27
-İkinci cagırış SSR Ali Sovetinə deputat seçilmişdir
(Naxçıvan MR-dan).
1948, 23 noyabr
-Bakı şəhərində vəfat etmişdir.
28
Üzeyir Hacıbəyli sənət və sənətkarlıq haqqında
***
Canlı və mənalı danışmağı xalqdan öyrənmək lazımdır. Xalq heç vaxt elə söz
deməz ki, boğaza ilişib qalsın. Dil gözəlliyinin isə ən vacib tələblərindən biri budur
ki, söz, cümlə, ifadə dili rahat gəlsin, ağızda fırlanmasın, musiqidə də belədir.
Azərbaycan xalq musiqisinin əsaslarını öyrənmək nəticəsində mən ―Koroğlu‖nu
yazdım.
***
Mən Çaykovskinin yaradıcılığına coşğun pərəstiş edən adamlardan biriyəm.
Mən öz azad yaradıcılıq fantaziyamı xalq musiqi dilinin sarsılmaz təməli üzərində
inkişaf etdirmək prinsipini Çaykovskidən götürmüşəm.
***
Biz ətrafımızda törənən hadisələrə azacıq belə laqeyid baxa bilmərik. Öz
yaradıcılığında həyatdan qida almayan, xalqın ruhunu biməyən, mübarizədən
kənarda qalaraq hadisələrə qarşı laqeyd olan sənətkar cəmiyyət üçün deyil, özü üçün
yarada bilər.
***
Azərbaycan xalq musiqi incəsənətinin əsasını təşkil edən ciddi qanun-qaydalar
(mən öz operamı yazarkən bunlara riayət etmişəm) nəinki mənim yaradıcılıq arzumu
boğdu, əksinə bu qanun-qaydalar bir bünövrə olaraq azad yaradıcılıq fantaziyasının
geniş üfüqlərini aydın işıqlandırıb mənə daha artıq cəsarət verdi.
***
Deməli, Bülbülün üstünlüyü ondadır ki, o, hələ sinədən, boğazdan oxuması bir
yana qalsın, hər şeydən əvvəl, ifaçılıq mədəniyyətinə yiyələnmişdir. Mən bu
əqidədəyəm ki, biz tələbələrə notla çalmağı öyrətdiyimiz kimi, notla da oxumağı
öyrətməliyik.
***
Əsrlər boyu baş verən tarixi hadisələr nəticəsində Azərbaycan xalqı müxtəlif
xalqların malik olduğu ən yaxşı xüsusiyyətləri mənimsəmiş və öz musiqi sənətini
müstəqil inkişaf etdirmişdir. Təsadüfi deyildir ki, ən yaxşı ifaçılar, ən yaxşı
müğənnilər məhz Azərbaycandan çıxır.
***
Teatr ictimai həyatın güzgüsü, sənət məbədi olduğundan teatrda tamaşaya
qoyulan əsərlər həyatımızın təkcə əxlaqi cəhətlərini tərbiyə etməməli, həm də insan
təbiətinə xas olan estetik hisslər aşılamalıdır; deməli, hər bir səhnə əsərində əxlaqi
29
ünsürdən başqa, bədii ünsür də olmalıdır; musiqi əsərində bədiilik ünsürü musiqi ilə
ifadə olunur, dram əsərlərində isə poeziya və nəsrlə; səhnə sənətinin hər iki sahəsinin
kütlə üçün zəruri olduğu burdan irəli gəlir.
***
Əgər ayrı-ayrı şəxslər bayağı əsərlər yazıb bunları operetta adlandırırlarsa,
yaxud ifaçılar çox vaxt operettaya onun adına yabançı olan şit hərəkətlər daxil
edirlərsə, buna operetta janrı günahkar deyildir. Operettanın tərkib hissələri olan incə
melodiya, sağlam yumor, yüngül satira heç də bayağılıq və ya şitlik əlaməti
deyildir...
***
Hörmətli sənətkarımız N.B.Vəzirov və N.Nərimanovun komediya və dramları,
Haqverdiyev, H.B.Vəzirov və başqalarının digər əsərləri, rus dilindən, əcnəbi
dillərdən tərcümə olunmuş, türk dilindən iqtibas edilmiş bir çox əsərlər opera və
operettaların meydana çıxmasından xeyli əvvəl həyatımızın mənəvi-bəbii tələbatını
ödəmiş, indinin özündə - opera və operettalar yarandıqdan sonrta da ödəməkdədir.
Əgər dramın geri qaldığı hiss olunursa, bunun başlıca səbəbi hər şeydən əvvəl
müsəlman teatrının olmaması ilə izah edilir.
***
Opera və operettalar türklər arasında gizli qalmış olan bir çox talantları gözəl səs
sahiblərini meydana çıxarıb, türk sənaye-nəfisiyyəsi yolunda böyük addımlar atıldı,
dram və opera yazıçıları arasında bədii bir rəqabət salıb, bir çox ciddi dram əsərləinin
meydana çıxamasına səbəb oldu.
***
Azərbaycan türkləri musiqini çox sevir və olduqca ona həvəs edirlər. Musiqi
əməlinin şəriət tərəfindən günah hesab edilməsi bu həvəsi heç də söndürə bilmədisə
də, fəqət musiqinin tərəqqi etməsinə qarşı böyük məmaniət təşkil etdi, o səbəbdəndir
ki, Şərq musiqisi və o cümlədən Azərbaycan türklərinin musiqisi qədim zamanlardan
ta indilərə kimi heç bir tərəqqi və inkişaf üzü görmüyüb. Hənuz ata-babadan qalma
bir halda davam etməkdə olduğu kimi, sazlarımız, yəni musiqi alətimiz dəxi bu gün
ən intidai və naqis bir haldadır.
Xanəndə üçün dəstgah oxumağın yaxşılığı ondadır ki, müəyyən bir hava və bir
bəhr qeydi altında olmayıb, öz ―fantaziya‖sına geniş bir meydan açır və səsini
―bəm‖, ―zil‖, ―meyxana‖ kimi müxtəlif ―tessitura‖larla işlədir. Şərq musiqisinin
gələcək tərəqqisi əmrində dəsgahların ən böyük əhəmiyyəti olacaqdır. Çünki hər bir
mövcud xalq havalarının hamısı bilistisna dəsgahların pərdələrindən götürülmüşdür;
deməli, dəstgah pərdələri xaricində bir dənə də olsa mahnı tapmaq olmaz.
***
30
Təəssüf olsun ki, bizim türk çalğıçılarımız hənuz kamançanın qədrini lazımınca
bilmirlər. Odur ki, çalğıda kamançanı tamamilə tara tabe edib tarda vurulan
barmaqları kamançada yamsılayırlar...
***
Qədim alimlər musiqiyə tibbi əhəmiyyət verərək deyirdilər ki, xəstəliklr insan
orqanizmindən hərarətin ya qalxmasına, ya da enməsinə səbəb olur. Hərarəti yüksək
olan xəstənin kədər və qüssə oyadan musiqiyə qulaq asması faydalıdır; hərarəti aşağı
olan xəstə isə şən və oynaq musiqini dinləməlidir.
***
Bununla belə, ―Leyli və Məcnun‖ böyük müvəffəqiyyət qazandı. Zənnimcə, bu
müvəffəqiyyət onunla izah edilir ki, artıq Azərbaycan xalqı öz səhnəsində
Azərbaycan operasının yaranmasını gözləyirdi, ―Leyli və Məcnun‖da isə əsl xalq
musiqisi ilə məşhur klassik süjet birləşmişdir.
***
Bu əsər birinci dəfə 1915-ci ildə oynandığı zaman Bakı burjuaziyasının ―Kaspi‖
qəzeti tərəfindən son dərəcə hörmətsizlik və nifrətlə qarşılanmışdır. Əsər haqqında
yazılmış ―tənqiddə‖ avtor söylürdü. Onlar bu əsəri ―qızlarımızı pis yola çağırmaqda‖
töhmətləndirirdilər. Özlərini qızlarımızın ―havadarı‖ kimi qələmə verən bu ağalar
əsərdə müsəlman dini və adətlərinə vurulan zərbəni hiss edirdilər. O zamanlar
azərbaycanlı qızlar ən elementar hüquqlardan belə məhrum edilmişdilər. Bu
komediyanı yazmaqdan da məqsəd səhnə və musiqili əsər vasitəsilə qadın azadlığına
yardım, köhnə adət və ənənələri ifşa etmək idi.
***
Ərəblinski səhnə fəailyyətinə başladığı gündən əsl sənətkar – professional aktyor
olmaq üçün möhkəm bir istiqamət tutmuşdu. O, sənət aləmində qorxmaz və cəsur idi.
Qara qüvvələrin, çar satraplarının, ruhanilərin hər cür müqavimətinə baxmayaraq
Ərəblinski Azərbaycanda möhkəm aktyor kollektivinə malik olan doğma teatr
yaratmaq uğrunda mübarizədə ruhdan düşməyən, yorulmaq bilməyən bir enerji ilə
çalışan, hər çətinliyə sinə gərən, bu yolda büdrəməyən bir qəhrəman idi. O, öz
sənətini bütün varlığı ilə sevir və onu hər şeydən yüksək tuturdu.
***
İlk gözəl nəğmə və rəqs melodiyalarının yaradıcısı xalq özüdür. Bizə bu gün
nümunə olan xalq nəğmələri əsrlərdən bəri işlənə-işlənə yaradılmış və yalnız bizim
zəmanəmizdə həqiqi bədii formalar almışdır.
Bununla belə xalq yalnız yaradıcı, yalnız kompozitor deyildir; xalq eyni
zamanda misilsiz tənqidçi və musiqi əsərlərinin ən yaxşı ―istehlakçısıdır‖, xalq
Dostları ilə paylaş: |