144
Əliyev 13 iyun 2000-ci il tarixli fərman vermişdir. AMEA-nın Rəyasət Heyəti Nəsirəddin Tusinin 800
illik yubileyinin hazırlanması və keçirilməsi məqsədilə Komissiya yaratmışdır.
2001-ci il iyunun 29-da Akademiyada seçkilər keçirilmişdir. Seçkilər nəticəsində özlərinin
hərtərəfli bilikləri və elmə verdikləri töhfələri ilə seçilən alimlər dəstəsi Akademiyanın tərkibinə qəbul
edilmişdir. AMEA-nın Nizamnaməsinə uyğun olaraq Akademiyanın yeni prezidenti və Rəyasət Heyəti
seçilmişdir. Akademiyanın prezidenti vəzifəsinə yekdilliklə akademik Mahmud Kərim oğlu Kərimov
seçilmişdlr.
Son 10 ildə AMEA-nın müəssisələrində 1644 mühüm nəticə alınmış, 20000-ə yaxın məqalə (3000-i
xaricdə) çap olunmuşdur. 200-e yaxın doktorluq, 650-ə yaxın namizədlik dissertasiyası müdafiə
edilmişdir, 504 iş istehsalata tətbiq olunmuşdur.
AMEA-da birləşən alimlərimiz dövlət başçısı Heydər Əliyevin müstəqil Azərbaycanın hərtərəfli
tərəqqisinə xidmət edən islahatlar siyasətini ürəkdən dəstəkləyir və onun həyata keçirilməsində fəal
iştirak edirlər.
Azərbaycan Respublikasının Prezidenti Heydər Əliyevin imzaladığı "Azərbaycan Respublikasının
dövlət müstəqilliyinin onuncu ildönümü haqqında" fərmanda ölkəmizin milli dövlətçilik kontekstində
irəli sürülən konseptual müddəalar işığında müstəqil dövlətlimizin aparıcı təsisatlarından, təməl
sahələrindən olan milli təhsil sisteminin de ötən dövrdəki nailiyyətlərindən, nöqsanlarından,
problemlərindən, təhsil quruculuğu və islahatın gedişindən, YUNESKO tərəfindən "Təhsil əsri - intellekt
əsri" elan edilmiş XXI əsrdə təhsilimizin üstün istlqamətlərindən, perspektivlərindən ətraflı bəhs
edilmişdir.
Məlumdur ki, Azərbaycanda təhsilin, pedaqoji fikrin, təlim-tərbiyə ocaqlarının tarixi qədimlərlə,
köhnə çağlarla səsləşsə də, müasir, yeni, Avropa tipli məktəblərin əsası, çağdaş milli təhsilimizin təməli
XIX əsrin sonlarından qoyulmuş, XX əsrin əvvəllərində genişlənmiş, "Birinci Respublika" - Azərbaycan
Xalq Cümhuriyyəti dövründə milli təhsil quruculuğu dövlət siyasətinə çevrilmiş, "İkinci Respublika" -
Azərbaycan SSR dövründə milli dəyərlərin kifayət qədər nəzərə alınmaması ilə bağlı müəyyən
nöqsanlarına baxmayaraq, güclü təhsil sistemi formalaşmış, Azərbaycanın zəngin intellektual potensialı
yaranmış, xalqımız kütləvi surətdə maariflənmiş, savadsızlıq ləğv edilmişdir. Bu mərhələdə, xüsusən 70-
cl illər - 80-ci illərin birinci yarısında sözün əsl mənasında ölkəmizdə Azərbaycan məktəbi yaranmışdır.
Doğma Azərbaycan dilində gənclərə mükəmməl təhsil verən orta və ali məktəb, güclü intellektual
potensial formalaşmışdır. Bu, XX əsrdə mili müstəqilliyə aparan yolda xalqımızın əldə etdiyi ən böyük
tarixi nailiyyətlərdin biridir.
Bu gün iftixarla demək olar ki, xalqımızı müstəqil inkişaf yoluna hazırlayan bütün sahələrdə
olduğu kimi, milli təhsil sahəsində qazanılmış böyük nailiyyətlərdə də Azərbaycanın rəhbəri missiyasını,
aradakı kiçik fasilə istisna edilməklə, XX əsrin 30 ildən artıq bir dövrünü öz qüdrətli çiyinlərində uğurla
üçüncü minilliyə daşımış böyük şəxsiyyət Prezident Heydər Əliyevin müstəsna xidmətləri vardır.
1991-ci il oktyabrın 18-də 80 il əvvəl itirilmiş dövlət müstəqilliyimizin bərpası ilə Azərbaycan
tarixinin yeni bir dövrü, müstəqil inkişaf mərhələsi olan "Üçüncü Respublika"- müstəqil Azərbaycan
Respublikası dövrü başlandı. Lakın təəssüflə qeyd ovunmalıdır ki, Azərbaycan təhsilinin böyük
himayəçisi Heydər Əliyevin yüksək dövlət vəzifələrindən uzaqlaşdırılması ilə onun başladığı və on ildən
artıq bir müddətdə uğurla həyata keçirdiyi quruculuq işləri 80-ci illərin sonu - 90-cı illərin əvvəllərində
dayandırılmışdı.
1985-cl ildən başlayaraq "yenidənqurma" adı altında keçmiş SSRİ-də, o cümlədən Azərbaycanda
gedən ictimai-siyasi proseslər, sonra isə Qarabağ müharibəsinin başlanması təhsilin inkişafında
geriləməyə, böhrana geniş yol açdı. Bu proseslər müstəqilliyin ilk illərində, xüsusən 1991 -1993-cü
illərdə daha da dərinləşdi. Azərbaycan təhsilində müstəqilliyin ilk illərindəki böhranlı vəziyyətin
yaranmasının əsas səbəblərindən biri də 1992-ci ilin sonunda qəbul edilmiş "Təhsil Qanunu" olmuşdu.
Təhsil quruculuğunda səriştəsizliyin, yalançı pafosun ən bariz nümunəsi olan həmin qanun təhsilimizə
vurulan ağır zərbə idi. Prezident Heydər Əliyev bu barədə danışarkən demişdir: "Təəssüflər olsun ki,
Azərbaycanda bu mühüm sahəyə 1992-ci ildə qəbul olunmuş "Təhsil Qanunu" ilə böyük zərbə
vurulmuşdur". Əslində, 1991-1993-cü illər milli müstəqilliyimizin qorunması yolunda, digər sahələrdə
olduğu kimi, təhsil sferasında da itirilmiş illər sayılır.
Yalnız millətin xilaskarı, böyük maarifpərvər Heydər Əliyevin xalqın təkidli tələbi ilə hakimiyyətə
yenidən qayıdışı ilə təhsil sistemində də tənəzzülə son qoyuldu.
Heydər Əliyevin tarixi qayıdışından sonra ölkədə hazırlanan və həyata keçirilən strateji xətt təhsil
müəssisələrini normal fəaliyyət halına gətirməklə, təhsilin milli tərəqqimizin həqiqi, güclü amilinə
çevrilməsi üçün bu sahədə geniş islahatlar proqramının işlənib hazırlanması və həyata keçirilməsi
vəzifəsini irəli sürdü. Təhsil sahəsində islahatlar aparılmasının dövlət təminatı gücləndirildi. Bu məqsədlə
145
ölkə prezidenti 1998-ci ilin martında "Azərbaycan Respublikasında təhsil sahəsində islahatlar üzrə Dövlət
Komissiyası yaradılması haqqında" sərəncam imzaladı. Dövlət Komissiyası tərəfindən çox qısa müddətdə
"Azərbaycan Respublikasının təhsil sahəsində İslahat Proqramı" hazırlandı, hərtərəfli müzakirələrdən
sonra təkmilləşdirilmiş variantda 1999-cu ilin iyununda dövlət başçımız tərəfindin imzalandı və qüvvəyə
mindi. Həmin proqram Azərbaycan təhsil sisteminin beynəlxalq standartlara uyğunlaşdırılmasını vacib
saysa da, eyni zamanda milli təhsil ənənələrimizə sədaqətin və varisliyin də parlaq təzahürünə çevrildi,
respublikamızda heç bir başqa ölkənin təhsil sisteminin olduğu kimi tətbiq edilməsinin yol verilməzliyini
göstərdi.
İslahat Proqramının üç mərhələdə (1999-cu il; 2000-2003-cü illər; 2004-cü ildən sonrakı dövr)
həyata keçirilməsi və bu mərhələlərdə 130-a qədər konkret tədbirin reallaşdırılması nəzərdə tutulmuşdur.
İslahatın aparılmasının hüquqi-normativ bazasını yaratmaq məqsədilə indiyədək hazırlanmış 142
normativ-hüquqi sənəddən artıq 100-ü təsdiq edilib istifadəyə verilmişdlr.
Hazırda "Təhsil Qanunu"nun yeni layihəsi geniş müzakirələrdən sonra Milli Məclisin təsdiqinə
verilmişdir. Yeni qanun islahat prosesinin hüquqi- normativ bazasının tam formalaşmasını təmin
edəcəkdir.
Prezidentin "İnsan, təhsilinin əsasını orta məktəbdə alır. Ona görə də bütün təhsil sistemində orta
məktəb... xüsusi yer tutmalıdır", - konseptual göstərişi əsas tutularaq ümumi orta təhsilin ahəngdar
inkişafı dövlət təhsil siyasətində aparıcı, həlledici yer tutur. Azərbaycan Respublikasının
Konstitusiyasında (maddə 42) deyilir ki, dövlət bütün vətəndaşlara pulsuz icbari ümumi orta təhsil almaq
hüququnu təmin edir. Ölkə əhalisinin təxminən 20 faizini təşkil edən ümumtəhsil məktəb şagirdlərinin
dərsliklərlə dövlət təminatına mərhələlərlə (hələlik 1-4-cü siniflərdə) keçilməsi haqqında qərar 1994-cü
ildə məhz Prezidentimizin təşəbbüsü ilə qəbul edilmişdir.
Azərbaycan təhsil tarixində ilk dəfə ümumi orta təhsilin dövlət standartları və bazis tədris planı
1999-cu ildə hazırlanıb təsdiq edilib. Şagirdlərin yaş və fizioloji xüsusiyyətləri nəzərə alınmaqla
hazırlanan bazis tədris planı çoxvariantlı işçi tədris planlarının tətbiqinə, şagirdlərin meyl və maraqlarının
nəzərə alınmasına imkan vermişdir.
Ümumtəhsil məktəblərinin yeni milli dərsliklərinin yaradılması istiqamətində ciddi addımlar
atılmışdır. Hazırda ümumtəhsil məktəblərinin 1-4-cü sinifləri üzrə dərslilərin 90 faizi, 5-11-ci siniflər üzrə
75 faizindən çoxu məzmunca yeniləşdirilmişdir. Ümumiyyətlə, 1993-2001-ci illər ərzində ümumi təhsilin
müxtəlif pillələri və müxtəlif tipli məktəblər üzrə 200-ə yaxın adda 12 milyon nüsxədən artıq orta məktəb
dərsliyi latın qrafikası ilə nəşr edilərək istifadəyə verilmişdir. Hazırda Təhsil Nazirliyində "Dərsliklərin
hazırlanması, nəşri və təminatı sahəsində Dövlət Proqramı"na uyğun olaraq dərslik islahatı uğurla davam
etdirilir.
Ümumi təhsildəki ən ciddi yeniliklərdən biri müstəqilliyimizin yaşıdı olan yeni əlifbaya keçilməsi -
latın qrafikalı əlifbanın tətbiqinin reallığa çevrilməsidir. Böyük fəxrlə qeyd etmək olar ki, Prezidentin
"Bizim bu günümüz, gələcəyimiz məhz latın əlifbası ilə bağlıdır" tarixi çağırışı hələlik yalnız təhsil
sistemində özünün tam həllini tapmışdır.
Son 10 ildə təmayüllü siniflərə, yeni tipli tədris müəssisələrinə diqqət xeyli güclənmişdir. Hazırda
ölkədə istedadlı şagirdlərin təhsil aldığı 41 litsey və gimnaziya fəaliyyət göstərir ki, onlarda 17558 şagird
təhsil alır. İstedadlı uşaqlara dövlət qayğısının artması üçün hüquqi bazanın möhkəmləndirilməsində ölkə
prezidentinin imzaladığı "Azərbaycanda gənc istedadlara dövlət qayğısı haqqında" fərmanı böyük rol
oynamışdır. Həmin fərmanla Azərbaycanın gənc istedadlarının "Qızıl Kitab"ının və Prezidentin xüsusi
təqaüdünün təsis olunması bu sahədə aparılan işlərə güclü təkan vermişdir.
Müstəqillik illərində ümumi orta təhsil müəssisələrinin şəbəkəsi də yüksələn xətlə inkişaf edərək,
hətta ölkədə daxili siyasi sabitliyin tam bərqərar olduğu 1995/96-cı dərs ili ilə müqayisədə belə xeyli
artmışdır. Belə ki, əgər 1995/96-cı dərs ilində respublikada 4494 ümumtəhsil müəssisəsi (erməni təcavüzü
nəticəsində dağıdılmış 616 ümumtəhsil məktəbi istisna edilməklə) fəaliyyət göstərirdisə, 2000/2001-ci
dərs ilində onların sayı 4561-ə çatmışdır.
Əldə olunmuş böyük uğurlardan biri milli təhsilimizin mühüm sahəsi olan texniki peşə
məktəblərinin qorunub saxlanmasıdır. Azərbaycan Prezidentinin tapşırığı ilə 1996-cı ildə respublika
hökuməti "Azərbaycan Respublikasında peşə təhsilinin təkmilləşdirilməsi tədbirləri haqqında" qərar
qəbul etdi; peşə məktəbləri və peşə
litseyləri
yaradıldı. Hazırda ölkədə 108 ibtidai peşə təhsili müəssisəsi,
o cümlədən 47 peşə litseyi, 61 peşə məktəbi fəaliyyət göstərir ki, bunlarda 115 peşə üzrə 25 minə yaxın
şagird təhsil alır.
Müstəqillik illərində ali təhsil pilləsi də həm məzmun, həm struktur, həm də kəmiyyət baxımından
inkişaf yolu keçib. Azərbaycan ali təhsili tarixində ilk dəfə olaraq 1993/94-cü dərs ilindən etibarən iki
pilləli ali təhsilə - 4 illik bakalavriat və 2 illik magistraturaya keçilmişdir. Dövlət ali məktəblərinin sayı
Dostları ilə paylaş: |