əlverişli 87 imkanların yaradıması) yönümündə işlərin görülməsi (Bunun üçün regionlardakı dövlət müəssisələrində çalışanlar və onların xidmətlərindən istifadə edən vətəndaşlar cəlb olunmaqla informasiya texnologiyalarının imkanları barəsində biliklərin artırılması üçün əlverişli texniki mühit yaradılmalıdır. Bundan əlavə, onların müasir informasiya texnologiyalarına çıxışı asanlaşdırılmalıdır.); (təmin olunub) - Dövlət və yerli büdcənin inkişafına və icrasına ictimai nəzarət mexanizmləri və prosedurlarının tətbiqi, o cümlədən təsdiqlənmiş büdcə proqnozları əsasında vəsaitlərin xərclənməsinin sosial auditinin aparılması və bələdiyyələrin ictimaiyyət qarşısında maliyyə hesabatlarının vaxtlı-vaxtında təqdimatı və ictimaiyyətin iştirakı ilə təsdiqlənməsinə dair qanunvericiliyə təkliflərin hazırlanması (qanunlar elə olmalıdır ki, həmin fəaliyyət növləri ilə əlaqədar agentliklərin və fiziki şəxslərin məsuliyyəti aydın şəkildə müəyyənləşdirilmiş və başa düşülmüş olsun); (qismən təmin olunub) - Dövlət maliyyə nəzarəti təşkilatlarının hüquqlarının dəqiqləşdirilməsi üçün onların əsasnamələrində müvafiq əlavə və dəyişikliklərin aparılması və bununla yanaşı “Dövlət maliyyə nəzarəti mexanizmini icra edən agentliklərin məsuliyyəti” haqqında qaydalar toplusunun hazırlanması; (təmin olunmayıb) - “Maliyyə nəzarəti” haqqında qanun layihəsinin qəbulunun surətləndirilməsi və bu sənəd təsdiqləndikdən sonra onun həm Bakıda, həm də regionlarda ictimai müzakirələrinin təşkil olunması; (qəbul olunmayıb) - İllik fəaliyyəti təsvir edən, eləcə də dövlət maliyyə nəzarəti agentliklərinin ictimai resurslarından necə istifadə olunduğunu əks etdirən hesabatların, onların maliyyə nəzarəti üzrə fəaliyyətini Yüklə 2,8 Kb. Dostları ilə paylaş:
|