AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
106
2005-ci ilin noyabrında keçirilmiş parlament seçkilərindən əvvəl və seçkilər
ərəfəsində Əli İnsanov YAP-ın İdarə Heyətinin iclaslarında kəskin tənqidi çıxışlar
edib, hakimiyyətdə cinayətkarların təmsil olunduğunu, aparılan siyasətin yanlışlığını
və dəyişdirilməli olduğunu, əks halda xalqı aldatmış olacaqlarını bildirib. YAP-ın
qurultayından əvvəl keçirilən idarə heyətinin iclasında tənqidi fikirlərini davam
etdirərək, partiyaya çağırdığı və ona görə partiyaya qoşulan şəxslərdən buraxılan
səhvlərə və yanlış siyasətə görə üzr istəmək dərəcəsinə çatdırıldığını vurğulayıb. Əli
İnsanov həbsindən 7 ay əvvəl, yəni 2005-ci ilin mart ayında həm YAP-dan, həm də
səhiyyə naziri vəzifəsindən istefa vermək üçün ərizə ilə Prezident İlham Əliyevə
müraciət etsə də, onun istefası qəbul olunmayıb. Həbsindən iki ay əvvəl Ə.İnsanov
izləndiyini, hətta Bakıdan çıxdıqdan sonra da bu izləmənin davam etdiyini və bununla
da bağlı prezidentə müraciət yolladığını bildirib. Müraciətdə elə hakimiyyətdə təmsil
olunan qrupların onu izlədiyini vurğulayıb.
Parlament seçkilərinə 16 gün qalmış Ə.İnsanov həbs edilərkən ona qarşı ilkin olaraq
dövlət çevrilişinə hazırlıq ittihamı sürülsə də (dövlət mediası da bu barədə məlumatlar
yayırdı), sonradan bu ittiham sırf iqtisadi cinayətlər üzrə ittihamlara çevrilib. Onu
Milli Təhlükəsizlik Nazirliyinin əməkdaşları saxlayıb və barəsində dərhal həbs
qətimkan tədbiri seçilib.
Keçmiş nazir həbs edilərkən işgəncəyə məruz qaldığını, işgəncələrin Bayıl
Həbsxanasında, 5 saylı İstintaq Təcridxanasında, 13 saylı Cəzaçəkmə Müəssisəsində
davam etdiyini bildirib.
2007-ci ildə Ə.İnsanovun cinayət işi üzrə istintaq yekunlaşıb, ancaq onun
vəkillərinə işin materialları ilə tanış olmaq və onların surətlərini götürməyə imkan
verilməyib. O, 20 aprel 2007-ci ildə Bakı Ağır Cinayətlər Məhkəməsinin qərarı ilə
11 il müddətinə azadlıqdan məhrum edilib. 2007-ci il sentyabrın 21-də Bakı
Apellyasiya Məhkəməsi, 16 yanvar 2008-ci ildə isə Ali Məhkəmə bu qərardan
verilən şikayətləri rədd ediblər.
Cinayət işinin materiallarında mənimsənildiyi iddia edilən məbləğlə Ə.İnsanovun
həbsi zamanı Baş Prokurorluğun məlumatlarında açıqlanan məbləğlər arasında ciddi
fərqlər olub. Ə.İnsanov bütün vergiləri ödədiyini və təkcə 2005-ci ildə 85000 manat
vergi ödədiyini sübut edən qəbzləri məhkəməyə təqdim edib. Qanunsuz
özəlləşdirmədə ittiham edilən Ə.İnsanov bu prosesi Əmlak Məsələləri üzrə Dövlət
Komitəsinin Sədri Kərəm Həsənov və keçmiş İqtisadi İnkişaf Naziri Fərhad Əliyevin
apardığını bildirib. Keçmiş nazir onların şahid kimi məhkəməyə gətirilməsi ilə bağlı
vəsatət versə də, bu, təmin edilməyib. Ə.İnsanovun həbs edildiyi gün verdiyi ifadənin
böyük bir hissəsi itirilib və cinayət işinin materiallarına əlavə edilməyib.
Keçmiş nazirin İnsan hüquqlarının və əsas azadlıqların müdafiəsi haqqında
Konvensiyanın 3-cü (işgəncəyə məruz qalmamaq) və 6-cı (ədalətli məhkəmə hüququ)
maddəsində nəzərdə tutulmuş hüququnun pozulması ilə bağlı Avropa İnsan
Hüquqları Məhkəməsinə şikayət verilib. 2013-cü ilin martın 14-də Avropa İnsan
Hüquqları Məhkəməsi keçmiş nazirin hər iki hüququnun pozulduğunu tanıyıb
70
.
Məhkəmə keçmiş nazirin müdafiə hüququ və digər prosessual qaydaların
pozulduğunu, əlavə araşdırma aparılmasına ehtiyac olduğunu və Azərbaycan
70
http://bit.ly/1myxEK1
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
107
hökumətinin 10 min avro cərimə ödəməli olduğunu qət edib. 2013-cü il noyabrın 15-
də Ali Məhkəmə Avropa İnsan Hüquqları Məhkəməsinin qərarına əsasən işin yenidən
baxılması üçün Bakı Apellyasiya Məhkəməsinə göndərib. Apellyasiya Məhkəməsində
işə baxılarkən Ə.İnsanov hakimiyyət, konkret Prezident İlham Əliyev barədə kəskin
tənqidi fikirlər səsləndirib. Növbəti məhkəmə zamanı Ə.İnsanov şüşə qəfəsə salınıb
və hakim onun danışmasına icazə verməyib (keçmiş nazir tənqidi fikirlər
səsləndirərkən hakim səsin eşidilməsini təmin edən mikrofonu söndürüb). 25 fevral
2014-cü ildə Apellyasiya Məhkəməsi Ə.İnsanov barəsində çıxarılan 11 illik
azadlıqdan məhrum edilmə barədə hökmü qüvvədə saxlayıb. AŞPA-nın 2007-ci ildə
qəbul etdiyi 1545 saylı qətnaməsində Ə.İnsanov barəsində ədalətli məhkəmə
keçirilməsi tövsiyə olunub.
71
AŞPA-nın Azərbaycan üzrə keçmiş həmməruzəçiləri
Cənab Andres Herkel və Xanım Evgenuia Jivkovanın apardıqları monitorinqin
nəticələrinə dair 2008-ci il mart ayında yayılmış hesabatda və AŞPA-nın 2008-ci il 24
iyul tarixli qətnaməsində də Ə.İnsanovla bağlı narahatlıq əks olunub.
Ə.İnsanovun cəza müddətinin bitməsinə 57 gün qalmış, 23 avqust 2016-cı ildə ona
qarşı 3 maddə əsasında ittiham irəli sürülüb və onun barəsində yeni istintaq başlanıb.
Bu işlə əlaqədar olaraq o, saxlandığı 13 saylı CM-dən Bakı İstintaq Təcridxanasına
köçürülüb. Hazırda bu iş üzrə istintaq başa çatıb və iş baxılması üçün məhkəməyə
göndərilib.
Ona qarşı ittihamların azadlığa çıxmasına az müddət qalmış irəli sürülməsi,
müstəntiqlərdən fərqli olaraq, vəkillərinin yanına buraxılmaması və bu tip ittihamların
siyasi motivli işlərdə mütəmadi istifadə edilməsi göstərir ki, hakimiyyət Ə.İnsanovun
azadlığa buraxılmasında maraqlı deyil. Belə ki, yuxarıda da qeyd edildiyi kimi, o həbs
edildikdən sonra hakimiyyəti tənqid etməyə başlayıb və azadlığa çıxdıqdan sonra
mübarizəsini davam etdirəcəyini açıq şəkildə bildirib.
Ə.İnsanov ona qarşı açılmış yeni cinayət işi üzrə Qaradağ Rayon Məhkəməsinin
(hakim Rəşad Mustafayev) 26 aprel 2017-ci il tarixli hökmü ilə 7 il 5 gün
müddətinə azadlıqdan məhrum edilib. Bakı Apellyasiya Məhkəməsi (sədrlik edən
hakim Əflatun Qasımov) 22 iyun 2017-ci il tarixdə bu hökmü dəyişdirmədən
qüvvədə saxlayıb.
145.
Rüfət Eldar oğlu
SƏFƏROV
Saxlanma tarixi: 08 sentyabr 2016-cı il
© şəxsi Facebook səhifəsi
İttiham: CM-in 311.3.2-ci
(rüşvət alma, yəni vəzifəli şəxsin xidməti vəzifəsinin
(səlahiyyətlərinin) icrası ilə əlaqədar hər hansı hərəkətə (hərəkətsizliyə) görə, eləcə
də xidmət üzrə ümumi himayədarlıq və ya laqeydlik müqabilində özü və yaxud üçüncü
71
http://bit.ly/P93hLW