AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
84
Saxlanma tarixi: 22 fevral 2017-cı il
İttiham: CM-in 168-1.3.1-ci (
islam dininə aid ayin və mərasimlərin xaricdə dini
təhsil almış Azərbaycan Respublikasının vətəndaşı tərəfindən aparılması, təkrar
törədildikdə) maddəsi
Saxlandığı yer: Bakı İstintaq Təcridxanası
İş üzrə qısa arayış: Sərdar Babayev (Hacı Sərdar) Azərbaycanın və qonşu ölkələrin
dini cameəsində tanınmış və hörmət edilən dindarlardan biridir. Masallı rayonunda
yaşayan Babayev 2010-cu ildən məktəblərdə hicaba qoyulan qadağaya etiraz edən
şəxslərdən biri olub, o cümlədən də bu qadağaya etirazlarda iştirak edən, sonradan
hakimiyyəti sərt tənqid edən dindarların həbsi zamanı bu addımlarına görə
hakimiyyəti tənqid edib.
Bununla belə əsas işi ruhani olaraq yaşadığı regionda dini ayinləri aparmaqdan ibarət
olub. Onun həbsi üçün də məhz bu amildən istifadə edilib. Belə ki, Babayevin
təqsirləndirilən şəxs qismində cəlb edilməsi barədə Masallı rayon Polis Şöbəsinin
müstəniqi Sahil Alıyevin 22 fevral 2012-ci il tarixli qərarında da bu fakt qeyd edilir:
04.11.2016-cı ildə Masallı şəhər Cümə məscidinin həyətində heç bir rəsmi razılıq
olmadan xütbə oxumuş və cümə namazına rəhbərlik edib. Qərarda Babayevin İranda
1991-ci ildə dini təhsil alması da qeyd edilib.
Lakin müstəntiq Babayevin Azərbaycanda da dini təhsil aldığını, ona qarşı irəli
sürülmüş maddənin cinayət qanunvericiliyinə 2016-cı ilin mayında əlavə edildiyini və
buna görə bu maddənin 2016-cı ilin mayından əvvəl xaricdə dini təhsil almış şəxslərə
şamil edilib-edilməməsini araşdırmayıb. Babayevin ittiham edildiyi maddə az ağır
cinayətlər kateqoriyasına aid edilsə də, onun dərhal həbs edilməsi üçün məhkəməyə
təqdimat verilib və Masallı Rayon Məhkəməsi də həmin gün araşdırma aparmadan
Babayevi həbs edib. Şirvan Apellyasiya Məhkəməsi də sonradan bu qərarı qüvvədə
saxlayıb.
S.Babayev Masallı Rayon Məhkəməsinin (hakim Anar Alməmmədov) 03 iyul 2017-
ci il tarixli hökmü ilə 3 il müddətinə azadlıqdan məhrum edilib.
120.
Elnur Şakir oğlu
CAVADOV
Saxlanma tarixi: 18 mart 2016-cı il
İttiham: CM-in 228.1-ci (qanunsuz olaraq odlu silah, onun komplekt hissələrini,
döyüş sursatı (yivsiz odlu ov silahı və həmin silah üçün döyüş sursatı istisna olmaqla),
partlayıcı maddələr və qurğular əldə etmə, başqasına vermə, satma, saxlama, daşıma
və ya gəzdirmə) maddəsi
Saxlandığı yer: Gəncə İstintaq Təcridxanası
İş üzrə qısa arayış: Elnur Cavadov inanclı şəxsdir, 10 iyun 2015-ci ildə
Azərbaycandan gedərək ailəsi ilə birlikdə İstanbul şəhərində məskunlaşır, 2016-cı ilin
mart ayında isə yaşadığı Gəncə şəhərinə geri dönüb. Gəncəyə qayıtdıqdan 4 gün sonra
– 14 mart 2016-cı il tarixində E.Cavadov polisə müqavimət ittihamı ilə 30 sutka
inzibati həbs cəzası alıb. Bu müddətin bitməsinə 3 gün qalmış Gəncə Nizami Rayon
Məhkəməsinin qərarına əsasən yerli polis əməkdaşlarının və Dini Məsələlər üzrə
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
85
Dövlət Komitəsinin regional nümayəndəsinin iştirakı ilə E.Cavadovun evində axtarış
aparılıb və evdən bir ədəd avtomat silah tapıldığı üçün faktiki olaraq 1 aya yaxın evdə
olmayan şəxs barəsində cinayət işi açılıb və onun barəsində həbs qətimkan tədbiri
seçilib.
E.Cavadov Gəncə Nizami Rayon Məhkəməsinin (hakim Əli Tağıyev) 29 iyul 2016-
cı il tarixli hökmü ilə 2 il 6 ay müddətinə azadlıqdan məhrum edilib.
Bununla belə, E.Cavadovun təqsiri məhkəmə prosesləri zamanı sübuta yetirilməyib.
Belə ki, axtarış zamanı hansı səbəbdən Dini Məsələlər üzrə Dövlət Komitəsinin
nümayəndəsinin hansı səbəbdən və hansı prosessual statusla axtarışda iştirak etməsi
ilə bağlı sual açıq qalıb və araşdırılmayıb. Bu iş üçün böyük əhəmiyyət kəsb edən
E.Cavadovun əl izlərinin silahın üzərində olub-olmamasını müəyyənləşdirə biləcək
ekspertiza keçirilməyib. Axtarış zamanı evdə olmuş E.Cavadovun həyat yoldaşı və
atasının silahın qara geyimli şəxs tərəfindən evə qoyulması ilə bağlı ifadələri
ümumiyyətlə məhkəmə hökmündə qeyd edilməyib və nəticədə bu ifadələrə qiymət
verilməyib.
E.Cavadov və ailə üzvləri onun həbsinin əsl səbəbinin Facebook sosial şəbəkəsində
dindarlara qarşı təzyiqləri tənqid etməsi, hakimiyyət nümayəndələrini tənqid edən
karikatura yayıması olduğunu bildiriblər.
121.
Abgül Neymət oğlu
SÜLEYMANOV
Saxlanma tarixi: 12 avqust 2011-ci il
İttiham: CM-in 228.1
(qanunsuz olaraq odlu silah, onun komplekt hissələrini, döyüş
sursatı (yivsiz odlu ov silahı və həmin silah üçün döyüş sursatı istisna olmaqla),
partlayıcı maddələr və qurğular əldə etmə, başqasına vermə, satma, saxlama, daşıma
və ya gəzdirmə), 233 (ictimai qaydanı kobud surətdə pozan və ya hakimiyyət
nümayəndəsinin qanuni tələblərinə tabe olmamaqla əlaqədar olan, yaxud nəqliyyatın,
müəssisə, idarə və təşkilatın normal fəaliyyətinin pozulmasına səbəb olan hərəkətlərin
bir qrup şəxs tərəfindən törədilməsini təşkil etmə və ya bu cür hərəkətlərdə fəal iştirak
etmə), 234.1 (satış məqsədi olmadan qanunsuz olaraq narkotik vasitələri və ya
psixotrop maddələri şəxsi istehlak miqdarından artıq miqdarda əldə etmə və ya
saxlama), 234.4.3 (satış məqsədi ilə qanunsuz olaraq narkotik vasitələri və ya
psixotrop maddələri əldə etmə və ya saxlama, hazırlama, istehsal etmə, emal etmə,
daşıma, göndərmə, yaxud qanunsuz olaraq narkotik vasitələri və ya psixotrop
maddələri satma, külli miqdarda törədildikdə) və 283.2.1-ci (zor tətbiq etməklə və ya
zor tətbiq etmə hədəsi ilə milli, irqi, sosial və ya dini nifrət və düşmənçiliyin
salınmasına, milli ləyaqətin alçaldılmasına, habelə milli, irqi və ya dini
mənsubiyyətindən asılı olaraq vətəndaşların hüquqlarının məhdudlaşdırılmasına və