Birinci kitab
Yüklə 3,06 Mb. Pdf görüntüsü
|
498
qaçırdı. Ancaq indi onun artıq Lidiyanın evliliyində Darsinin rolunu gizlətməsinə lüzum yox idi. Hər şey danışıldıqdan sonra onlar hələ gecənin yansını da söhbət edərək keçirdilər. -x-**
— İlahi, — ertəsi gün səhər pəncərənin qarşısında dayanmış missis Bennet səsləndi. — Doğrudanmı bu qırsaqqız mister Darsi yenə də bizim əziz Binqliyə yapışıb? Yalnız bütün gününü belə sitallıqla bizdə keçirməldə o nə düşünür? Əgər o, ova getsəydi və ya başqa işlərlə məşğul olsaydı və öz varlığı ilə yerimizi dar etməsəydi, mən azacıq da olsun, etiraz etməzdim. Bu gün biz onunla nə edəcəyik? Lizzi, Binqliyə mane olmaması üçün sənin onu yenə gəzintiyə çıxarmağın lazım gələcək. Bu təklif ona sərfəli olduğundan Elizabet gülməyini güclə saxladı. Bununla yanaşı, anasının Darsinin adını daima bu kimi epitetlərlə müşayiət etməsi qızı incitməyə bilmədi. Gənclər içəri girən kimi, Binqli ona elə ifadəli baxışlarla baxdı və əlini elə hərarətlə sıxdı ki, onun məsələdən xəbərdar olduğuna şübhə etmək mümkün deyildi. Tezliklə o dedi: — Missis Bennet, buralarda, bu dairədə gəzinti üçün hər hansı bir yer tapılarmı ki, Lizzi yenə aza bilsin. — Mən mister Darsiyə, Lizziyə və Kittiyə səhər ertədən Oukhem təpələrinə yollanmağı məsləhət görərdim, — missis Bennet cavab verdi. — Bu, əla gəzinti olar, mister Darsi downloaded from KitabYurdu.org 499
hələ orada olmayıb. — İştirakçıların yerdə qalanma gəlincə, — mister Binqli dedi, — bu onlara tamamilə münasibdir. Ancaq Kittiyə bəlkə də ora gedib çıxmaq çətin olacaq. Elə deyilmi, Kitti? Kitti təsdiq etdi ki, o, evdə qalmağı üstün tutardı. Həmin vaxt mister Darsi təpənin mənzərəsi ilə qeyri-adi şəkildə maraqlandı və Elizabet susqun-susqun ora getmək üçün onu müşayiət etməyə razılaşdı. O, gəzintiyə getmək üçün öz otağına gedəndə missis Benet onun ardınca çıxdı və yolda ona pıçıldadı: — Lizzi, təəssüf edirəm ki, sən bu dözülməz adam barədə qayğını öz üzərinə götürməli olursan. Ancaq ümid edirəm, sən etiraz etmirsən? Sənə axı anlaşılandır — hər şey Ceynin xətrinə edilir. Sənə heç də onunla danışmaq lazım deyil. Bir-iki söz demək kifayətdir, qoy bu səni narahat etməsin. Gəzinti zamanı qərara alındı ki, bu axşam mister Bennetdən razılıq xahişi edilsin. Anasıyla danışmağı Elizabet öz üzərinə götürdü. Onun xəbəri necə qarşılayacağını öncədən görmək çətin idi. Hərdən Elizabet şübhələnməyə başlayırdı ki, görəsən, Darsinin bütün sərvəti və kübarlığı missis Bennetin bu insana qarşı nifrətini yumşalda bilərmi?! Ancaq onun gələcək nikahı narazılıq yaradacaq, yoxsa vəcdə gətirəcək - həmin dəqiqələrdə anasının davranışı onsuz da onun ağlına şərəf gətirə bilməyəcək. Elizabet üçün missis Bennetin ilk vəcd və ya narazılıq downloaded from KitabYurdu.org 500
partlayışının Darsinin yanında olması eyni dərəcədə dözülməz idi. Axşam mister Bennetin kitabxanaya çəkilməsindən dərhal sonra Elizabet gördü ki, mister Darsi onun arxasınca getdi. Elizabet olduqca həyəcanlandı. O, heç də atasının mister Darsiyə rədd cavabı verəcəyindən qorxmurdu. Ancaq mister Bennet sevimli qızının öz seçimi ilə onu kədərləndirdiyinə və onda onun taleyi üçün əndişə doğurduğuna görə böyük məyusluq yaşayacaqdı. Bu, Elizabetə çox xoşagəlməz idi və onu bərk həyəcanlanmağa vadar edirdi. O, Darsinin qayıtmasına qədər əsəbi narahatlıq içində oturub gözlədi və yalnız onun üzünə baxaraq, yüngül təbəssüm gördükdən sonra müəyyən rahatlıq hiss etdi. Bir neçə dəqiqədən sonra Darsi Kitti ilə onun üstündə tikiş işləri ilə məşğul olduqları masaya yaxınlaşdı və özünü tikişə tamaşa edirmiş kimi göstərərək pıçıldadı: — Atanızın yanma gedin, o sizi kitabxanada gözləyir. O, dərhal oraya getdi. Mister Bennet qaşqabaqlı və narahat halda otaqda var- gəl edirdi. — Lizzi, — o, qıza müraciət etdi, — sənə nə olub? Sənin ağlın başındadırmı? Doğrudanmı sən ona ərə getmək fikrinə düşmüsən? Məgər sən həmişə ona nifrətlə yanaşmırdın? O bu dəqiqələrdə öz əvvəlki ifadələrində kifayət qədər təmkin və ehtiyatlılıq göstərmədiyindən necə də acı şəkildə peşman idi! Əgər o, əvvəllər özünü başqa cür downloaded from KitabYurdu.org
501
aparmasaydı, indi xoşagəlməz izahlardan canı qurtarmış olardı. Ancaq indi bu izahları vermək qaçılmaz idi və Elizabet utancaq şəkildə atasını mister Darsiyə olan duyğularına əmin etdi. — Demək, başqa sözlə, sən ona ərə getməyi qərara almısan. Yaxşı, əlbəttə, o, çox varlıdır və sənin Ceyninkindən daha çox gözəl libasların və ekipajların olacaq. Ancaq sən bundan xoşbəxt olacaqsanmı? — Sizdə mənim hisslərimə inanmamaqdan başqa hər hansı bir etiraz var? — Başqa heç bir şey. Biz hamımız onu qürurlu və çox da xoş olmayan insan sayırdıq, ancaq sən onu gerçəkdən də sevmisənsə, bu, əhəmiyyət kəsb etməzdi. — Ancaq mən ki onu sevirəm, ürəkdən sevirəm! — Elizabet göz yaşları içində cavab verdi. — Mən onu sevirəm. Və onu əbəs yerə qürrəli sayırlar. Əslində o, mükəmməl insandır. Siz qətiyyən bilmirsiniz ki, o, necə bir insandır. Sizdən xahiş edirəm ki, onun haqqında bu tonda danışaraq mənim qəlbimi ağrıtmayın. — Lizzi, — mister Bennet dedi, — mən razılıq vermişəm. O, məndən nəsə xahiş etdikləri təqdirdə imtina etməyə cürət göstərməyəcəyim insanlardandır. İndi onun ərin olub- olmaması səndən asılıdır. Ancaq icazə ver sənə bir tövsiyə verim — bu barədə yaxşı-yaxşı düşün. Sənin xasiyyətini bilirəm, Lizzi. Mən bilirəm, sən ərini dəyərləndirməsən, ona aşağıdan yuxarı baxsan, xoşbəxt olmayacaqsan, özünə hörmət etməyəcəksən. Qeyri- bərabər nikah halında zəkan və canlılığın downloaded from KitabYurdu.org Yüklə 3,06 Mb. Dostları ilə paylaş:
|