Азярбайъан республикасы
Yüklə 1,37 Mb. Pdf görüntüsü
|
| BÖLMƏ 10
RABITƏ 10.1. Işçiləri və rabitə qurğularını (quruluşlarını) ildırım çaxmasından və ya elektrik ötürücülərinin induktiv təsirindən yaranan təhlükəli elektrik gərginliklərindən qorumaq üçün bütün aralıq və son stansiyalarda (müvafiq yerlərdə) mühafizə quruluşları (qoruyucular və ildırımötürücülər) olmalıdır. 10.2.Təhlükəli gərginliklərdən mühafizə qurğuları [30]- un tələblərinə uyğun müddətdə yoxlanılmalıdır. 10.3.Yeraltı rabitə kommunikasiyalarında (kabel quyula- rında, qutularda, kollektorlarda və s.) işlər iki nəfərdən az ol- mayan briqadalarla yerinə yetirilməlidir. Briqada üzvlərindən biri rəhbər seçilməlidir. Yeraltı rabitə kommunikasiyalarında işlər xüsusilə ehti- yatla aparılmalıdır. Belə ki, onlarda partlayış təhlükəli və zəhərli qazlar toplana bilər. 10.4. Yeraltı rabitə kommunikasiyalarında metan qazının mövcudluğunu təyin etmək üçün, hər briqada partlayış mühafizəli qaz analizatoru və ya qaz indikatoru ilə təchiz olunmalıdır. 10.5. Rabitə quyusunun qapağını (lyuku) açarkən zərbə- dən qığılcım əmələ gətirməyən metal alətlərdən istifadə edil- məlidir. Bu zaman işçilər küləkdöyən tərəfdə dayanmalıdırlar. 10.6. Yağış və qar yağan və ya ildırım çaxan vaxt kabel (rabitə) dirəyində iş görmək qadağandır. 10.7. Rabitə kabeli bərkidilən dirəkdən asılmış buraz (tros) ən əlverişsiz meteoroloji şərait nəzərə alınmaqla üç qat möhkəmliyə malik olmalıdır. 10.8. Dirəyə çıxmamışdan əvvəl bunun üçün lazım olan mühafizə vasitələrinin, ləvazimatların və o cümlədən dirəyin dayanıqlığı və sazlığı yoxlanılmalıdır. 418
10.9. Montyor dirəkdə iş görərkən dirəyin bilavasitə yaxınlığında heç kəs olmamalıdır. 10.10. Iki işlək rabitə naqilinə və ya bir işlək naqilə və il- dırımötürücüyə (və ya dartıcıya) eyni vaxtda dielektrik əlcəklərsiz toxunmaq qadağandır. Dirəkdə qolsuz və qolları düymələnməmiş paltarda işləmək qadağandır. 10.11. Dəyişən cərəyanla işləyən sahə xidməti rabitə xətlərində işləyərkən fərdi mühafizə vasitələrindən və dəstəkləri izolə olunmuş alətlərdən istifadə edilməlidir. Nəm olan şəraitdə (nəmli havada) əlavə olaraq dielektrik qaloşlardan istifadə edilməlidir. 10.12. Xəttə (naqillərə) qoşulmuş telefon aparatının xətt klemlərinə dielektrik əlcəklərsiz toxunmaq qadağandır. 10.13. Dirəkdə iş görülərkən və ümumiyyətlə, rabitə kommunikasiyasında təmir (sazlama) işləri aparılarkən işçinin mobil telefonu söndürülmüş olmalıdır. 10.14. Içərisində iş görülən kabel quyularının girişləri çəpərlənməlidir. Əgər quyu yolun hərəkət hissəsində yerləşmişsə çəpər nəqliyyatın hərəkət etdiyi istiqamətin qarşısında quyunun girə- cəyindən ən azı 2 m məsafədə qoyulmalıdır. Bundan başqa çəpərdən 5-10 m məsafədə nəqliyyatın hərəkətinə qarşı istiqamətdə xəbərdarlıq nişanları qoyulmalıdır, hava tutqun olarsa əlavə olaraq işıq işarələri qoyulmalıdır. 10.15. Avtomat telefon stansiyalarının avtomat zallarında, radio rabitəsi avadanlığında və cərəyan altında olan şinlərin yanında nərdivanlarda işləyərkən cərəyan şinlərinə və başqa cərəyan keçirən hissələrə toxunmaq qadağandır. Cihazın ştativlərdən çıxarılması və onun kontakt sahələrinin təmizlənməsi gərginliyin açılmış vəziyyətində yerinə yetirilməlidir. Cihazları təmizləmək üçün izolə edilmiş tutacağı olan şotkadan istifadə edilməlidir. 419
10.16. Telefon stansiyaları və radio rabitəsi qurğularının batareya lövhələri, düzləndirici qurğuları və cərəyan paylayıcı lövhələri qarşısında uzunluğu elektrik qurğusunun uzunluğuna müvafiq dielektrik xalçalar qoyulmalıdır. 10.17. Düzləndirici qurğulara, elektrik təhlükəsizliyi üzrə, qrupu III-dən az olmayan şəxslərin xidmət etməsinə icazə verilir. Elektrik təhlükəsizliyi üzrə qrupu III-dən az olan şəxslərin otağa daxil olmasına yalnız bu qurğulara xidmət edən şəxslərin nəzarəti altında icazə verilir. 10.18. Akkumulyator qurğularının istismarı [16, 17]–nin tələblərinə uyğun olmalıdır. 10.19. Telefon stansiyasında istifadə olunan elektrik generatoruna xüsusi dərs keçmiş və elektrik təhlükəsizliyi üzrə qrupu III-dən az olmayan şəxslər xidmət edə bilərlər. Mühərrik işləyən vaxtda onun hissələrini təmizləmək, yağlamaq və başqa təmir işləri aparmaq qadağandır. Yanacaq ehtiyatı xüsusi binada, maşın zalından ayrı saxlanılmalıdır. Maşın zalında metal qabda yalnız bir sutkalıq yanacaq saxlamaq olar. 10.20. Antenna-qüllə qurğularını istismar edərkən [27]– nin (6-cı hissəsinin) tələbləri yerinə yetirilməlidir. 10.21. Antenna-qüllə qurğularında işlər ən azı iki işçi tərəfindən yerinə yetirilməlidir, bu vaxt onlardan biri işlərə nəzarət etməlidir. Nəzarətçilik edən şəxs qüllənin mərkəzindən onun hün- dürlüyünün üçdə bir hissəsindən az olmayan məsafədə hazır vəziyyətdə dayanmalı və onun üzərində qoruyucu kəmər olmalıdır. 10.22. Antenna-qüllə qurğularında işləyərkən müvafiq FMV-dən istifadə edilməlidir. 10.23. Işçilərin aşağıdakı hallarda antenna-qüllə qurğula- rında işləməsi qadağandır: 420
-əgər qüllə üzərində gərginliyi 42 V-dan yüksək olan elektrik cərəyanı xətti varsa, o açılmadıqda; -tufan vaxtı və yaxud onun yaxınlaşdığı halda, yer və avadanlıq buz bağladıqda, güclü yağış, qar yağdıqda və yaxud duman olduqda; -qoruyucu kəmərin qarmağı (karabini) antenna qülləsinin və onun meydançasının konstruksiyasına sancılmadıqda; -küləyin sürəti 12 m/san-dən çox olduqda; -günün qaranlıq vaxtında; -əgər qülləyə qalxmaq üçün qaldırıcı qurğunun köməyindən istifadə edilərsə, onun növbəti sınaq müddəti keçmiş olduqda; -qaldırıcı qurğunun kanatı və ya bucurqadı nasaz olduqda;
-qoruyucu başlıq və qoruyucu kəmər olmadıqda. 10.24. Radio və radio-rele vasitələrinin istismarı və təmiri vaxtı aşağıdakılara əməl edilməlidir: -iş yeri (masa) izoləedici təbəqə ilə örtülməlidir; -gərginlik altında olan blokun daxili hissələrinə toxunmaq, tranzistorları və başqa hissələri dəyişdirmək, sxemdə lehimləmə işləri aparmaq qadağandır; -radiostansiyasını elektrik şəbəkəsinə qoşmazdan əvvəl onun «Yer» yazısı olan bütün klemləri yerləbirləşdirilməlidir; -«veriliş» rejimində işləyərkən vericinin antenna sıxaclarına toxunmaq qadağandır.
Yüklə 1,37 Mb. Dostları ilə paylaş:
|