494
yerində oturdu. Mən əvvəlcə onu haqlı olaraq narahat
edən bir halı ona açmalıydım. Mən özümə rəva görmədim
ki, bacınızın üç qış ayını Londonda keçirdiyini, bunu
bildiyimi və bunu ona bilərəkdən demədiyimi gizləyərək
saxlayım. O əsəbiləşdi. Ancaq onun qəzəbi, əminəm ki,
bacınızın ona qarşı hisslərinə şübhəsi kəsilən kimi çəkildi.
Bu saat o, artıq məni ürəkdən bağışlayıb.
Elizabetin dilinin ucuna Binqlinin öz böyük
yoldaşının məsləhətinə baxmağa hazır olan necə bir
əvəzedilməz dost
olduğu barədə irad gəldi. Ancaq Darsini hələ öz
zarafatlarına alışdırmağın lazım gəldiyini xatırlayaraq
özünü saxladı. Buna indidən girişmək hələ çox riskli idi.
Yolun yerdə qalan hissəsini onlar Binqlinin gələcək ailə
xoşbəxtliyinin yalnız Darsinin özünün xoşbəxtliyinə
güzəştə gedəcəyi barədə sonuncunun mühakimələri ilə qət
etdilər.
Zalda onlar ayrıldılar.
XVII
FƏSİL
— Lizzi, əzizim, siz harada belə uzun müddət itib-
batmışdınız?
— Elizabet otağa girən kimi Ceyn onu bu sualla qarşıladı.
Eyni sualı ona hamı masa arxasına oturunca, ailənin yerdə
qalan üzvləri də verdilər. O qızararaq təkcə onu deyə bildi
ki, naməlum yerə gedib çıxıblar. Ancaq nə onun üzündəki
al rəng, nə də hər hansı bir başqa hal azacıq da olsun şübhə
doğurmadı.
Axşam sakit, olaysız ötüşdü. Tanınıb qəbul edilmiş
downloaded from KitabYurdu.org
495
sevgililər danışıbgülürdülər, tanınmamış sevgililər isə
susurdular. Öz xoşbəxt hisslərinə qızğın şənliyə çıxış
imkanı axtarmaq Darsiyə xas deyildi, həyəcanlanmış və
utanmış Elizabet isə tezliklə öz xoşbəxtliyinə görə
həyəcan dolu hisslər keçirməkdən çox, onu dərk etdi. Bu
kimi hallarda hər bir gənc qızın hiss etdiyi adi
naqolaylıqla yanaşı, bir çox başqa əndişələr də onu əzirdi.
Ceyndən başqa hər kəsin Darsiyə böyük ikrahla
yanaşdığını yaxşı bilərək, o bu hissin çox güclü ola
biləcəyindən
və nə onun sərvətinin, nə də cəmiyyətdəki mövqeyinin bu
qənaəti dağıda biləcəyindən qorxurdu.
Yatmazdan qabaq o, hər şeyi bacısına etiraf etdi.
Adətən Ceyn onun sözlərinə şübhə etməsə də, bu dəfə son
dərəcə inamsızlıq nümayiş etdirdi.
— Zarafat edirsən, Lizzi? Bu ola bilməz! Mister Darsi
ilə nişanlanmısımz! Yox, sən məni aldadırsan. Bilirəm, bu
mümkün deyil.
— Eh, başlanğıc doğrudan da ümidverici deyil. Mən
yalnız sənə ümid edirdim. Əgər hətta sən də mənə
inanmırsansa, mən başqalarını inanmağa necə vadar
edəcəyəm? Ceyn, əzizim, sənə ciddi deyirəm. Sırf
həqiqəti. O məni indiyə qədər sevir və biz nişanlandıq.
Ceyn inamsız-inamsız bacısına baxdı.
— Ah, Lizzi, bu qətiyyən mümkün deyil. Mən bilirəm,
sən axı ona dözə bilmirsən.
— Sən heç nə bilmirsən. Olub-keçənləri tərtəmiz
unutmaq lazımdır. Ola bilər, mən heç də həmişə indiki
downloaded from KitabYurdu.org
496
kimi sevməmişəm. Ancaq belə durumlarda yaxşı yaddaş
bağışlanmazdır. Bu saat mən bu barədə sonuncu dəfə
xatırlayıram.
Miss Bennet nə düşünəcəyini bilmirdi. Elizabet
yenidən və daha ciddiyyətlə onu inandırdı ki, bütün
dedikləri sırf həqiqətdir.
— Ey qadir ilahi! — Ceyn səsləndi. — Doğrudanmı
bu baş verə bilərdi? Ancaq mən indi sənə inanmalıyam.
Lizzi, əzizim, istərdim, səni ürəkdən təbrik etməyə şad
olardım. Ancaq bu suala görə məni bağışla, tam
əminsənmi ki, onunla xoşbəxt olacaqsan?
— Buna şübhə etməyə bilərsən. Biz artıq qərara
almışıq ki, dünyanın ən xoşbəxt ər-arvad cütlüyü
olacağıq. Ancaq məyus olmadın, Ceyn? Belə bir yeznəni
sevə biləcəksənmi?
— Əlbəttə ki, bütün ürəyimlə! Binqli ilə bizim üçün
bu ən böyük sevincdir. Biz onunla belə bir imkan barədə
danışmışıq və təəssüf ki, qərara gəlmişik ki, bu istisnadır.
Ancaq sən onu doğrudanmı sevirsən? Ah, Lizzi, nə
istəyirsən, et, ancaq yalnız sevgisiz ərə getmə! Sən
əminsən ki, ona kifayət qədər güclü duyğular hiss
edirsən?
— Ah, bəli! Mən sənə hər şeyi etiraf edəndə sən
mənim onu həddən artıq sevdiyimi görəcəksən!
—
Nəyi nəzərdə tutursan?
— Onu ki, vicdanla desək, mən onu mister Binqlinin
sevdiyindən çox sevirəm. Qorxuram ki, buna görə sən
mənə hirslənəcəksən!
downloaded from KitabYurdu.org
497
— Lizzi, canım, zarafatı saxlamağa çalış. Bizim ciddi
danışmağımız lazımdır. Bu saat mənə bilmədiyim hər şeyi
danış. Sən onu çoxdan sevirsən?
— Bu hiss məndə elə tədricən böyüdü ki, özüm də
onun nə vaxt baş qaldırdığını deyə bilmərəm. Fəqət bəlkə
də mən onu Derbişirdəki valehedici malikanədə ilk dəfə
gördüyüm günü bu hissin başlanğıc günü saymaq olar.
Ciddiliyə yeni çağırış öz arzuolunan məqsədinə çatdı.
Elizabet tezliklə bacısını mister Darsiyə dərin bağlılığı
olduğuna tam əmin etdi. Nəhayət, Ceyn büsbütün buna
inandıqda ona arzulamağa başqa bir şey qalmadı.
— İndi mən gerçəkdən də xoşbəxtəm! — O dedi. —
Sənin həyatın da mənimki kimi sevincli olacaq. Mən
Darsi haqqında
həmişə yüksək fikirdə olmuşam. Təkcə onun sənə olan
məhəbbəti mənim gözümdə onu çox yaxşı nəzərdə təqdim
edirdi. İndi isə Binqlinin dostu və sənin ərin olaraq, o
mənim üçün dünyada səndən və Binqlidən sonra ən əziz
adam olacaq. Ancaq, Lizzi, bu qədər hiyləgərlik
haradandır? Heç demə, sən məndən bu qədər çox şey
gizlətmisən! Mən axı, demək olar, Pemberlidə və
Lemtonda nə baş verdiyini bilmirdim. Bu barədə mənə
məlum olan şeylərin hamısını mən başqalarından
eşitmişəm.
Elizabet qapalılığınm səbəblərini izah etdi. Bu zaman
o, bacısına mister Binqli barədə xatırlatmaq istəmədi.
Hələ də öz hisslərindən kifayət qədər baş açmadığı üçün
o, mümkün qədər mister Darsinin adını çəkməkdən də
downloaded from KitabYurdu.org
Dostları ilə paylaş: |