AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
88
yanvarında cəzasının qalan hissəsini çəkmək üçün ciddi rejimli 8 saylı Cəzaçəkmə
Müəssisəsinə köçürülüb.
_____________________________________________________________________
F. ÖMÜRLÜKLƏR
Keçmiş Xüsusi Təyinatlı Polis Dəstəsinin (XTPD) üzvləri
Xüsusi Təyinatlı Polis Dəstəsi (XTPD) 1988-ci ildən Azərbaycanın Dağlıq Qarabağ
bölgəsində başlanan separatçı hadisələr və nəticədə 90-cı illərin əvvəllərində Sovet
İttifaqının dağılması nəticəsində müstəqillik qazanmış Azərbaycan və Ermənistan
arasında başlayan müharibəyə görə bu dəstənin komandiri Rövşən Cavadovun
rəhbərliyi altında hərbi əməliyyatlarda iştirak edib. Münaqişə zamanı ilkin
döyüşlərdən sonra R.Cavadova polkovnik rütbəsi verilib və onun rəhbərlik etdiyi
hərbi birləşmə XTPD adını alıb. 1991-ci ildə müharibədə göstərdikləri qəhrəmanlığa
görə bir sıra XTPD-çiyə Milli Qəhrəman adı verilib. 1993-cü ildə hakimiyyətə
gəlməsində misilsiz rol oynadığına görə keçmiş prezident Heydər Əliyev (hazırkı
Prezident İlham Əliyevin atası) R.Cavadovu daxili işlər nazirinin müavini təyin edib,
XTPD isə nazirliyin tərkibində saxlanılıb. Siyahıda adı olan Elçin Əmiraslanov
XTPD-nin Qazax bölməsinin komandiri təyin olunub. Bununla belə, bir müddətdən
sonra Rövşən Cavadovla Heydər Əliyev arasında ciddi fikir ayrılığı yaranıb və
getdikcə dərinləşməyə başlayıb. 1995-ci ilin yanvarında Elçin Əmiraslanov və Qazax
XTPD-çiləri rayonun Şıxlı kəndindən Ermənistan ərazisinə neft keçirilməsinin
qarşısını alıb, 22 neft çənini Qazax rayon Polis Şöbəsinə təhvil verib və bununla bağlı
E.Əmiraslanov dövlət televiziyasında çıxış edərək neft keçirmək istəyən şəxslərin
tutulmamasına görə tənqidi fikirlər səsləndirib. Məhz bundan sonra XTPD-çilərlə
Heydər Əliyev arasında ziddiyyətlər açıq mübarizə müstəvisinə keçib. 1995-ci il
matın 13-də XTPD-nin Qazax bölməsinə hücum olub və qanlı döyüş baş verib.
Martın 14-də daxili işlər naziri Ramil Usubov (hazırda da bu vəzifəni daşıyır) XTPD-
nin buraxılması və 3 gün ərzində silahların təhvil verilməsi barədə əmr imzalayıb.
Bununla belə martın 16-dan 17-ə keçən gecə XTPD-nin Bakıdakı qərargahı ətrafında
XTPD-çilərlə daxili qoşunlar arasında silahlı toqquşma baş verib, nəticədə XTPD-nin
rəisi Rövşən Cavadov aldığı güllə yaraları nəticəsində Daxili İşlər Nazirliyinin
hospitalında ölüb.
Bundan sonra ölkə boyu XTPD üzvlərinin həbsi başlayıb. Həbs edilən və sonradan
azadlıqdan məhrum edilən çoxsaylı XTPD-çilərə qarşı qiyam ittihamı ilə yanaşı
müxtəlif illərdə törədilmiş səs-küylü qətllərin törədilməsi ittihamları da irəli sürülüb.
Azadlıqdan məhrum edilən XTPD-çilər ya həbsxanalarda ölüb, ya da sonrakı illərdə
siyasi və ya ehtimal edilən siyasi məhbuslar qismində bir qayda olaraq əfv vasitəsilə
azadlığa buraxılıb. Sonuncu dəfə əfv fərmanı ilə XTPD üzvü olmuş Şəmsi
Abdullayev 2012-ci ilin dekabrında azadlığa buraxılıb. Bununla belə, bir neçə XTPD-
çi hələ də həbsdə saxlanılır.
Məhbusların üzərinə qoyulmuş ittihama əsasən, Elçin Əmiraslanovun tapşırığı ilə
Səfa Poladov və Arif Kazımov Qazax rayonunda yerləşən “Akasiya” restoranında
Qazax rayon Polis Şöbəsinin rəisini və Qazax-Ağstafa rayonları üzrə MTN idarəsinin
rəisini öldürüblər. Hər 3 məhbus vətənə xəyanət maddəsi ilə təqsirli bilinərək ölüm
cəzasına məhkum edilsələr də, bu ittihamın mahiyyətini nə istintaq, nə də məhkəmə
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
89
sübut edib. Daha sonra E.Əmiraslanov Xüsusi İdarənin rəisi Şəmsi Rəhimovun və
Milli Məclisin sədr müavini Afiyəddin Cəlilovun qətlində iştirakçılıqda da ittiham
edilib.
Məhkəmə iclaslarında Qazax rayonunda baş vermiş hadisə ilə bağlı ittiham sübuta
yetməyib, ölən şəxslərin yaxınları həbs edilənlərə qarşı heç bir şikayət və tələblərinin
olmadığını, bu adamların onların yaxın qohumlarını öldürmədiklərini, onların
Ermənistana neft keçirilməsi ilə bağlı istintaqla əlaqədar öldürüldüyünü bildiriblər.
Bununla belə, E.Əmiraslanov, A.Kazımov və Ş.Poladov Azərbaycan Respublikası Ali
Məhkəməsinin 28 noyabr 1997-ci il tarixli qərarı ilə Azərbaycan SSR-nin 08 dekabr
1960-cı il tarixli qanunu ilə təsdiq edilmiş Cinayət Məcəlləsinə əsasən
ölüm cəzasına
məhkum ediliblər. Ərizəçilər məhkum edilən vaxt onların hökmündən apellyasiya
şikayətinin verilməsi qanunla nəzərdə tutulmurdu. Bundan əlavə, E.Əmiraslanov Ali
Məhkəmənin 22 sentyabr 2000-ci il tarixli qərarı ilə
15 il müddətinə azadlıqdan
məhrum edilib və həmin qərara əsasən, onun əvvəlki ömürlük azadlıqdan
məhrumetmə cəzası (ölüm cəzası bu cəza ilə əvəz edilmişdi) saxlanılıb.
Fransada yaşayan və siyasi sığınacaq alan MTN-nin keçmiş əməkdaşı Ramin Nağıyev
2010-2011-ci illərdə mətbuata verdiyi açıqlamalarında və yazılarında, XTPD-çilərin
ittiham edildiyi qətlləri onların deyil, 2005-ci ildə həbs edilmiş DİN-nin Baş Cinayət
Axtarış İdarəsinin sabiq baş əməliyyat müvəkkili Hacı
Məmmədov və onun dəstəsinin
törətdiyini bildirib. R.Nağıyev Şəmsi Rəhimov və Afiyəddin Cəlilovun qətli ilə bağlı
istintaq qrupunun üzvlərindən biri olub və 1995-ci ildə heç bir səbəb göstərilmədən
istintaqdan kənarlaşdırılıb
62
. R.Nağıyevin bəyanatları rəsmi şəkildə təkzib edilməyib.
Ömürlük azadlıqdan məhrumetmə cəzasının tətbiqi mübahisəlidir
10 fevral 1998-ci ildə Azərbaycanda ölüm cəzasının ləğv olunması ilə əlaqədar
Azərbaycan
Respublikasının
Cinayət,
Cinayət-Prosessual
və İslah-Əmək
Məcəllələrinə dəyişikliklər və əlavələr edilməsi haqqında Milli Məclis Qanun qəbul
edib. Qanunun 4-cü bəndində göstərilir ki, bu Qanun qüvvəyə mindiyi günədək ölüm
cəzasına
məhkum
olunmuş
şəxslərin
cəzası ömürlük
azadlıqdan
məhrumetmə cəzası ilə əvəz edilsin
. Faktiki olaraq ölüm cəzası həmin dövr üçün heç
bir qanunvericilik aktında mövcud olmayan cəza növü ilə əvəz edilib.
1995-ci ilin noyabr ayının 12-də qəbul edilmiş Azərbaycan Respublikası
Konstitusiyasının 147-ci maddəsinə əsasən
Konstitusiyasının ölkə ərazisində ən
yüksək hüquqi qüvvəsi var. Konstitusiya birbaşa hüquqi qüvvəyə malikdir və
Azərbaycanın qanunvericilik sisteminin əsasıdır. Konstitusiyanın 149-cu maddəsinin
7-ci hissəsinə əsasən
fiziki və hüquqi şəxslərin hüquqi vəziyyətini yaxşılaşdıran,
hüquq məsuliyyətini aradan qaldıran və ya yüngülləşdirən normativ hüquqi aktların
qüvvəsi geriyə şamil edilir. Başqa normativ hüquqi aktların qüvvəsi geriyə şamil
edilmir. XTPD-çilərin məhkum olunduqları Cinayət Məcəlləsinin 23-cü maddəsinə
əsasən ölüm cəzası bağışlama qaydasında azadlıqdan məhrumetmə ilə əvəz edildikdə,
azadlıqdan məhrumetmə 15 ildən çox müddətə, lakin 20 ildən çox olmayaraq təyin
edilə bilərdi.
62
http://bit.ly/1f0C3kt