Azərbaycanın ictimai həyatında gənclərin iştirakı
Yüklə 0,55 Mb. Pdf görüntüsü
|
- Bu səhifədəki naviqasiya:
- Azərbaycanın ictimai həyatında gənclərin iştirakı
- Dövlət gənclər siyasəti
| MDB PAA İŞTİRAKÇISI OLAN DÖVLƏTLƏRİN DEMOKRATİYANIN, PARLAMENTARİZMİN İNKİŞAFININ VƏ VƏTƏNDAŞLARIN SEÇKİ HÜQUQLARINA RİAYƏT OLUNMASININ MONİTORİNQİ BEYNƏLXALQ İNSTİTUTUNUN BAKI FİLİALI
Sankt-Peterburq – Bakı 2012
U90 Azərbaycanın ictimai həyatında gənclərin rolu / A. M. Cəfərovun, E. B. İmaməliyevin redaktəsi ilə. — SPb.; Bakı: MDB iştirakçısı olan dövlətlərin Parlamentlərarası Assambleyası Şurasının Katibliyi. 2012. — 100 s. ISBN 978-5-86857-042-1 Təqdim olunan elmi-araşdırma işində Azərbaycan Respublikasının müasir dövlət gənclər siyasətinin müxtəlif istiqamətlərinin geniş təhlili, o cümlədən müvafiq normativ- hüquqi aktların və proqramların həyata keçirilməsinin gedişi verilir, ölkənin ictimai və siyasi həyatında gənclərin artan rolu qiymətləndirilir. Nəşr, parlamentarilər, ictimaiyyətşünaslar, sosioloqlar, politoloqlar, ali məktəblərdə təhsil alanlar və MDB iştirakçısı olan dövlətlərdə gənclər siyasətinin inkişafının vəziyyəti və perspektivləri ilə maraqlanan hər kəs üçün nəzərdə tutulmuşdur. UDK 314 BBK 60.7
U90 ISBN 978-5-86857-042-1 © Müstəqil Dövlətlər Birliyinin iştirakçısı olan dövlətlərin Parlamentlərarası Assambleyası Şurasının Katibliyi, 2012
Gənclər, hər bir cəmiyyətin aparıcı qüvvəsidir. Gənc nəslə qoyulan investisiya dövlətin parlaq gələcəyinin təminatıdır. Gənclərin tərbiyəsi, onların problemlərinin həllinə dəstək və gənc vətəndaşlara dövlət qayğısı yeni və müstəqil Azərbaycan dövlətinin daxili siyasətinin mühüm vəzifələrindəndir. Təməli Ümummilli lider Heydər Əliyev tərəfindən qoyulan Dövlət Gənclər siyasəti dövlətin “Gənclik kapitalı”na xüsusi yanaşmasının təcəssümüdür. Qəbul edilən proqramlara uyğun olaraq keçirilən tədbirlər, müxtəlif sahələrdə gəncləri maraqlandıran məsələlərin həllinə dair verilən sərəncamlar, qəbul edilən qərarlar, dövlət orqanlarının və ictimai təşkilatların fəaliyyəti, gənc nəslə təhsil, elm, incəsənət, səhiyyə, iqtisadiyyat və digər sferalarda dəstək, gənclərin problemlərinin həllinə yönəlmiş hərəkətlər Azərbaycan dövlətinin gənclərə diqqətinin bariz nümunəsidir. Azərbaycan Rerspublikasının Prezidenti İlham Əliyevin sözlərinə görə bugünkü gənc sabah ölkəni idarə edəcəkdir. İ. Əliyevin rəhbərliyi ilə ökə əhalisinin 31%-dən çox hissəsini təşkil edən gənclərin hərtərəfli inkişafı məqsədilə gənc nəslin nümayəndələrinin dövlət idarəçiliyi sistemində iştirakının həyata keçirilməsi, onların səmərəli məşğulluğunun təmin edilməsi, gənclərin potensialından dövlətimizin rifahı naminə istifadə olunması istiqamətində kompleks tədbirlər həyata keçirilir. Giriş 3
Azərbaycanın inkişafı, dünya dövlətləri sırasında öz layiqli yerini tutması Azərbaycan Respublikasının hər bir vətəndaşı, o cümlədən, müxtəlif ölkələrdə yaşayan soydaşlarımızın üzərinə yeni-yeni vəzifələr qoyur və hər bir azərbaycanlı bu vəzifələrin öhdəsindən layiqincə gəlməyə çalışır. Azərbaycanın aparıcı qüvvəsi olan gənclər bu istiqamətdə daha fəaldırlar. Bununla bağlı, Azərbaycanın inkişafına istiqamətlənən, əsası Ümummilli lider H. Əliyev tərəfindən qoyulan və Prezident İ. Əliyev tərəfindən uğurla davam etdirilən dövlət siyasətinin həyata keçirilməsində gənclərə xüsusi yerin ayrılması heç kimə sirr deyil. Bu gün Azərbaycan gəncləri öz ölkəsinin suverenliyi və ərazi bütövlüyünün keşiyində ayıq-sayıq dayanır, peşəkar kadr olmaq üçün müxtəlif biliklərə yiyələnir, Azərbaycan Respublikasının bayrağını yüksəkliklərə qaldıraraq dünya səviyyəli idman yarışlarında fərqlənir. Hələ 1902-ci ildə "Müsəlman gənclik təşkilatı" ətrafında birləşən Azərbaycan gəncliyi sonralar Rusiya imperiyasının və Sovet İttifaqının tərkibində olmaqla mövcud geosiyasi məkanın tələbləri çərçivəsində fəaliyyət göstərərək böyük inkişaf yolu keçmişdir. O XX əsrin əvvəllərində başlanan və 1918-ci ildə Azərbaycan Xalq Cümhuriyyətinin yaranması ilə nəticələnən milli-azadlıq hərəkatının aparıcı qüvvələrindən olmuşdur. Dövlət gənclər siyasəti Cəmiyyətin gələcək tərəqqisi bir çox cəhətdən indiki gənclərimizə nəyi və necə öyrətməyimizdən asılı olacaqdır.
4
XX əsrdə Azərbaycan gəncliyinin nəinki ədəbiyyat və incəsənət, həmçinin bir çox digər sahələrdə nailiyyətlərin qazanılmasında böyük rolu olmuşdur. Yetmiş ilə yaxın bir müddətdə ümumittifaq komsomol təşkilatının tərkib hissəsi olmaqla Azərbaycan gənclər təşkilatı Azərbaycan cəmiyyətinin həyatında fəal mövqe tutmuşdur. 1941-1945-ci illərdə Azərbaycan gəncləri alman faşizmi ilə mübarizədə böyük qəhrəmanlıq və şücaət nümayiş etdirmişlər. Azərbaycanın 130 nümayəndəsi Sovet İttifaqı qəhrəmanı adına layiq görülmüşdür. 1991-1993-cü illərdə Azərbaycanda gənclərin müxtəlif təşkilatları meydana çıxmağa başladı. O dövrün hərc-mərclik şəraitində respublikanın bir çox gənclər təşkilatlarında siyasiləşmə və populizm meylləri müşahidə olunurdu. Bu təşkilatların bir çoxu o dövrdə fəaliyyət göstərən müxtəlif yönlü siyasi partiya və qurumların təsiri altına düşmüşdü. Azərbaycanın müstəqilliyi, suverenliyi və ərazi bütövlüyünün qorunması, ölkədə hüquqi demokratik dövlət quruculuğu prosesinin həyata keçirilməsi vəzifələri gənclərin ayrı-ayrı siyasi partiya və qurumların deyil, ümummilli dövlət maraqları əsasında səfərbər olunması, vahid gənclər siyasətinin formalaşması və həyata keçirilməsi zərurətini yaratdı. 1993-cü ildə Ümummilli lider H. Əliyevin Azərbaycana qayıdışından sonra gənclərin problemlərinin həlli vacib dövlət məsələləri ilə bir sırada prioritet yer aldı. Əgər sovet Azərbaycanına rəhbəriyi dövründə H. Əliyev gənclərə daha çox kadr potensialı kimi baxırdısa, müstəqil Azərbaycana rəhbərliyi dövründə isə o, onları artıq dövlətin idarə edilməsində aparıcı 5 Azərbaycan ictimai həyatında gənclərin iştirakı Yüklə 0,55 Mb. Dostları ilə paylaş:
|