AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
110
videoların yayılmasına görə onunla hakimiyyət arasında münasibət daha da
kəskinləşib.
Elşad Abdullayevin keçmiş Milli Təhlükəsizlik Nazirliyində işləyən qardaşı Mahir
Abdullayev 2003-cü ildə itkin düşüb. E.Abdullayev bu hadisəyə görə də Azərbaycan
hakimiyyətini, xüsusən hüquq mühafizə orqanlarını tictimai şəkildə tənqid edib.
Mübariz Abdullayevə verilən ittiham da əmisi Mahir Abdullayevin itkin düşməsi ilə
bağlıdır. İttihama əsasən, Mübariz Abdullayev əmisi Mahir Abdullayev itkin
düşdükdən bir müddət sonra əmisi Elşad Abdullayevə zəng edərək başqa şəxs adından
danışaraq qardaşının onda olduğunu və əvəzində 50 000 manat istədiyini bildirib və
bu pulun Zaqatala rayonuna gətirilməsini istəyib.
Lakin nəticədə Elşad Abdullayev Zaqatalaya getməyib və heç kimə heç bir vəsait
verməyib. İş materiallarında bunun qarşısının Kürdəmir Rayon Polis Şöbəsinin
əməkdaşlarının aldığı vurğulansa da, bunun hansı şəkildə baş verdiyi izah edilmir.
M.Abdullayevi 2003-cü ildə Kürdəmir Rayon Polis Şöbəsinin əməkdaşları həbs
edərək 3 gün saxlayıb və ona qarşı cinayət işi açılıb, lakin 3 gündən sonra o sərbəst
buraxılıb və yalnız 10 ildən sonra, məhz Elşad Abdullayevlə hakimiyyətin
münasibətləri pisləşdikdən sonra istintaqa çağırılıb. Bu 10 il ərzində Mübariz
Abdullayev bir dəfə də olsun dindirilməyib, hər hansı istintaq hərəkəti aparılmayıb.
2013-cü ildə sahə müvəkkili M.Abdullayevə onun Baş Prokurorluğa getməli
olduğunu bildirib. Baş Prokurorluqda Elmar Camalovla görüşən M.Abdullayevə
bildirilib ki, onun barəsində cinayət işinə baxılması üçün sənədlər məhkəməyə
göndəriləcək və onun yenidən ifadəsinə ehtiyac var, lakin ondan ifadə almadan boş
kağıza imza atdırıblar və onu sərbəst buraxıblar. M.Abdullayev ona hökm çıxarıldığı
gün məhkəmə zalında həbs edilib.
M.Abdullayev Lənkəran Ağır Cinayətlər Məhkəməsinin 21 avqust 2013-cü il tarixli
hökmü ilə 10 il müddətinə azadlıqdan məhrum edilib. Şirvan Apellyasiya
Məhkəməsi (hakim Saleh Süleymanov) 03 iyun 2014-cü ildə bu hökmü qüvvədə
saxlayıb. Ali Məhkəmə də 05 mart 2015-ci ildə M.Abdullayevin şikayətini təmin
etməyib.
M.Abdullayevin 10 il əvvəl açılmış cinayət işi əsasında həbs edilməsi, ondan ifadə
almaq əvəzinə boş kağıza imza atdırılması, məhkəmə prosesləri zamanı yalnız
Kürdəmir Rayon Polis Şöbəsinin keçmiş əməkdaşlarının şahid qismində verdikləri
ifadələrin əsas götürülməsi, başqa sübutların araşdırılmaması göstərir ki, onu əmisi
Elşad Abdullayevin tənqidi mövqeyinə və hakimiyyətlə münasibətlərinin
kəskinləşməsinə görə həbs ediblər.
147.
Murad Güləhməd oğlu
ƏDİLOV
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
111
Saxlanma tarixi: 11 avqust 2014-cü il
İttiham: CM-in 234.4.3-cü
(satış məqsədi ilə qanunsuz olaraq narkotik vasitələri və
ya psixotrop maddələri əldə etmə və ya saxlama, hazırlama, istehsal etmə, emal etmə,
daşıma, göndərmə, yaxud qanunsuz olaraq narkotik vasitələri və ya psixotrop
maddələri satma, külli miqdarda törədildikdə) maddəsi
Saxlandığı yer: 10 saylı Cəzaçəkmə Müəssisəsi
İş üzrə qısa arayış: AXCP mətbuat katibi və “Azərbaycan Saatı” proqramının
aparıcılarından biri, siyasi təqiblərə görə hazırda Fransada yaşayan Natiq Ədilovun
qardaşı Murad Ədilov bu proqrama qarşı aparılan kampaniya çərçivəsində həbs edilən
şəxslərdən biridir.
Bu proqramın rəhbəri Qənimət Zahidin də yaxın qohumları həbs edilib və
M.Ədilovun işində olduğu kimi eyni ittihamlarla ağır cəzaya məhkum ediliblər (iki ilə
yaxın həbsdə saxlanıldıqdan sonra azadlığa buraxılıblar). Bu proqram kimi xaricdən
yayımlanan Meydan TV əməkdaşlarının da yaxın qohumlarına qarşı analoji
ittihamlarla həbs ediliblər (bir müddət həbsdə saxlandıqdan sonra onlar azadlığa
buraxılıb).
M.Ədilov Sabirabad rayonunda həbs edilərkən həm rayon polis şöbəsində, həm də
sonradan Bakıda saxlandığı polis idarəsində işgəncələrə və qeyri-insani rəftara məruz
qaldığı barədə məlumat versə və rəsmi müraciətlər etsə də, bunlar lazımi şəkildə
araşdırılmayıb. O, Bakı İstintaq Təcridxanasına aparılan zaman bədənində qançırların
olması sənədlərdə əks olunsa da, bu fakt da araşdırılmayıb. Həbsdən az müddət əvvəl
hakimiyyətə xüsusi yaxınlığı ilə fərqlənən və müxalif mövqedə olan şəxslər barəsində
qarayaxma süjetlər və proqramlar təqdim edən Lider telekanalında jurnalist Natiq
Ədilova və onun ailəsinə qarşı qarayaxma xarakterli məlumatlar yayılıb.
Onun məhkəmə prosesləri də sübut edib ki, istintaq qərəzli aparılıb, sübutlar qismində
ancaq polislərin və hal şahidlərinin ifadələri istifadə edilib. M.Ədilovun ailəsinə
məxsus geniş evdə ancaq bir otaqda axtarış aparılıb və həmin otaqdan da narkotik
maddənin tapıldığı iddia edilib, halbuki əməliyyat narkotik maddənin həqiqətən də
tapılması
üçün keçirilsəydi, bütün mənzildə axtarış aparılmalıydı.
M.Ədilov Lənkəran Ağır Cinayətlər Məhkəməsinin 14 may 2015-ci il tarixli hökmü
ilə 6 il müddətinə azadlıqdan məhrum edilib. Şirvan Apellyasiya Məhkəməsi 27
oktyabr 2015-ci ildə, Ali Məhkəmə isə 22 aprel 2016-cı ildə hökmü dəyişdirmədən
qüvvədə saxlayıb.
M.Ədilov
ailəlidir, 3 azyaşlı övladı var ki, böyüyü 7 yaşındadır.