Bağırov Əlisalam başlanğICDAN başlanğica və ya ruhun keçDİYİ yol
Yüklə 2,64 Kb. Pdf görüntüsü
|
178 yaxşı hazırlaş. Bu dünyanın şirinliyinə uyub əbədiyyətə qovuşan səfərinə əliboş çıxma. Kainat böyük səbəblərin bir-birinə təsirinin nəticəsində təkamülə doğru inkişafdadır. İnsanın yaranışı da böyük bir səbəbin nəticəsidir və daha böyük bir səbəbə ən axırıncı zəmin- lərdən biridir. İnsanın yaradılışında haradasa çox böyük bir məqsəd var. Bu yaradılış ən ali varlığın düşüncəsinin məhsuludur. Ey insan, öz yaradanının ədalətli qanunlarına riayət et, yalnız o zaman daha böyük səbəbdən digər daha böyük səbəbə keçmək imkanına malik olarsan və böyük təkamül prosesində bir pillə də irəliləyərsən. Xoşbəxtliyimiz bəşəriyyətin xoşbəxtliyi ilə birdir. İnsan harada olsa insandır. İnsan kimi yaşamaq hər bir kəsin ruhunun istəyidir. Bəşəriyyətin hər bir üzvünün öz firavan və rahat yaşayışını təmin etmək üçün mübarizə aparmağa hüququ var. Bəşəriyyətin təka- mülə doğru inkişafının ən düzgün yolu onun ayrı-ayrı üzvlərinin öz fəaliyyətlərində yalnız ədalət prinsiplərinə arxalanmasındadır. Həyat nisbilik prinsipi üzərində qurulmuşdur. Yaxşıdan daha yaxşı axtarmaq həmişə insanları özünə cəlb etmişdir. Bəzən xoşbəxtliyin içində də xoşbəxtlik axtarır insan. Yalnız ən ali varlıq yaxşıların içərisində ən yaxşısıdır və o, bütün xüsusiyyətlərinə görə kamil- lik, yəni tamamlanmış gözəllik səviyyəsinə çatmışdır. Haradasa tamamlanmış gözəlliyə nəyisə əlavə etmək qüsura çevrilə bilər. Ona görə də ən ali varlıq haradasa şərikli olmağı sevməz. İnsan ən alı varlığın yaratdıqları içərisində ən sevimlisi olduğundan, o da gözəldir. Lakin ən ali varlıq insana öz fiziki formasından başqa ağıllı olmaq imkanı da vermişdir ki, bu imkanla insan həyatda ya- şadığı müddət ərzində öz mənəviyyatını gözəlləşdirə bilər. Mənəvi zənginlik əldə edənləri isə ən ali varlıq özünə daha yaxın sanır. Ən ali varlığa daha yaxın olmaq isə insan üçün ən böyük xoşbəxtlikdir. Ey insan, öz əməllərinlə ən ali varlığa qovuşmağa çalış. Kədərimiz bəşəriyyətlə çox bağlıdır. Ey insan, bəşəriyyətin rifahı sənin də ri- fahındır. Haradasa bir insanın ayağına toxunan daş həmin insanın taleyində öz izini qoymaqla yanaşı, bəşəriyyətin taleyində də öz izini qoyur. Taleyini sıxıntılara salmaqdan çəkin. Əsil insan kimi yaşamaq ən ali varlığa yaxın olmaq deməkdir. Əgər sən öz nəfsi- 179 nin ucbatından sıxıntılı bir hal yaşayırsansa, haradasa bəşəriyyətin, o cümlədən də ümumi kainatın halına zərrə qədər də olmuş olsa sıxıntı gətirirsən. Ey insan, bütün insanlara xoş niyyətlə yanaş və münasibət göstər. Kimsəyə göstərilən xoş münasibətin arxasında ilahi bir sevgi dayanır. Kimin daxilində ilahi nur daha çoxsa, o, yaxşı əməl sahibidir. Ey insan, o parlaq nuru özün qazanırsan. Bü- tün insanlarda öz yaxşı əməlləri ilə o parlaq nuru qazanmaq imkanı var. Ey insan, bir vaxt pozulmuş rahatlığına görə taleyindən giley- lənməmək üçün yaxşı əməl sahibi ol. Sonrakı peşmançılığın təəs- süf dolu kədəri iztirablı olur. Yalnız öz həyatlarını ədalət prinsipi üzərində quranlar səadət paylı olarlar. Ağılla hissin mübarizəsində həmişə ağıla üstünlük ver. Ağılla görülən işin sonu faydalı olar. Ən ali varlıq ağılla hərəkət edənlərin mükafatını ləngitməz. Ağılla hərəkət edən kəs ən əli varlığın ən yaxın dostu səviyyəsinə qədər yüksələr. Ağılla atılan addımın arxasında peşmançılıq hissi dayan- maz. Ey insan öz gündəlik fəaliyyətində ən yaxşı məsləhətçin yenə də öz ağlındır. Hissiyyata uymadan ağılın hökmünə qulaq asan uduzmaz. Ey insan, yalnız özünü düşünmə, bəşəriyyətə xidmət et. Bəşəriyyətə xidmət edənlər ən böyük şəxsiyyətlərdir və dahilik həddinə qədər yüksələ bilərlər. Xüsusilə ekstrasenslər bəşəriyyətə xidmət etməlidirlər. Ekstrasenslər ona müraciət edənlərdə ən təmiz və pak duyğular oyatmaqla insanları təmizliyə, saflığa istiqamət- ləndirməlidirlər. O cümlədən hər bir ekstrasens, birinci növbədə, öz təmizliyini və saflığını gözləməlidir. Ən ali varlıq bütün varlıq- lara eyni münasibət göstərir, bir şərtlə ki, onlar ədalət qanunlarına riayət etsinlər, öz səviyyələrində ən yaxşı ola biləcəkləri halı yaşa- sınlar. Lakin ekstrasenslərə xüsusi etimad göstərildiyindən, onların öz əməllərinə görə cəzası və mükafatı daha böyük olur. Təkamülə doğru gedən yol ən ali varlıq tərəfindən nizamlı və məqsədli apa- rılır. Bu yola düzgün əməl edənlər bu yolun hər hansı forma və məzmunda davamçıları olurlar. Bu yola düzgün əməl etməyənlər lüzumsuz bir anomaliya kimi nə vaxtsa məhvə labüddürlər. Ən ali varlıq ən böyük səbəbdir. Ən ali varlığın qanunları hökmdür. Ən ali varlıq onun qanunlarına əməl edənləri özünə qovuşdurur. 180 II FƏSİL. Başlanğıcdan başlanğıca və ya ruhun keçdiyi yol Böyük yaradan doğulmur, törəmir və yox olmur. O əzəlidir, əbədidir. Kainatın təbii xüsusiyyəti ilk başlanğıcda tərkiblərə bö- lünməyən mövcudluqlar kimi var olmasındadır. Bəzən belə bir sual edilə bilər, ilk başlanğıcdakı tərkiblərə bölünməyən mövcudluqlar bəs özləri hardan yaranıb? Tərkiblərə bölünməyən mövcudluqlar kainatın özü, əbədiyyətin özü, heç nədən yaranmayan və heç vaxt da yox olmayan əzəli, əbə- di və təbii bir durumdur. Bu təbii durumun mövcudluğu üçün heç bir şərt lazım deyil. Lakin varlıq kimi, yəni tərkiblərə bölünən sistemli quruluşların olması üçün hökmən hərəkətin mənbəyi olan ilk təkan lazımdır. Yenə də sual oluna bilər ki, bəs bu ilk təkan hardan yarandı? İlk təkan təbii durum olan tərkiblərə bölünməyən mövcudluqla- rın ən müxtəliflərinin ən müxtəlif şəkildə bir-birinə qarşı cazibəsi- nin nəticəsidir. İlk təkan ən müxtəlif zaman ölçüsü daxilində həm də ilk səbəbdir ki, səbəb-nəticə ardıcıllığı ilə ibtidaidən aliyə doğru təkamül prosesinin başlanğıcıdır. İlk səbəb elə kainatın özüdür. Təbii durum olan tərkiblərə bölünməyən mövcudluqlar sonsuz saydadırlar, lakin iki qrupa bölünürlər. Birinci qrupda yalnız tər- kiblərə bölünməyən bir mövcudluq dayanır ki, o, yerdə qalan tər- kiblərə bölünməyən sonsuz sayda mövcudluqların heç biri ilə bir- ləşmək imkanına malik deyildir, lakin istədiyi an onlara nüfuz edir. Digər qrupda isə birinci qrupdakından başqa yerdə qalan bütün tər- kiblərə bölünməyən mövcudluqlar dayanır ki, onlar da ən müxtə- lif şəkildə bir-biri ilə birləşmək imkanına malikdirlər. Lakin ikinci qrupdan olan birləşmələr bir-biri ilə təbii bir istəklə ən müxtəlif şəkildə birləşsələr də öz hal yaşantılarını duymurlar. Əgər duysay- dılar, bu birləşmələrin xoş və ya ağrılı olduğunu hiss edərdilər. Yüklə 2,64 Kb. Dostları ilə paylaş:
|