AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
94
və ya onun yaxın adamlarının şəxsiyyəti üzərində zor göstərmə, onların haqqında
rüsvayedici məlumat yayma və ya onların əmlakını tələf etmə hədəsi ilə vətəndaşların
şəxsi əmlakını və ya əmlaka olan hüququnu və ya əmlak xarakteri daşıyan hər hansı
hərəkətlər etməsini tələb etmə); 207-ci maddənin 2-ci hissəsi (qərəzli xuliqanlıq, yəni
öz məzmununa görə müstəsna dərəcədə həyasızlıq və ya xüsusi azğınlıqla fərqlənən,
yaxud hakimiyyət nümayəndəsinə və ya ictimai qaydanı qorumaq vəzifəsini yerinə
yetirən ictimaiyyət nümayəndəsinə, yaxud da xuliqanlıq hərəkətlərini dəf edən başqa
vətəndaşlara müqavimət göstərməklə əlaqədar olan, habelə əvvəllər xuliqanlıq
üstündə məhkum olunmuş şəxs tərəfindən edilən hərəkətlər); 220-ci maddəsinin 1-ci
hissəsi (müvafiq icazə olmadan odlu silah (yivsiz lüləli ov tüfəngindən başqa), döyüş
sursatı və ya partlayıcı maddələr gəzdirmə, saxlama, əldə etmə, hazırlama və ya
satma); 220-ci maddəsinin 2-ci hissəsi (milli geyim ləvazimatı hesab olunan hallar
istisna edilməklə xəncər, fin bıçağı və sair soyuq silahı müvafiq icazə olmadan
gəzdirmə, hazırlama və ya satma); 220-1-ci maddəsinin 3-cü hissəsi (odlu silahın
(yivsiz lüləli ov silahından başqa), döyüş sursatının və ya partlayıcı maddələrin
quldurcasına basqın yolu ilə, yaxud xüsusi təhlükəli residivist tərəfindən
oğurlanması)
Saxlandığı yer: Qobustan Qapalı Həbsxanası
124.
Səfa Alim oğlu
POLADOV
Saxlanma tarixi: 10 dekabr 1996-cı il
İttiham: 1960-cı il CM-in 59-cu maddəsinin 1-ci hissəsi
(dövlət xadimini və ya
ictimai xadimini yaxud hakimiyyət nümayəndəsini siyasi niyyətlərlə öldürmə); 15
(cinayətə hazırlıq və cinayətə sui-qəsd), 59-cu maddəsinin 1-ci hissəsi (dövlət
xadimini və ya ictimai xadimini yaxud hakimiyyət nümayəndəsini siyasi niyyətlərlə
öldürmə); 70-2-ci maddənin 1-ci hissəsi (qanunvericilikdə nəzərdə tutulmayan silahlı
birləşmələr və ya qruplar yaratma, eləcə də onların yaradılmasında və fəaliyyətində
iştirak etmə, onları silahla, döyüş sursatı ilə, partlayıcı maddələrlə, hərbi texnika ilə,
yaxud əsgəri ləvazimatla təchiz etmə); 71 (qaçaqmalçılıq, yəni malların və ya sair
qiymətli şeylərin xüsusi saxlanc yerlərində gizlədilməsilə, yaxud gömrükxana
sənədlərindən və başqa sənədlərdən aldatma yolu ilə istifadə etməklə, ya külli
miqdarda, ya da kontrabanda ilə məşğul olmaq üçün təşkil olunmuş bir dəstə şəxs
tərəfindən, ya qulluq mövqeyindən istifadə etməklə vəzifəli şəxs tərəfindən qanunsuz
olaraq Azərbaycan Respublikası dövlət sərhədindən keçirilməsi, habelə partlayıcı,
bihuşedici, güclü təsir edən və zəhərləyici maddələrin, silah və döyüş sursatı, hərbi
ləvazimatın qaçaqmalçılığı); 220-ci maddəsinin 1-ci hissəsi (müvafiq icazə olmadan
odlu silah (yivsiz lüləli ov tüfəngindən başqa), döyüş sursatı və ya partlayıcı maddələr
gəzdirmə, saxlama, əldə etmə, hazırlama və ya satma); 120-ci maddənin 2-ci hissəsi
(zərər çəkən şəxsin həyatı və ya səhhəti üçün təhlükəli üsulla və ya ona fiziki iztirab
verməklə azadlıqdan məhrumetmə);
Saxlandığı yer: Qobustan Qapalı Həbsxanası
_____________________________________________________________________
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
95
G. SOSİAL ETİRAZLARLA BAĞLI TUTULANLAR
(1) 2013-cü il İsmayıllı etirazlarına görə tutulanlar
2013-cü il yanvarın 23-ü axşam saatlarında İsmayıllıda yerləşən “Çıraq” hotelinin
(hotelin Əmək və Əhalinin Müdafiəsi naziri (keçmiş) Füzuli Ələkbərovun oğlu Vüqar
Ələkbərova məxsusluğunu həmin hadisələrə görə həbs edilən İlqar Məmmədov rəsmi
sənədlər yayaraq sübut etmişdi) inzibatçısı Emil Şəmdinov və onun tanışı Elməddin
Məmmədov içkili vəziyyətdə yerli taksi sürücüsünün maşınını vurduqdan sonra taksi
sürücüsünün özünə də zərbələr endiriblər. Hər iki şəxs hadisə yerinə yığılan çoxsaylı
İsmayıllı sakinlərini təhqir ediblər. Bu, hadisə yerində olan və sonradan gələn
İsmayıllı sakinlərinin etirazına səbəb olub, qəzəblənmiş kütlə “Çıraq” hotelinə daş
atmağa başlayıb və hotel yandırılıb. Etiraz edənlər nazir Füzuli Ələkbərovun qardaşı,
rayon icra hakimiyyətinin başçısı Nizami Ələkbərovun da istefasını tələb edib və
onun evinə sarı gedərək etirazlarını burada davam etdirib, evi və həyətdə olan
avtomobilləri yandırıblar. Etirazlara görə Bakıdan və qonşu rayonlarından çoxsaylı
polis qüvvələri və Daxili Qoşun əsgərləri İsmayıllı rayonuna yeridilib və həbslər
aparılıb. Hadisələrə görə cinayət işi açılıb, yanvarın 23-də Emil Şəmdinov və
Elməddin Məmmədovdan başqa 8 İsmayıllı sakini barədə həbs qətimkan tədbiri
seçilib, 23 nəfər inzibati qaydada müxtəlif müddətlərə həbs edilib. Yanvarın 24-də
həbs edilənlərin azadlığa buraxılması və icra başçısının istefaya göndərilməsi
çağırışları ilə aksiyalar davam etdirilib, etirazları yatırmaq üçün polis gözyaşardıcı
qazdan və rezin güllələrdən istifadə edib.
Cinayət işi çərçivəsində hadisələrə görə ümumilikdə 18 nəfər həbs olunub ki, onların
16-sı İsmayıllı sakini, 2 nəfər isə hadisələri yerində öyrənmək üçün İsmayıllıya səfər
etmiş ReAL Hərəkatının Sədri İlqar Məmmədov və jurnalist Tofiq Yaqublu olub.
T.Yaqublu 2016-cı ilin martında əfv sərəncamı ilə azadlığa buraxılıb.
Barələrində həbs qətimkan tədbiri seçilmiş şəxslərə ilkin olaraq polisə müqavimət və
ictimai qaydanı kobud surətdə pozmaq ittihamları irəli sürülsə də, sonradan ictimai
qaydanı pozma daha ağır ittihamla - kütləvi iğtişaşlar törətmə və ya bu iğtişaşlarda
iştirak etmə ilə əvəzlənib.
Şəki Ağır Cinayətlər Məhkəməsinin (hakim Rəşid Hüseynov) 17 mart 2014-cü il
tarixli qərarı ilə həbs edilmiş şəxslərdən 10 nəfər 4 ildən 8 ilə qədər müddətlərə
azadlıqdan məhrumetmə cəzalarına məhkum olunub, 8 nəfərə şərti cəza kəsilərək
onlar məhkəmə zalından azadlığa buraxılıb.
Təqsirləndirilən şəxslərin bir neçəsi özlərini qismən təqsirli bilsələr də, onların
arasında saxta və sifarişli ittihamlarla həbs edilən şəxslər də var. Başqa sözlə, İlqar
Məmmədov və Tofiq Yaqublu ilə yanaşı, İsmayıllı sakinlərindən də açıq siyasi
motivlərlə həbs edilənlər olub. Bu şəxslərin cinayət əməllərində iştirakı məhkəmədə
sübuta yetirilməyib, hətta şahid kimi ifadə verən çoxsaylı polislər yanğın törədən və
daş atan şəxslərin üzünü görmədiklərini, çoxsaylı ümumi etirazların getdiyini
vurğulayıblar. Hotelin sahibləri və hoteldə qalanlar zərərçəkmiş kimi tanınsalar da,
onlar təqsirləndirilənlərə qarşı heç bir iddialarının olmadığını məhkəmə proseslərində
qeyd ediblər.