Birinci kitab
Yüklə 3,06 Mb. Pdf görüntüsü
|
502
səni bir çox bəlalara məruz qoyacaq. Bu zaman sən çətin ki, məyusluqdan və əlacsızlıqdan qaça biləcəksən. Mənim balam, sənin həyat yoldaşına hörmətini itirdiyini görərkən düşəcəyim dərddən məni xilas et. Sən əslində bunun nə demək olduğunu pis təsəvvür edirsən. Daha da həyəcanlanan Elizabet ciddi və səmimi cavab verdi. Darsinin gerçək seçdiyi olduğuna onu təkrarən əmin edən Elizabet atasına bu insana qarşı münasibətinin necə tədricən dəyişdiyini danışdı. Onun məziyyətlərini vəcdlə sadalayaraq, o Darsinin ona məhəbbətinin ötəri macəra olmadığına mütləq mənada əminliyini ifadə etdi, dedi ki, çünki bu sevgi qarşı duyğular olmadan artıq bir neçə ay ərzində ciddi sınağa tab gətirib. Axırda o, mister Bennetin inamsızlığını dağıtmağa müyəssər oldu və onu özünün qarşıda duran evliliyi ilə barışdırdı. — Yaxşı, əzizim, — Elizabet susanda o dilləndi. — Daha mənim sənə sözüm yoxdur. Eşitdiyimin hamısı doğrudursa, o sənin ərin olmağa layiqdir. Mən səninlə daha az ləyaqətli adamın xətrinə ayrıla bilməzdim, Lizzi. Nişanlısını mister Bennetin gözündə bir az da qaldırmaq üçün o, atasına Darsinin Lidiya üçün könüllü şəkildə etdiklərini danışdı. — Bu gün doğrudan da möcüzələr axşamıdır! Demək, bütün bu danışıqlar, toy sazişinin məsrəfləri, Uikhemin borclarının ödənməsi və zabit patentinin alınması — hamısı Darsinin işidir? Nə olar, lap yaxşı. Bu məni bir çox qayğı və xərclərdən azad edir. Hər şeyi dayın etmiş olsaydı, mənim onunla hesablaşmağım lazım gələrdi. downloaded from KitabYurdu.org 503
Ancaq bu şiddətlə sevən gənclər həmişə özlərinə məxsus şəkildə hərəkət edirlər. Sabah mən ona borcunu qaytarmağımı təklif edəcəyəm. O, etiraz etməyə və hər cür cəfəngiyat danışmağa, sənə olan ehtiraslı sevgisində israr göstərməyə başlayacaq. O zaman bu məsələ də beləcə bitəcək. Bu yerə mister Bennet bir neçə gün öncə mister Kollinzin məktubunun oxunduğu vaxt qızının necə utandığını xatırladı. Bir xeyli rişxənd etdikdən sonra o, nəhayət, qızı buraxaraq dedi: — Hansısa gənclər Meri və Kitti üçün gəlsələr, onları yanıma yönəldə bilərsən, bu saat boş vaxtım var. Elizabetin ürəyindən böyük ağırlıq götürüldü. Öz otağında yanm saat fikrini cəmləyəndən sonra o, qonaq otağına qayıtmaq üçün kifayət qədər sakitləşdi. Şənliyə qapılmağı bacarması üçün keçirdiyi həyəcan onun yaddaşında hələ çox təzə idi. Axşamın geridə qalan hissəsi sakit keçdi. Ancaq bundan belə, artıq onun qorxacağı bir şey qalmamışdı və tədricən rahatlıq və arxayınlıq hissi qızı çulğadı. Anası yuxudan öncə öz qarderob otağına qalxdığı vaxt Elizabet onun ardınca getdi və vacib yeniliyi ona xəbər verdi. Bu sözlər ona sarsıdıcı təsir göstərdi. Missis Elizabet onlan dinləyərək, bir müddət nəsə demək iqtidannda olmadan tam susqun halda oturdu. Adətən onun ağlı qızları üçün sərfəli, yaxud da onlann pərəstişkarlarına uzaqdan-uzağa aid olan hər şeyi kifayət qədər tez tutsa da, Elizabetin ona danışdıqlarının mənasını downloaded from KitabYurdu.org 504
kəsdirməsi üçün xeyli vaxt keçdi. Axırda o özünə gəlməyə başladı və kresloda qurcalandı, sıçradı, oturdu, heyrətləndi və taleyinə şükür etdi. — İlahi! Göylərin xeyir-duası! İşə bir bax! Başıma gələnlər! Mister Darsi! Kim təsəvvür edə bilərdi? Bu, gerçəkdən də həqiqətdir? Lizzi, ürəyim mənim! Sən necə də zəngin və nəcib olacaqsan! Xırda məsrəflərə sənin çoxlu pulun olacaq! Nə qədər zinət əşyaları, karetalar! Ceyn hətta səninlə müqayisə belə oluna bilməyəcək! Mən elə vəcdə gəlmişəm ki, elə xoşbəxtəm ki! Necə də füsunkar gəncdir! Çox qədd-qamətlidir! Necə hündürdür! Ah, Lizzi, əzizim! Allah xatirinə, əvvəllər onu sevmədiyimə görə üzrxahlıq et. Ümidvaram ki, o bunu unudacaq. Ürəyim, ürəyim, Lizzi! Şəhərdə ev! Hər cür təmtəraq! Üç ailəli qız! İldə on min! İlahi! Mənə nə olacaq? Ağlımı itirirəm. Onun razılaşdığına şübhə etməmək üçün bu qədər kifayət idi. Elizabet anasının bütün ürəkdən gələn izharlarının tək özünün dinlədiyinə sevinə-sevinə, tezliklə öz otağına getdi. Ancaq ona təklikdə yalnız üç dəqiqə qalmaq qismət oldu. Missis Bennet özü onun otağına qaçıb gəldi. — Mənim qızcığazım! İldə on min, ola bilər, hətta daha çox! Bu, lorda ərə getmək kimi bir şeydir! Və xüsusi icazə — sən mütləq xüsusi icazə ilə ərə getməlisən. Ancaq, mənim əzizim, de görüm, mister Darsi naharda hansı yeməyi daha çox sevir? Mən sabah onu bişirmək tapşırığı verərəm. downloaded from KitabYurdu.org 505
Bu, anasının onun nişanlısı ilə gələcək davranışına dair o qədər də yaxşı əlamət deyildi. Elizabet başa düşdü ki, hətta mister Darsinin ona qarşı ən zərif bağlılığına əmin olduqdan və valideynlərinin razılığını əldə etdikdən sonra da onun gerçəkləşməyən arzuları qalacaq. Fəqət səhər onun gözlədiyindən də daha yaxşı keçdi. Missis Bennet gələcək kürəkəni qarşısında elə bir pərəstiş hissi keçirirdi ki, ona hər hansı bir xidmət göstərmək və ya onun rəyi ilə razılaşdığını bildirmə hallarından başqa onunla danışmaq iqtidannda deyildi. Elizabet atasının Darsi ilə yaxından tanış olmağa çalışdığını görərək sevindi. Tezliklə mister Bennet qızı əmin etdi ki, hər keçən saatla onun Darsi barədə rəyi daha da yaxşılaşır. — Hər üç kürəkən mənə möhtəşəm görünür. Düzü, qorxuram, Uikhem mənim sevimlim olaraq qalacaq. Ancaq
sənin ərin mənim xoşuma gələcək, ola bilər ki, Binqlidən az olmayaraq. XVIII FƏSİL
Elizabet tezliklə mister Darsidən ona necə vurulması barədə cavab tələb etməyə yetəcək qədər şən ovqata sahib oldu. — Bu nədən başladı? — o soruşdu. — Sonrakı gedişləri təsəvvür edirəm, ancaq birinci təkan nə oldu? — Bu saat mənə ilk addımın atıldığı müəyyən bir saatı və ya məkanı, eləcə də baxışı, yaxud sözü demək çətindir. Bu, lap çoxdan olub. Mən mənə nə olduğunu yalnız o vaxt downloaded from KitabYurdu.org
Yüklə 3,06 Mb. Dostları ilə paylaş:
|