AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
108
şəxslər üçün birbaşa və ya dolayı yolla, şəxsən və ya vasitəçidən istifadə etməklə
maddi və sair neməti, imtiyazı və ya güzəşti istəməsi və ya alması, yaxud bu barədə
təklif və ya vədi qəbul etməsi, təkrar törədildikdə) maddəsi
Saxlandığı yer: 9 saylı Cəzaçəkmə Müəssisəsi
İş üzrə qısa arayış: Hakim Yeni Azərbaycan Partiyasının yaradıcılarından biri,
keçmiş deputat və Müdafiə Nazirliyinin mətbuat xidmətinin rəhbəri olmuş Eldar
Sabiroğlunun oğlu olan Rüfət Səfərov Zərdab Rayon Prokurorluğunun müstəntiqi
vəzifəsində çalışıb. 2015-ci ilin dekabrında kütləvi ədalətsizliyə, qanunsuzluqlara,
insan hüquqlarının pozulmasına görə vəzifəsindən istefa verib və bu barədə Baş
Prokurora
məktub
göndərib.
O,
məktubu
həm
də
mətbuat
vasitəsilə
ictimaiyyətləşdirib. R.Səfərov müxalifətə keçdiyini və bundan sonra haqsızlığa qarşı
mübarizə aparacağını sosial şəbəkələrdə bildirib. Səfərov atasına qarşı olan haqsız
hücumların da onun istefasına gətirib çıxaran səbəblərdən biri olduğunu vurğulayıb.
Belə ki, Səfərovun atası Prezident Administrasiyasının rəhbəri Ramiz Mehdiyevin
ünvanına sərt çıxışlar edib və bundan sonra ona qarşı təzyiqlər başlayıb.
R.Səfərovun bu addımından qısa müddət sonra - 2016-cı il yanvarın 15-də ona qarşı
ittiham irəli sürülüb və barəsində Binəqədi Rayon Məhkəməsinin qərarı ilə həbs
qətimkan tədbiri seçilib. Həbsindən sonra onun iş otağında, kirayədə qaldığı mənzildə
axtarış aparılıb, kompüter və telefonu götürülüb. Yanvarın 22-də isə Binəqədi Rayon
Məhkəməsi həbs qətimkan tədbirini ev dustaqlığı qətimkan tədbiri ilə əvəzlənməsi
barədə qərar qəbul edib.
R.Səfərov siyasi bəyanat verərək bildirib ki, tutduğu vəzidən uzaqlaşdıqdan dərhal
sonra onun barəsində cinayət işinin açılması cinayət təqibinin siyasi motivli olduğunu
göstərir. Bundan başqa, ittihama görə, R.Səfərovun rüşvət aldığı iddia edilən bütün
şəxslər Zərdab rayonunda fəaliyyət göstərən vəzifəli şəxslərdir (Əlibəyli kənd
bələdiyyəsinin sədri Elçin Xəlilov, Zərdab rayon Elektrik Şəbəkəsinin məsul işçisi
Ələmdar Abbasov, Zərdab rayon Baytarlıq İdarəsinin əməkdaşı Mansur Pənahov,
Zərdab rayon Mədəniyyət və Turizm Şöbəsinin müdiri Eldəniz Abdullayev), onlar
2014-cü ildə rüşvət verdikləri ilə bağlı şikayətləri məhz R.Səfərov vəzifəsindən istefa
verdikdən sonra tədqim ediblər. İlkin məhkəmə prosesində R.Səfərovun vəkili rüşvət
verən vəzifəli şəxslərin barəsində xüsusi qərar çıxarılaraq onların məsiuliyyətə cəlb
olunması üçün tədbir görülməsi barədə vəsatət versə də, bu vəsatət təmin edilməyib.
Bu faktın özü göstərir ki, ittiham saxtalaşdırılıb, əks halda rüşvət verən şəxslər də
cinayət məsuliyyətinə cəlb edilməli idi, belə ki, qanunvericiliyə görə, rüşvət vermə də
cinayət sayılır.
Məhkəmə prosesləri zamanı şahidlər kəskin ziddiyyətli ifadələr verib. Vəkil
şahidlərin güya R.Səfərovun rüşvət istədiyini görmələri barədə ifadələrindən sonra
onların da cinayəti bilib gizlətmə cinayətinə yol verdiklərinə görə məsuliyyətə cəlb
edilmələri üçün araşdırmanın aparılmasından ötrü xüsusi qərarın çıxarılması barədə
vəsatət verib. Lakin bu vəsatət də təmin edilməyib.
İş üzrə adı keçən şahidlərdən biri Babək Hacıyev istintaqa verdiyi ifadəni məhkəmədə
təsdiqləməyib və bildirib ki, prokurorluqda ona hazır mətn veriblər və o da oxumadan
onu imzalayıb, məhkəmə zamanı məlum olub ki, bu ifadə R.Səfərovun əleyhinədir.
Güya o, Baytarlıq İdaərsinin əməkdaşından rüşvət aldığını Babək Hacıyevə özü
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
109
deyib. Digər şahid, Zərdab rayon Baytarlıq İdarəsinin əməkdaşı Şaiq Əliyev
R.Səfərovun rüşvət aldığını görmədiyini, bu barədə yalnız eşitdiyini bildirib.
Rüfət Səfərov Lənkəran Ağır Cinayətlər Məhkəməsinin (sədrlik edən hakim Asim
Hacıyev) 08 sentyabr 2016-cı il tarixli hökmü ilə 9 il müddətinə azadlıqdan məhrum
edilərək məhkəmə zalında həbs olunub. Dövlət ittihamçısı onun 10 il müddətinə
azadlıqdan məhrum edilməsini tələb edib. R.Səfərov və vəkili son söz üçün vaxt
istəsələr də, hakim onların bu xahişini rədd edib. Şirvan Apellyasiya Məhkəməsi
(sədrlik edən hakim Ələsgər Novruzov) bu hökmü 22 dekabr 2016-cı il, Ali
Məhkəmə isə (sədrlik edən hakim Gülzar Rzayeva) 11 iyul 2017-ci il tarixdə
dəyişdirmədən qüvvədə saxlayıb.
R. Səfərov 9 saylı Cəzaçəkmə Müəssisəsinə köçürüldükdən sonra bir neçə dəfə karsa
salınıb. R.Səfərov və vəkilləri bu cəzaların qanunsuz olduğunu və onu sındırmaq
məqsədi güddüyünü iddia edirlər.
I. SİYASİ GİROVLAR
146.
Mübariz Əslan oğlu
ABDULLAYEV
Saxlanma tarixi: 21 avqust 2013-cü il
© şəxsi Facebook profili
İttiham: CM-in 182.3.2-ci
(hədə-qorxu ilə tələb etmə, külli miqdarda əmlak əldə
etmək məqsədi ilə törədildikdə) maddəsi
Saxlandığı yer: Şəki
Penitensiar Müəssisəsi
İş üzrə qısa arayış: Mübariz Abdullayev ləğv edilmiş Azərbaycan Beynəlxalq
Universitetinin keçmiş rektoru Elşad Abdullayevin qardaşı oğludur. 2010-cu ildə
rektoru olduğu Universitetinin lisenziyası ləğv edildikdən sonra hakimiyyətlə
münasibətləri kəskinləşən və bu səbəbdən də ölkədən qaçaraq hazırda Fransada siyasi
mühacirət həyatı yaşayan Elşad Abdullayev 2012-ci ilin sentyabrında qalmaqallı
videonun yayılması ilə gündəmə gəlib. Videoda Elşad Abdullayevlə həmin dövrdə
hakim partiyadan millət vəkili olmuş Gülər Əhmədova, o sıradan görüşdə vasitəçi
kimi təqdim edilən millət vəkilinin rəfiqəsi Sevinc Babayeva arasında
danışıqlar əks
olunub, millət vəkili Elşad Abdullayevin millət vəkili seçilməsi üçün ondan 1 milyon
manat pul istəyib və bu vəsaitin Prezident Administrasiyasının rəhbəri Ramiz
Mehdiyevə veriləcəyini bildirib. Bu video yayıldıqdan sonra Sevinc Babayeva
naməlum şəraitdə Türkiyədə ölüb, Gülər Əhmədova isə 2013-cü ilin fevralında həbs
olunub (bir müddətdən sonra o, Bakı Apellyasiya Məhkəməsinin qərarı ilə azadlığa
çıxıb). E.Abdullayev bu videodan sonra daha bir neçə qalmaqallı video yayıb və bu