Birinci kitab
Yüklə 3,06 Mb. Pdf görüntüsü
|
474
xilas edəsiniz. — Yaxşı, neynək, icazə verirsinizsə, belə tez yox. Mən axı hələ sözümü bitirməmişəm. Bütün bu deyilənlərə mən daha bir halı əlavə etməyə məcburam. Mənim üçün sizin kiçik bacınızın rüsvayçı qoşulub qaçması sirr deyil. Mən büsbütün bilirəm. O cümlədən gəncin onunla evliliyinin atasının və dayısının vəsaiti hesabına köhnə tarixlə düzülüb- qoşulduğundan da xəbərdaram. İndi necə olsun, belə bir xanım bacım oğlunun baldızı olmalıdır? Onun əri, mərhum atasının təsərrüfat müdirinin oğlu isə, onun bacanağı? Səma və cəhənnəm. Nə düşünürsünüz? Yəni Pemberlinin kölgəsi belə bir təhqirə məruz qala bilər? — İndi siz mənə bundan artıq heç nə deyə bilməzsiniz, — Elizabet hiddətlə cavab verdi. — Məni bütün mümkün üsullarla təhqir etdiniz. İcazənizlə, mən evə qayıdıram. Bu sözləri deyərək, o, ayağa qalxdı. Ledi Ketrin də qalxdı və onlar geri qayıtdılar. Zati aliləri qəzəbli idi. — Demək, bacım oğlunun şərəfi və reputasiyası sizin vecinizə deyil? Xudbin, hissiyyatsız qız! Doğrudanmı siz başa düşmürsünüz ki, o özünü sizinlə bağlayaraq, bütün kübar cəmiyyət qarşısında rüsvay olacaq? — Ledi Ketrin, artıq sizə deyəcək sözüm yoxdur. Mənim hisslərim sizə məlumdur. — Buna görə də siz onu tovlamağa qərar vermisiniz? — Mən belə şey demədim. Mən yalnız xoşbəxtliyim barədə öz təsəvvürümə uyğun hərəkət etməyi və bu zaman nə sizinlə, nə mənə sizin qədər uzaq olan başqa bir şəxslə downloaded from KitabYurdu.org 475
hesablaşmamağa qərar vermişəm. — Yaxşı, əla. Beləliklə, siz mənim xahişimi yerinə yetirməkdən imtina etdiniz. Siz onu dostlarının gözündə məhv etməyə və kübar cəmiyyətdə ona ikrah yaranmasına qərar verdiniz. — Nə borc, nə şərəf, nə minnətdarlıq, — Elizabet cavab verdi, — bu saat məni heç nəyə məcbur etmir. Mənim mister Darsi ilə nikahım heç bir yasağı pozmazdı. Onun qohumlarının və kübar cəmiyyətin ikrahına gəlincə isə, bütün kübar cəmiyyətin buna belə ciddi yanaşmaq üçün kifayət qədər ağıllı olduğu vaxtda, mənim nikahım onun qohumlarında məlum narahatlıq doğurardısa, bu məni çətin ki, xüsusilə məyus edərdi. — Sizin gerçək düşüncə tərziniz budurmu?! Bu sizin son sözünüzdür? Əla. İndi mən necə hərəkət edəcəyimi bilirəm. Miss Bennet, ağlınıza gətirməyin ki, iddialarınız uğurla nəticələncək. Mən sizi sınamağa gəlmişdim. Mənə elə gəlirdi ki, daha sağlam düşüncəniz var. Ancaq əmin olun, mən öz məqsədimə çatacağam. Onlar ledi Ketrinin karetasmm yanma gələnədək o bu ovqatda danışmaqda davam etdi. Karetanm yanında cəld dönərək bildirdi: — Mən sizin vida sağollaşmanızı qəbul etmirəm, miss Bennet. Və heç də xahiş etmirəm ki, məndən ananıza salam deyəsiniz. Siz belə bir diqqətə layiq deyilsiniz. Mən qəlbimin dərinliyinə qədər hiddətlənmişəm. Elizabet heç bir cavab vermədi və zati aliləri evə dəvət downloaded from KitabYurdu.org 476
etmək cəhdi göstərməyərək özü sakitcə qayıtdı. Pillələrlə qalxarkən uzaqlaşan karetanm səs-küyünü eşitdi. Zalda ledi Ketrinin bir qədər dincəlmək üçün niyə gəlmədiyini öyrənmək istəyən missis Bennet onu səbirsizliklə gözləyirdi. — O, dərhal getməyi üstün tutdu, — qızı cavab verdi. — Zati aliləri mənə çox xoş bir xanım kimi göründü! Onun bizə ziyarəti qeyri-adi lütfkarlıqdır! Axı başa düşdüyüm qədər o, buraya yalnız Kollinzlərin cansağlığı barədə xəbər vermək üçün gəlmişdi. Yəqin ki, harasa gedirmiş və Meritondan keçərkən düşünüb ki, bizə baş çəksin. Ümid edirəm ki, onun səninlə hər hansı bir xüsusi işi yox idi, Lizzi? Bu yerdə Elizabet ledi Ketrinlə söhbətinin məzmunu anasına çatdırmağın nə qədər mənasız olduğunu bildiyi üçün bir qədər yalançılıq edəsi oldu. XV FƏSİL
Bu qeyri-adi ziyarətin yaratdığı həyəcanı səngitmək asan deyildi. Bir neçə saat ərzində Elizabet qətiyyən nəsə başqa bir şey haqqında düşünə bilmədi. Beləliklə, ledi Ketrin gerçəkdən də Rozinqsdən yeganə bir məqsədlə səyahətə çıxıb ki, onun mister Darsi ilə ehtimal olunan nişanını pozsun! Bu səfərin başqa bir məntiqli izahı yox idi. Ancaq Elizabet heç cür anlaya bilmirdi ki, onlann nişanı barədə şayiə haradan baş qaldırıb. Nəhayət, onun ağlına gəldi ki, bir toyun gözləntisi hamını digəri haqda təxminlərə vadar etdiyi vaxtda Darsi və Binqli arasındakı dostluq və onunla Ceynin arasındakı yaxınlıq belə şayiə üçün kifayət qədər downloaded from KitabYurdu.org 477
əsas verə bilər. Elizabet özü də hərdən düşünürdü ki, bacısının ailə qurması Darsi ilə özünün görüşünün daha tez- tez baş verməsinə səbəb olacaq. Onların Lukas Locdan olan qonşuları isə (açıq-aşkar idi ki, ledi Ketrin bu məlumatı Lukasların Kollinzlərlər yazışmasından əldə edib) ona uzaq gələcəkdə mümkün ola biləcəyi kimi görünən sevdanı artıq həll olunmuş iş sayıblar. Ancaq ledi Ketrinin sözlərini yaddaşında bir-bir götür-qoy edən Elizabet onun mümkün müdaxiləsinin nəticələrinə görə narahatlıqdan can qurtara bilmirdi. Onun onlann nikahına mütləq mane olacağı barədə ifadəsi düşünməyə vadar edirdi ki, o, bacısı oğluna təsir göstərməyə hazırlaşır. Elizabet bu evliliyin səbəb olacağı bütün sadalanan yamanlıqlara Darsinin necə yanaşacağını özü üçün təsəvvür etməkdən qorxurdu. O bilmirdi ki, Darsinin xalasına bağlılığı nə dərəcədə möhkəmdir və ledi Ketrin onun düşüncə tərzinə hansı ölçüdə təsir edir, ancaq güman etmək asan idi ki, Darsi Elizabetlə müqayisədə zati aliləri barədə daha yüksək fikirdədir. Xalasının öz çevrəsi ilə müqayisədə bu qədər aşağı dairədən olan qızla evliliyin bütün mənfi tərəflərini sadalayaraq onun ən zəif yerinə toxunacağı şübhəsiz görünürdü. Onun ailə qüruru barədə anlayışı ilə, Elizabetə mübahisəli və yetərsiz görünən dəlillər ona tamamilə məntiqli və diqqətəlayiq görünə bilərdi. Buraya qədər tərəddüd edirdisə, - ona tez-tez elə gəlirdi ki, məhz belədir, - o zaman yaxın qohumun downloaded from KitabYurdu.org Yüklə 3,06 Mb. Dostları ilə paylaş:
|