133
bir tədbirdir ki, yeri gələndə ən yaxın adamını belə bu yolda qur-
ban vermək zəruriləşir. Hiylə elə amansız bir vasitədir ki, onun iki
başı var, qarşıya qoyulmuş məqsəd baş tutmayanda ikinci baş sənə
qarşı çevrilir. Hiylə elə bir toxumdur ki, onun içərisində şübhənin
təzahürləri yaşayır. Şübhə ilə yaşanan ömür vahiməli bir röyadır,
ayıq həyatında. Ən ali varlıq hiyləylə qurulan işlərə gülümsəyir,
çünki onun ədalətli həqiqətlərindən kənar görülən işlər faydasız bir
canfəşanlıqdır və ən ali varlıq sonda hiyləgər şəxsləri öz qurduğu
tora salır. Həm də hiyləsi baş tutmayan şəxsin iç üzü də açılır və
onun əməlləri hər kəsə bəlli olur. Odur ki, bütün bunları nəzərə alıb
belə nəticə çıxarmaq olar ki, dünyada ən doğru yol həqiqət yoludur.
Çünki bu yol ən ali varlığın ədalət qanununun hökmü ilə yaranıb.
Dünyada ən yaxşı əməl təmiz əməldir, çünki təmiz əməl sahiblə-
rinə ən ali varlıq həmişə yardımçı olur. Ey insan, bilməyərəkdən
görülən iş kimlərəsə ziyan gətirə bilər, ona görə də görəcəyin hər
bir işin nəticəsini əvvəlcədən düşün. Düşüncəsiz görülən işdə öz
uğursuzluğun bir yana, axı nə üçün başqalarına ziyan gətirəsən?
Düşüncəsiz görülən işdə hissiyyatın tələbləri üstünlük təşkil edər.
Hissiyyatla bağlı olan işlərdə isə haradasa maddiliyə meyil var.
Ağılla qərarlaşdırılmayan işlər taleyin gözübağlı getdiyi yoldur.
Bu yolda maneələr, təhlükələr ola bilər. Ey insan, görəcəyin hər bir
işi ağılla qərarlaşdır. Ağılla qərarlaşdırılmış iş özün üçün də, xalq
üçün də faydalı olar. İnsan Yer kürəsində yaşayan canlılar
içərisin-
də ona görə üstün mövqe tutur ki, o öz görəcəyi işin nəticəsi ilə
maraqlıdır. Hissiyyatla bağlı görülən işlərdə nəticə maraqlı deyil,
yalnız o anın bədəndə yaranan daxili tələbatı ödəməsinə səy göstə-
rilir. Lakin ağılla görülən işlərdə məqsəd başqadır. Ağılla görülən
işlərdə bəzən son məqsəd üçün kiçik uğursuzluqlarla da razılaşılır.
Hissiyyatın tələbinin ödənilməsində ilk uğursuzluq çox hallarda
ilk arzunu dəf edir. Hissiyyatla bağlı görülən işlərdə bunun üçün
də çox vaxt ilk başlanğıc uğurlu olur, lakin son nəticə uğursuz-
luqdur. Hər hansı bir işin görülməsində yeganə doğru yol ağılla
hərəkət etməkdir. Ağılla bağlı görülən işlərdə haradasa məqsədli
bir həyati fəaliyyət yaşayır. Ən ali varlıq ağılla görülən işləri hər
134
vaxt xoşlayır. Hörmət et, minnət qoyma. Kiminsə sənin qayğına
hər hansı bir sahədə ehtiyacı varsa, görünür, hansı bir işinsə həya-
ta keçməsində kiminsə köməyinə möhtaclığı var. Ola bilsin həmin
şəxs kömək üçün sənə müraciət etməzdi. Ancaq müraciət edibsə,
deməli başqa müraciət etməli kəslərdən səndə haradasa özünə daha
dəyərli bir üstünlük görüb. Sən öz imkanlarını nəzərə al. Gör sənə
edilən müraciəti yerinə yetirmək iqtidarına maliksənmi? Bəlkə sə-
nin imkanlarında elə məhdudluq var ki, sonra özün pis vəziyyətdə
qalarsan. Bəlkə müraciət edən kəs bilməməzlikdən səni özünə daha
çox köməyi dəyən şəxs hesab edib, sən ona ən doğru yol göstər.
Bütün bunlardan başqa, əgər doğurdan da kömək etməyə imkanın
varsa, söz verdin kömək et. Ən ali varlıq öz yaratdığı bəndələri-
ni doğru yol yolçusu olarlarsa, heç vaxt naümid qoymaz. Çətinə
düşmüş haqq tərəfdarlarına kömək edənləri isə ən ali varlıq özünə
yaxınlardan hesab edər. Ancaq bir şərtlə, sənə ehtiyacı olub mü-
raciət edənlərə hörmət et, minnət qoyma. Çətinə düşüb səndən
kömək umanlardan istifadə etmə. Köməyə ehtiyacı olanların qü-
ruruna toxunma. Ən ali varlıq gizlində də, aşkarda da hər şeyə nə-
zarət edəndir. Həyat çox ciddi bir sınaq meydanıdır. Bir vaxt sən
də belə bir sınağa çəkilə bilərsən. Kimsəyə kömək əlini uzadanda
özünü o şəxsin yerində düşün. Gör yardımı nə cür etmək lazımdır
ki, yardım alan daha çox qəlb sıxıntısı keçirməsin. İstər maddi yar-
dım, istərsə də mənəvi yardım – hər ikisi az ya çox ehtiyacı olana
ən böyük köməklikdir. Ən ali varlıq başqalarına yardım edənə özü
yardımçı olar. Ona görə də kimsələrin müraciətinə diqqətlə yanaş.
Bəlkə sənə müraciət edənlər müəyyən məqsəd güdür, sən ən
təmiz adam olmalısan. Xüsusilə ekstrasenslər ona müraciət edən-
lərin məqsədi arxasında nələr dayandığına xüsusi diqqət etməlidir-
lər. Əks təqdirdə onlar öz təmizliklərinə xələl gətirə bilən işlərin
gedişinə rəvac verərlər. Ekstrasens ona müraciət edənin hansı əx-
laq
sahibi olur olsun, məqsədini müəyyənləşdirib
öz bacara bildiyi
və ona müraciət edənin şəxsiyyətinə xələl gətirməyən üsullardan
istifadə etməklə onu düzgün yola istiqamətləndirməyi bacarmalı-
dır. Həm də ekstrasens özü belə bir işi həyata keçirərkən heç bir