132
sənətkarlardan biri də Əbdülqadir Marağalıdır.
XІV əsr Azərbaycan musiqi incəsənətinin tanınmış nümayəndəsi
Əbdülqadir iri mədəniyyət mərkəzlərindən biri olan Marağa şəhərində
anadan olmuşdur.
Bu dövrdə Azərbaycanın Şimal hissəsində Şirvanşahlar dövləti
yaranmışdı. Nəhayət, öz müstəqilliyini əldə edən xalq qonşu dövlətlərlə
iqtisadi və mədəni əlaqələri daha da genişləndirərək, injəsənətin irəliyə
getməsinə şərait yaratmışdır. Artıq türk dilində yazan şairlər – Nəsimi,
İzzəddin Həsənoğlu kimi dahilər mövcud idi. Musiqi mədəniyyəti də
incəsənətin digər sahələri kimi irəliyə getmişdi. Buna parlaq misal musiqi
sahəsində ustad sayılan Hafiz və lad nəzəriyyəsi sahəsində görkəmli alim-
musiqişünas Əbdülqadir Marağalını göstərmək olar.
Marağalı musiqi haqqında bir çox ölməz sənət əsərləri yaratmışdır.
Bunların əksəriyyəti fars dilində yazılmışdır: “ Kənz əl-əlhan” (Melodiya
xəzinəsi), Çəme əl-əlhan” (Melodiyalar qanunu), Məqasidəl-əlhan” (Melo-
diyaların təyinatı). Bu traktatlarda ladların qanunauyğun strukturları,
musiqinin estetik qəbulu, əməli məsləhətlərlə bağlı suallar araşdırılır. O,
Fərabi və əsasən Urməvinin nəzəriyyəsindən çıxarışlar edir və elmə müasir
musiqi təcrübəsinin yeniliklərini gətirir.
Ritmik qanunların araşdırmaları nəticəsində o, musiqi lad nəzəriy-yəsinə
20 yeni üsul, həmçinin 12 əsasdan yaranmış 24 lad sistemini daxil etmişdir.
Lad sistemi Urməvi və Marağalının dövründə 12 əsas və 6 qeyri-əsas
(əlavə) laddan ibarət idi. Bunlar: «Üşşaq», «Nəva», «Busəlik», «Rast»,
«Əraq», «İsfahan», «Büzürk» «Zirəfkənd», «Zəngulə», «Rəhavi»,
«Hüseyni» və «Hicaz»dan ibarət olan 12 əsas ladlar; «Şahnaz», «Mayə»,
«Səlmək», «Novruz», «Gərdaniyə» və «Gəveşt» 6 əlavə ladın əsasını təşkil
edirdi. Sonralar bütün bu sistem Ü.Hacıbəyli tərəfindən təkmilləşdirilərək 7
əsas və 3 əlavə lad şəklinə salınmışdır.
İlk dəfə olaraq Marağalı Urməvinin istifadə etdiyi məqam terminini lad
mənasında işlədir.
Əbdülqadir Marağalının traktatları XІV-XV əsr Yaxın və Orta Şərqin
musiqi mədəniyyəti və ondan əvvəlki dövrlərin məlumatları ilə zəngindir.
Burada ladlar, melodiyalar, alətlər xüsusilə qeyd olunur.
Müasir dövrümüzdə tanınan çoxsaylı janrların qorunub saxlanılmasında
onun böyük rolu olmuşdur. Görkəmli musiqişünas o dövr ücün səciyyəvi
olan şifahi musiqi ənənələrini öz traktatlarında xususilə gözəl işıqlandırmış,
ozanlar barədə, ənənəvi aşıq incəsənəti haqqında dəyərli məlumatlar
vermişdir.
Bildiyimiz kimi, Azərbaycan xalq musiqisi, əsas etibarə ilə şifahi halda
yayıldığı üçün onun mükəmməl bir not yazı sistemi olmamışdır. Tarixi
mənbələrdən məlum olduğuna görə, Azərbaycan mahnılarının müasir not
sistemi ilə ilk dəfə yazılması XІX əsrin əvvələrində 1816-1818-ji illərdə
olmuşdur. Buna baxmayaraq, hələ qədim zamanlarda, xüsusən Orta əsrlərdə
133
şərti işarələrin köməkliyi ilə düzəldilən bir sıra üsullar olmuşdur ki, bunların
vasitəsilə musiqini təxmini də olsa yazıya alırdılar.
Musiqini yazmaq üçün dairəşəkilli müxtəlif cədvəllərdən də istifadə
olunurdu. Bunlara «musiqi dairələri» və yaxud «ritmik dairələr» deyilirdi.
Oz dövrünün məşhur filosofu olan Əbu Nəsr Fərabi 941-ci ildə tərtib
etdiyi musiqi traktatında ritmik dairələrə geniş yer vermişdir. Səfiəddin
Urməvinin tərtib etdiyi musiqi yazı sistemi Fərabininkinə nisbətən daha
geniş və mükəmməl olmuşdur. Əbdülqadir Marağalı özünün “Şərhül-ədvar”
(Dairələrin izahı) və bir sıra başqa əsərlərində musiqi dairələrinə xüsusi yer
verərək, bu məsələni daha geniş işıqlandırmış və müəyyən bir musiqi yazı
sistemi haqqında məlumat vermişdir.
Musiqinin yazılması üçün mövcud olan bu müxtəlif üsul və sxemlərin
nöqsan cəhəti ondan ibarətdir ki, burada ancaq mahnının metro-ritmik əsası
və onun hansı məqama əsaslanması nəzərdə tutulurdu. Melodiya və ya
mahnıları təşkil edən müxtəlif ucalıqdakı səslər burada göstərilmir və bu iş
oxuyan və yaxud çalanın öz ixtiyarına buraxılırdı.
Haqqında danışdığımız bu “növ” yazı üsulları və sxemlər olduqca sadə və
nöqsanlı olsa da, müəyyən dövrdə musiqi yazı sisteminin başlanğıc
formalarını təşkil edərək daim təkmilləşdirilmiş və inkişaf etdirilmişdir.
Yuxarıda qeyd etdiklərimiz və eləcə də bir çox başqa mənbələr Orta
əsrlərdə Azərbaycan xalqının zəngin musiqi irsi və ənənələri haqqında bizdə
geniş təsəvvür yaradır.
Beləliklə, xalqların musiqi-estetik baxışları əsrlər keçdikcə inkişaf etmiş,
təkmilləşmiş və bu günki səviyyəyə çatmışdır. Illər ötdükcə xalq yaradıcılığı
əsasında qurulmuş musiqi formaları zənginləşmiş, ifadə tərzi dəyişmiş,
məzmunu dərinləşmişdir. Elə buna görə də biz müasir musiqi formalarını
təhlil edərkən qədim musiqi mədəniyyətinin tarixini dərindən bilməli və onu
araşdırmalıyıq.
İstifadə olunan ədəbiyyat
1.
B.Qubadoğlu. Mədəniyyət tarixi. (2 jilddən ibarət). Bakı, «Nasir», 2002.
2.
Ə.Bədəlbəyli «İzahlı monoqrafik musiqi lüğəti». Bakı, «Elm»,1969.
3.
H.Sarabski «Köhnə Bakı». Bakı, "Şərq-Qərb», 2006.
4.
S.Abdullayeva «AZƏRBAYCAN xalq çalğı alətləri». Bakı, «Adiloğlu», 2007.
5.
T.Bünyadov «Əsrlərdən gələn səslər». Bakı, «Azərnəşr», 1993.
6.
Ü.Hajıbəyov «AZƏRBAYCAN xalq musiqisinin əsasları». Bakı, 1950.
7.
Ü.Hajıbəyov «AZƏRBAYCAN da musiqi tərəqqisi». Əsərləri, II jild.
8.
Z. Səfərova «AZƏRBAYCAN musiqi elmi». Bakı, «»Elm», 1998.
9.
Z.Səfərova «Əbdülqadir Marağai». Bakı, «Təbriz», 1997.
10.Z.Səfərova «Səfiəddin Urməvi». Bakı, «Ergün», 1995.
11.Сумбатзаде А.С. «Азербайджанцы – етногенез и формирование народа».
Баку, «Елм», 1990.
РЕЗЮМЕ
Dostları ilə paylaş: |