Birinci kitab
Yüklə 3,06 Mb. Pdf görüntüsü
|
462
başlamışdılar. Meri ondan Nezerfild kitabxanasından istifadə etmək üçün icazə istəyirdi, Kitti isə yalvarırdı ki, qışda Nezerfilddə teztez bal axşamlan təşkil olunsun. Həmin vaxtdan sonra, təbii olaraq, Binqli Lonqbornun gündəlik qonağına çevrildi. O, səhər yeməyindən əvvəl gəlirdi və əgər hansısa mərdimazar, ən ağır cəzaya layiq qonşu ona, imtina edə bilməyəcəyi nahar dəvəti göndərməyibsə, şam yeməyindən sonra gedirdi. Elizabetə artıq Ceynlə tez-tez söhbət etmək müyəssər olmurdu, çünki Binqlinin Lonqbornda olduğu vaxt o, kiməsə başqa adama vaxt ayıra bilmirdi. Ancaq məcburi ayrılıqlar saatında başqasıyla söhbətləşmək sevgililərin hər ikisi üçün faydalı idi. Yanında Ceynin olmadığı vaxtlarda Binqli Elizabetlə onun bacısı haqqında danışaraq öz-özünə zövq bəxş edirdi. Ceyn isə Binqli olmayanda özünü eyni cür təskinləşdirməyə çalışırdı. — Onun ötən yaz mənim Londona gəlişimdən xəbəri olmadığını öyrənəndə mən xoşbəxt oldum, — bir dəfə axşam o dedi. — Belə bir fikir ağlıma gəlmirdi. — Amma mənim ağlıma gəlmişdi, — Elizabet cavab verdi. — Ancaq onun fikrincə, bu, necə ola bilərdi? — Hər şey onun bacılarının hissləri ilə izah olunur. Onlar onunla mənim tanışlığımı bəyənməyiblər. Onun bütün münasibətlərdə necə asanlıqla daha uğurlu seçim etməyi bacardığını düşünsək, burada təəccüblü heç nə yoxdur. Ancaq onlar mənimlə necə xoşbəxt olduğunu downloaded from KitabYurdu.org 463
görən kimi — əminəm ki, gerçəkdən də görəcəklər — onun evliliyi ilə banşacaqlar və bizim münasibətimiz yenidən yaxşı olacaq. Düzdür, biz artıq, əlbəttə, bir- birimiz üçün bir zamanlar olduğumuz kimi olmayacağıq. — Bu səndən eşitdiyim ən sərt ittihamedici nitqdir, — Elizabet dedi. — Yaxşı qız! Düzü, sənin yenidən miss Binqlinin saxta mehr-məhəbbətinin predmeti olduğunu görsəm, mənim üçün utancverici olacaq. — Lizzi, sən bir fikirləş ki, o, ötən il Londona gedəndə, heç demə, artıq mənə möhkəm vurulubmuş. Yalnız mənim etinasızlığıma əminliyi olmasaymış, mütləq qayıdarmış. — O, doğrudan da böyük səhv buraxmışdı, ancaq bu onun təvazökarlığına şərəf verir. Bu, təbii olaraq, Ceynin Binqlinin nəzakətliliyi və öz məziyyətlərini lazımınca qiymətləndirməməsi xasiyyəti barədə bütöv bir mədhiyyə doğurdu. Elizabet Binqlinin ona dostunun müdaxiləsi barədə danışmamasım öyrəndiyinə şad oldu, çünki bu, onun möhtəşəm alicənablığına və bacısının həlimliyinə baxmayaraq, yenə də Ceynin Darsiyə münasibətinə kölgə sala bilərdi. — Mən, şübhəsiz ki, yer üzündə ən xoşbəxt xilqətəm! — Ceyn səsləndi. — Lizzi, nə üçün bizim ailədə yalnız mənim bəxtim gətirdi? Necə də istərdim ki, sən də eyni şeyi hiss edəsən! Sənin üçün də başqa bir belə adam tapılsaydı! — Hətta sən onlardan yüzünü mənə təklif etsəydin, downloaded from KitabYurdu.org 464
mən yenə də belə xoşbəxt ola bilməzdim. Nə qədər ki məndə sənin xasiyyətin və sənin xeyirxahlığın yoxdur, sənin xoşbəxtliyindən görməyim mümkün deyil. Yox, yox, qoy mən öz yolumla gedim. Bəlkə də bəxtim çox gətirsə, zamanla hələ qarşıma ikinci mister Kollinz çıxa bilər. Lonqbornda baş verən hadisə uzun müddət sirr olaraq qalmadı. Missis Bennet bu barədə missis Filipsin qulağına pıçıldamağı özünə rəva gördü, o isə hər hansı bir ehtiyat tədbirləri düşünmədən Meritondakı bütün tanışlanna danışdı. Ləngimədən Bennetləri dünyanın ən bəxtəvər ailəsi elan etdilər, hərçənd cəmi bir neçə həftə əvvəl, Lidiyanm qoşulub qaçmasından dərhal sonra onların bədnam olmuş soyadlan tanışların hamısının siyahısından silinmişdi. XIV FƏSİL
Ceynin nişanlanmasmdan bir həftə sonra bir dəfə səhər- səhər mister Binqli və Bennet ailəsinin bütün xanımları səhər yeməyi otağında olduqlan vaxt hamının diqqətinin ekipaj səs-küyü cəlb etdi. Onlar pəncərədən baxarkən dörd at qoşulmuş karetanın çəmənliyin üzəri ilə gəldiyini gördülər. Ziyarət üçün çox erkən idi, üstəlik, yaxınlaşan ekipaj qonşulardan heç birinə məxsus deyildi. Atlar poçt atlarıydı, kareta və onu müşayiət edən qulluqçuların qiyafətləri isə heç kəsə tanış gəlmirdi. Ancaq aydın idi ki, hər halda kimsə gəlib və Binqli qonaqlann qarşılanması kimi darıxdırıcı mərasimdən qurtulmaqdan ötrü dərhal Ceyni gəzintiyə çıxmaq üçün downloaded from KitabYurdu.org
465
dilə tutdu. Cütlük uzaqlaşdı, yerdə qalanların təşrif buyuranların kimliyinə dair əbəs yerə təxminlər dilə gətirdiyi vaxt qapı açıldı və ledi Ketrin de Bör otağa girdi. Hamı, təbii ki, nəsə qeyri-adi bir şeyin intizarında idi, ancaq onların gerçəkdə də keçirdikləri heyrət hissi gözləntiləri üstələdi. Missis Bennet və Kitti onunla qətiyyən tanış olmasalar da, hətta onlar belə, bu ziyarətə Elizabet qədər möhkəm təəccüblənmədilər. Ledi Ketrin həmişə olduğundan daha laübali görkəmlə, Elizabetin salamlamasına başını yüngülcə tərpətməkdən başqa heç nə ilə cavab vermədən və heç nə demədən kresloda əyləşdi. Ledi Ketrin təqdim olunmasını xahiş etməsə də, Elizabet anasına zati alilərinin adını dedi. Missis Bennet bu qədər yüksək mənsəbli xanımın ziyarətindən olduqca qürurlanmış halda, onunla son dərəcə nəzakətli olmağa çalışırdı. Bir müddət sükut içində oturduqdan sonra ledi Ketrin Elizabetdən quru-quru soruşdu: — Ümidvaram ki, miss Bennet, sizdə hər şey qaydasındadır. Bu qadın, güman edirəm, sizin ananızdır? Elizabet təsdiqləyiri cavab verdi. — Bu isə, yəqin ki, bacılarınızdan biridir? — Bəli, xanım, — missis Bennet ledi Ketrinlə danışmaq imkanına sevinərək müdaxilə etdi. — Bu mənim kiçikdən böyük qızımdır. Ən kiçik qızım bu günlərdə ərə gedib. Böyük qızım isə haradasa bağda tezliklə ailəmizin üzvü olacaq downloaded from KitabYurdu.org Yüklə 3,06 Mb. Dostları ilə paylaş:
|