8. TİKİNTİ MƏRHƏLƏSİNDƏ SOSİAL TƏSİRLƏR VƏ ONLARIN İDARƏ
OLUNMASI
Bu bölmədə Balaxanı ərazisində Zibil emalı zavodunun tikintisi ilə bağlı inşaat
mərhələsində sosial və iqtisadi mühitdə baş verə bilən təsirlərin araşdırılmışdır və onların
idarəolunması tədbirləri müəyyənləşdirilmişdir.
8.1. İnşaat mərhələsində layihənin sosial-iqtisadi təsirləri
Zibil emalı zavodunun inşaat işləri layihəsinin tətbiqi ilə əlaqədar sosial – iqtisadi
təsirləri özünü aşağıdaki səviyyələrdə göstərəjəkdir:
ictimai-iqtisadi təsirlər;
gəlir mənbələrinə təsirlər;
sağlamlıq və təhlükəsizlik.
8.1.1. İctimai-iqtisadi təsirlər
8.1.1.1. Məşğulluq
Zibil emalı zavodunun tikintisində CNİM/ÜSTAY şirkətinin cəlb etdiyi 400 işçi
çalışajaqdır. Tikinti mərhələsi 3 illik dövrü əhatə edəjəkdir. Aparılajaq inşaat işləri
dövründə 400 nəfərin işlə təmin olunması müsbət təsirlərdəndir. İşçi qüvvəsinə tələbat
yerli əhali arasından əmək ehtiyatlarını cəlb etmək hesabına təmin edilə bilər. İnşaat
işlərini əhatə edən dövrdə əhali arasından işsizləri cəlb etmək hesabına müəyyən müddət
inşaatçı mütəxəssislərin və ya ixtisas tələb olunmayan işlərdə əhalinin digər qruplarının
iştirakı təmin edilə bilər.
8.1.1.2. Məcburi köçürülmə
Ərazi sosial məskunlaşmadan azad olduğundan və ümumiyyətlə, yaşayış
zonalarından kənarda yerləşdiyi üçün inşaat əməliyyatları zamanı evlərin dağıdılmasına və
əhalinin məcburi köçürülməsinə zərurət yaranmayacaqdır.
Zavod üçün ayrılmış ərazi, həmçinin, başqa iqtisadi inkişaf sahələri ilə məşğul
deyildir.
8.1.1.3. İşçilərin sosial təminatı
Podratçıya məxsus mütəxəssislərin yerləşdirilməsi və qidalanma təminatı
CNİM/ÜSTAY şirkəti tərəfindən aparılajaqdır. Bu işçilərin içməli su və kanalizasiya
təminatı da CNİM/ÜSTAY şirkəti tərəfindən təşkil olunajaqdır.
Yerli əhalidən ibarət işçilər isə gündə bir dəfə CNİM/ÜSTAY şirkətinə məxsus
yeməkxanada nahar yeməyi ilə təmin olunacaqdır.
8.1.2. Gəlir mənbələrinə təsirlər
8.1.2.1. Büdcəyə köçürmələr
Dövlətin iqtisadi gəlirləri fəhlə və qulluqçuların ödəyəcəyi sosial və digər
vergilərdən ibarət olacaqdır.
8.1.2.2. Özəl gəlir və biznes imkanları
Bu müddətində inşaatçıların maddi tələbatı aldıqları məvacib əsasında
ödənəcəkdir. Eyni zamanda inşaat işləri üçün cəlb ediləcək podratçı mütəxəssislərin
gündəlik ərzaq və istehlak mallarına ehtiyaclarını ödəmək üçün ticarət əlaqələri sayəsində
əhalinin diqər qruplarının da ictimai–iqtisadi vəziyyətinə müsbət təsir göstəriləcəkdir.
Beləki, layihənin reallaşdırılması dövründə xaricdən cəlb olunmuş mühəndis və
mütəxəssisərə yerli əhalinin öz fərdi təsərrüfatlarında becərdikləri meyvə və tərəvəz
məhsullarının satılması, xırdavat alveri sayəsində, müəyyən dövr ərzində güzəranlarına
müsbət təsir ola bilər.
8.1.2.3. Əhalinin gəlir mənbələrinə mənfi təsirlər
Zibil emalı zavodunun tikintisi üçün ayrılmış ərazi dövlət mülkiyyətindədir. Bu
torpaqlar əhali tərəfindən gəlir götürmək məqsəd ilə istifadə olunmamışdır və buna imkan
da yoxdur. Odur ki, torpaqların itirilməsi səbəbindən gəlirdən məhrum olma halları baş
verməyəcəkdir.
8.1.3. Sağlamlıq və təhlükəsizlik təminatı
8.1.3.1. Əhalinin sağlamlığı
Aparılacaq inşaat işləri qısa müddətli olsa da, yoluxucu xəstəliklər, vərəm, dəri-
zöhrəvi xəstəliklər və İİV/QİÇS üzrə potensial riskin artması ilə müşaiyət oluna bilər.
Xəstəliklərə qarşı profilaktika aparmaq və təsirləri minimallaşdırmaq üçün aşağıdakılar
nəzərə alınmalıdır:
Podratçılar və yerli əhali üçün İİV/QİÇS və digər yoluxucu xəstəliklərə aid
maarifləndirmə proqramlarının təlimi;
İşçilərin sağlamlığını qorumaq məqsədilə profilaktik və periodik tibbi
müayinələrin təşkili;
Yoluxucu xəstəliklərinin qarşısını almaq üçün kompleks profilaktik və
antiepidemik tədbirlərin həyata keçirilməsi.
Dünyanın bir çox ölkələrində bu və ya digər səbəblərdən insan kütlələrinin artmaqda
olan miqrasiyası İİV/QİÇS epidemiyasının yayılmasına təsir göstərən başlıca amil hesab
olunur. Bu məsələyə diqqət yetirilməsi xüsusən əhəmiyyətlidir. Çünki əksər xəstəxanalarda
İİV xidmətləri üçün ayrılmış mərkəzlərdə xidmət səviyyəsi aşağıdır. Yerli əhali və inşaat
işçiləri ilə əlaqədar yaranan İİV riskinin azaldılmasına yönəlmiş tədbirlərə aşağıdakılar
daxildir:
İİV/QİÇS-ə qarşı maarifləndirmə strategiyasının qəbulu və tətbiqi;
inşaat işlərinin aparılmasında iştirak edən işçilərin İİV/QİÇS haqqında
məlumatlandırılması üzrə məşğələlər keçirilməsi;
xəstəliklərdən müdafiə olunmaq üçün bütün işçilərin lazımi məlumatlarla
təmin edilməsi;
riskin azaldılması üçün işlərə mümkün qədər yerli işçilərin cəlb olunması.
8.1.3.2. Əhalinin təhlükəsizlik təminatı
Zavod üçün ayrılmış ərazi yaşayış zonalarından kənarda yerləşdiyi üçün burada
görülən işlərin mənfi təsirlərə (məsələn, toz və digər çirklənmələr, səs-küy və vibrasiya)
məruz qalmayacaqdır. Lakin ümumi yollarda nəqliyyat vasitələrinin hərəkəti ilə əlaqədar
narahatlıqlar yarana bilər. Bu halda sürücülük mədəniyyəti, yol hərəkəti təhlükəsizliyi
qaydalarına əməl edilməsi ilə bu amillər aradan qaldırılajaqdır. Həmçinin, istirahət və
xüsusi bayram günlərində, gecə saatlarında və səhər tezdən maşınların hərəkəti
məhdudlaşdırılajaqdır.
8.1.3.3. İşçilərin sağlamlıq və təhlükəsizlik təminatı
İşçi personalın sağlamlığını qorumaq və potensial xəsarətlərinin qarşısını almaq
üçün piyada və maşın axınının ayrılması aparılacaqdır. İşçi personalını avtomobil
dayanacağından əsas tikinti sahəsinə aparmaq üçün xüsusi yol mövcud olacaq. Bu yol
piyadalar və maşınlar arasında toqquşmaların qarşısını almaq üçün ayrılacaqdır.
Tikinti işçiləri və ziyarətçilər üçün maşın saxlanmasının rahatlaşdırılması üçün
yetərli dayanacaq yerləri tikinti sahəsinə bitişik yerləşdiriləcəkdir. Təhlükəsizliyin təminatı
üçün CNİM şirkətinin istiqamətini göstərən işarələr tikinti işçilərinin və ziyarətçilərin
əraziyə yönəldilməsinin rahatlaşdırılması üçün əsas yolun kənarında, yaxşı görünən
yerlərdə qoyulajaqdır.
İşçilər mexaniki zədələnmələrdən, səs və küydən qorunmaq üçün fərdi mühafizə
vasitələri və xüsusi iş geyimi ilə təmin olunajaqdır.
Dostları ilə paylaş: |