121
“Çoban” nəğmələri adlanırlar. Sayaçı nəğmələri xalq içində bu gün də sevə-
sevə oxunur.
Sayaçılar sadə kənd-çöl həyatı keçirən çobanlar olaraq kənd-kənd gəzib
dolaşmış və həmişə elin mal-qarasının, qoyun-quzularının artmasına
çalışmışlar. Sayaçılar əsasən mayası olmayan, qoyunsuz evlərə köməklik
edər, onların da qoyun-quzu sahibi olmasına yardımçı olardılar. Lentə
aldığımız bir çoban-sayaçı nəğməsinin mətni deyilənləri təstiqləyir:
“Salam-əleyk say bəylər
«Novruz» gəlir yey bəylər
Sayaçını haylayın
Sayaları saylayın,
Say bəylərdən say alın
Paylamaqçın pay alın”
Və yaxud digər bir nəğmənin sözlərində deyildiyi kimi:
“Qoyunsuz evlərə saya verdi,
Fatmaya, Mahıya maya verdi
Sayaçı, say alıb, say verib
Obanı, ulusu aylandı”
Onu da qeyd edək ki, qədim dövrlərdə bir bayram, tədbir şəklində
keçirilən “Saya” mərasimi bu gün öz əvvəlki formasını çox dəyişmiş,
bəsitləşmişdir. Burada bir sıra amillər, o cümlədən sivilizasiyanın da təsiri
inkaredilməzdir. Bununla belə sevindirici haldır ki, sayaçı və çoban
nəğmələri hələ də xalq yaddaşında qorunub saxlanılır.
Ta qədim zamanlardan xalq öz düşüncəsində qışın günlərini müəyyən
mərhələlərə bölmüş və bu şərti vaxt ölçüsündən məişət və təsərrüfatında
layiqincə yararlanmışdır. Belə ki, Quba bölgəsində el arasında qışın ilk qırx
gününə “böyük çillə”, sonrakı iyirmi gününə “kiçik çillə”, sonrakı qırx gününü
isə “qırx kötük” deyilir. Kiçik çillənin ilk on günü – yəni, Fevral ayının 1-dən
10-na kimi “Xıdır Nəbi”nin gəlişi münasibətilə onun şərəfinə təmtəraqlı süfrə
açılar, onun torpağa dirilik, havaya istilik gətirəcəyinə inanaraq nəğmələr
oxuyardılar. “Xıdır Nəbi” ilə əlaqədar çoxlu nəğmələr mövcuddur. Bunlardan
“Xıdır Nəbi”ni, “Qodu-qodu”nu, “Xızır İlyas”ı göstərə bilərik.
Müasir dövrdə «Novruz» bayramı mart ayının 19-u 21-i tarixlərinə
təsadüf etsə də, çox qədimlərdə «Novruz» “Xıdır Nəbi” (Xıdır İlyas)
bayramından başlamış hesab olunurdu. Bu bayramdan sonra «Novruz»un
çərşənbələri bir-birini əvəzləyirdi.
“Kiçik çillə”nin son iki çərşənbəsi «Novruz»un məlum 4 çərşənbəsindən
qabaq olduğundan, bunların birincisinə “Yalançı çərşənbə”, digərinə isə
“Xəbərçi çərşənbə” deyilir.
Yuxarıda qeyd etdiyimiz “qırx kötük” mərhələsi eyni zamanda “Boz ay”
adlanır. Dörd təbiət ünsürü - su, od, hava və torpaq ilə adlandırılan
çərşənbələr isə məhz bu mərhələyə təsadüf edir. Xalq inamına görə hər
çərşənbədə bir təbiət ünsürünə suya, oda (günəş mənasında), hava və torpağa
canlanma, dirilik gəlir. Sanki hər şey yenidən başlayır. Təbiət tədricən
122
oyanır, hər şeydə yenilik, saflıq, təravətlik, paklıq duyulur. Məhz təbiətin bu
çağı Bahar – «Novruz» bayramı kimi böyük, təbii bir sevinclə, şadyanalıqla
edilir.
Bayram günlərində oxunan «Novruz» nəğmələri mövzu, məzmun
xüsusiyyətlərinə görə zəngin və rəngarəng olaraq, onlarda dinlərdən çox-çox
qabaqkı təsəvvürlər, təbiət varlıqlarını insan cildində təsəvvür etmək kimi
animist baxışlar öz əksini tapmışdır. “Duman qaç, qaç”, “Gün babam”, “Yel
baba”, “Səməni” məhz belə nəğmələrdəndir.
Qeyd etmək istərdik ki, bu nəğmələr yalnız «Novruz» bayramı ərəfəsində
ifa olunursa, rəqs və oyun havaları isə xalq məişətinin müxtəlif sahələri ilə
bağlı şənliklərində də geniş istifadə olunur. Bunlardan «Novruzu»,
«Novruzgülü», «Xonça», «Xurcunu», «Köçəri», «Cütçü», «Səməni»
rəqslərini və müxtəlif «Yallı»ları göstərə bilərik. Bu rəqslər təkcə adları ilə
deyil, həmçinin melodiya, ritm-intonasiya, lad-məqam, metr, temp, ifaçıların
tək və kütləvi olması ilə də bir-birindən fərqlənirlər.
Axır çərşənbədən başlayaraq xalq «Novruz»un özü ilə bağlı nəğmələr
oxuyur. Bu nəğmələrdə bayramın ayrı–ayrı rəmzləri – səməni, buğda,
yumurta, qovurğa, habelə yaz, gül-çiçək, yaşıl otlar və s. vəsf edilir.
«Novruz» bayramının bütün milli, etnoqrtafik xüsusiyyətləri onunla bağlı
yaranmış nəğmələrdə öz əksini tapmışdır.
РЕЗЮМЕ
Новруз, как традиционный праздник многих восточных народов, а также и
азербайджанцев, занимает достойное место в национальном фольклоре.
Тысячилетная история этого праздника простирается до эпохи Зардушт. Песни,
танцы, верования, обычаи, обогащамые из года в год составили основу народного
творчества – фольклора. Эта статья посвящено Кубинском районе Азербайджана.
SUMMARY
This article devoted to celebration of Novruz in Kuba district of Azerbaijan. Novruz
is traditional holiday of many eastern peoples includino azerbaijanians.
The people creative works – folklore consist of these songs, dances, Religions,
customs.
Rəyçilər: sənətşünaslıq namizədi, professor O.Quliyev; sənətşünaslıq
namizədi, professor V.Əbdülqasımov.
123
AZƏRBAYCAN MİLLİ KONSERVATORİYASI
“KONSERVATORİYA» № 2, mart-aprel 2009
________________
Etnomusiqişünaslıq. Этномузыковедение
Jalə QULAMOVA
sənətşünaslıq namizədi
ORTA ƏSRLƏRDƏ AZƏRBAYCAN MUSİQİSİNİN MƏDƏNİ-
TARİXİ MƏRHƏLƏLƏRİ (IX-XIV ƏSRLƏR)
Orta əsrlər musiqisi mədəni-tarixi prosesin klassik tipoloci təsnifatına
görə, qədim dünya tarixindən sonra və yeni tarixdən əvvələ təsadüf edən
dövrdür. Kulturologiya elmində Orta əsrlər ellinistik, klassik, antik
mədəniyyətlərin tənəzzülündən sonra onun intibahınadək davam edən
minillik mədəni-tarixi mərhələdir.
Bu dövr mədəniyyətini səciyyələndirən xarakterik xüsusiyyətlərdən biri
odur ki, insan daim özünü təkmilləşdirməyə və günahkarlıq hissindən
qurtulmağa, xilas olmağa çalışmışdır. İnsanda tədrijən özünəinamsızlıq hissi
artırdı.
Dövrün mədəniyyəti insandan öz bacarıqlarını və əqlini inkişaf etdirməyi
tələb edirdi.
Mədəniyyət anlayışı həmin zamanda insanda harmoniyanın və nizam-
intizamın tərbiyə edilməsi kimi artıq qəbul edilmir. Tarixi mərhələlərdə
«mədəniyyət» anlayışının etimoloci mənası dardüşünjəliyin aradan
qaldırılması, yəni insanın dünyagörüşünün artırılmasını və şəxsiyyətin
tükənməz qüvvəsinə və daim özünütəkmilləşdirmə bajarığına malik olması
ideyasına inamın formalaşmasına yönəlmiş fəaliyyət kimi başa düşülürdü.
Yalnız daha sonralar, İntibah dövründə şəxsiyyətin təkmilləşdirmə prosesi
humanist ideala uyğunlaşma istəyi kimi qəbul ediləjəkdir.
Şərqdə, daha dəqiq desək, Ön Asiya, Ərəbistan və ərəbdilli ölkələrdə
müsəlman ideologiyası, dini ideologiya hakim ideologiyaya çevrilmişdi.
Bəşər mədəniyyəti tarixində klassik ərəb-müsəlman mədəniyyəti mühüm yer
tutur. Bu mədəniyyət Hindistandan İspaniyaya qədər, Yaxın və Orta Şərqdən
Şimali Afrikaya qədər bir ərazini təsiri dairəsində saxlayırdı. Bir çox
alimlərin fikrinjə, ərəb-müsəlman mədəniyyəti Antik mədəniyyətlə Orta əsr
Qərb mədəniyyəti arasında əlaqələndiriji «körpü»dür. İslam mədəniyyətinin
unikallığı ilk önjə islam dininin xüsusiyyətləri ilə şərtlənirdi. Elmi
ədəbiyyatda islam dünyada geniş yayılmış din olmaqla yanaşı, təkrarolunmaz
bütöv bir mədəniyyət kimi təsdiqlənib.
Qədim Şərq və eləjə də bir sıra islam ölkələrində yüksələn mədəniyyət bu
Dostları ilə paylaş: |