ABŞ döyüşən ölkələrə silah və sursat sata, limanları və gəmiləri
icarəyə verilə bilməzdi. Amerikan gəmilərində silah satılması
qadağan edildi. Embarqonu pozanlar ya 10 min dollar cərimə
olunmalı, ya 5 il müddətinə həbs olunmalı, ya da bu cəza tədbirlərinin
hər ikisi eyni vaxtda həyata keçirilməli idi. Qanuna görə ölkədə silah
istehsalı və ticarəti üzərinə qeydiyyat və lisenziya tətbiq edildi.
1936-cı ilin fevral ayında Bitərəflik haqqında qanunun vaxtı
uzadılaraq daha da ciddiləşdirildi. Qanun dövrün beynəlxalq şəraitini
nəzərə alırdı. 1937-ci ilin yazında Bitərəflik haqqında qanunun
fəaliyyət müddəti yenidən uzadıldı. Yeni qanun may ayının 1-də
qüvvəyə mindi. Bu qanun əsasən əvvəlkilərin müddəalarını təkrarlasa
da daha sərt idi. ABŞ döyüşən ölkələrə silah sata və kredit verə
bilməzdi. Amerikanlara həmin ölkələrin gəmilərində üzmək qadağan
edildi.
Bundan
sonra
ABŞ
xarici
siyasətində
təcridçilərlə
beynəlmiləlçilər arasındakı münasibətlər daha da kəskinləşdi. Bu
zaman ABŞ-ın maraqlarına cavab verən sakitləşdirmə və bitərəflik
siyasəti Avropada vəziyyətin nəzarətdən çıxmasına da təsir yaradırdı.
İtaliya, Almaniya və Yaponiya tərəfindən Həbəşistan, İspaniya və
Çinin təcavüzə məruz qaldığı, daxili işlərinə qarışıldığı bir vaxtda
ABŞ-ın bitərəflik siyasəti təcavüzkar ölkələrin mənafelərinə uyğun
idi. Təcavüzkarlar özlərini sərbəst aparır, cəzasız qalacaqlarına ümid
edirdilər. ABŞ hökuməti Almaniyada nasional-sosializmin
hakimiyyət başına gəlməsində və Münhen sövdələnməsinə
münasibətdə də öz bitərəfliyini nümayiş etdirdi. Bununla belə, ABŞ
Yaponiyanın Asiyadakı işğallarını tanımadı. 1937-ci ildə Yaponiya
Çinə təcavüz etdikdə ABŞ faktiki olaraq təcridçilik siyasətindən əl
çəkərək ona qarşı çıxdı.
Ruzvelt hökuməti Latın Amerikası ölkələrinə münasibətdə
əvvəlki illərdə yeridilən siyasətdən imtina etdi. 1933-cü ilin mart
ayında Ruzvelt Latın Amerikası ölkələrinə münasibətdə ABŞ-ın
Mehriban qonşuluq siyasətini elan etdi. Mehriban qonşuluq siyasəti
aşağıdakı prinsiplər əsasında həyata keçirilməli idi: ABŞ Latın
198
Amerikası ölkələrinin daxili işlərinə qarışmamalı; qarşılıqlı fayda və
dövlətlərin bərabərliyi əsasında ticarət müqavilələri bağlamalı; bu
ölkələrə texniki yardım göstərməli idi.
Mehriban qonşuluq siyasətinin başlıca məqsədi Amerika döv-
lətlərarası sistemini möhkəmləndinnək və Latın Amerikası ölkələrinə
Almaniyanın nüfuz etməsinin qarşısını almaq idi. Bu siyasət Amerika
qitəsi ölkələrinin mənafelərini ikitərəfli və ümumi səylərlə qorumağa
yönəlmişdi.
1933-cü ilin dekabr ayında Montevideoda (Uruqvay) keçirilən
Panamerika konfransında iştirak edən ABŞ dövlət katibi K.Hell
Mehriban qonşuluq siyasətini bir daha təsdiq etdi. Konfransda qitə
dövlətlərinin daxili və beynəlxalq işlərinə başqa ölkənin qarışmasını
qadağan edən bəyannamə qəbul olundu. 20 ildən artıq Kuba və
Haitidə saxlanılan amerikan orduları 1934-cü ildə geri çağırıldı. Kuba
ilə ticarəti məhdudlaşdıran Platt düzəlişi ləğv edildi. ABŞ Latın
Amerikası ölkələri ilə yeni ticarət sazişləri bağladı. Qısa müddətdə 11
ticarət müqaviləsi imzalandı. Həmin ölkələrə kapital ixracı artdı.
1934-35-ci illərdə ABŞ idxal-ixrac bankı Latın Amerikasının 18
ölkəsinə 500 mln. dollar istiqraz verdi.
1936-cı ilin dekabrında Buenos-Ayresdə (Argentina) keçirilən
Panamerika konfransında bu ölkələrin ümumi siyasətinin
mexanizmləri işlənib hazırlandı. Ruzveltin şəxsən iştirak etdiyi həmin
konfrans Mehriban qonşuluq siyasətinin çoxtərəfli əsasda qəbul
edilməsində mühüm rol oynadı.
Amerikan diplomatiyası Mehriban qonşuluq siyasətini 1938-ci
il dekabrın 9-27-də Limada (Peru) keçirilən Panamerika konfransında
bir daha möhkəmləndirdi. Qəbul edilən Lima bəyannaməsində
dövlətlər qitə həmrəyliyi, xarici müdaxilədən birgə qorunmaq
məqsədilə səyləri birləşdimıək barədə razılığa gəldilər. Beləliklə,
qərb yarımkürəsi ölkələrinin birliyi ideyası həyata keçirildi.
ABŞ xarici siyasətinin mühüm istiqamətlərindən biri SSRİ ilə
münasibətlər idi. Ruzvelt hökuməti SSRİ ilə münasibətlərin
qurulmasından ötrü təşəbbüs etdi. 1933-cü il noyabrın 16-da iki ölkə
199
arasında
diplomatik
münasibətlər
yaradıldı.
Diplomatik
münasibətlərin bərpa edilməsindən sonra SSRİ-nin ABŞ-dakı ilk
səfiri A.A. Troyanovski, ABŞ-ın SSRİ-dəki ilk səfiri isə V.K.Bullit
oldu. Sovet-Amerika münasibətlərinin qurulmasına siyasi realizm və
Uzaq Şərqdə SSRİ və ABŞ-ın rəqibi olan Yaponiyanın təcavüzkarlıq
hərəkətlərinin genişlənməsi də müəyyən təsir göstərdi.
Diplomatik münasibətlər qurulduqdan sonra çar Rusiyasının və
müvəqqəti hökumətin ABŞ-dan aldıqları borclar məsələsi də
müzakirə edildi. Borcun məbləği 75 mln. dollardan 150 mln. dolla-
radək müəyyənləşdirildi. 1934-cü ilin avqust ayında Moskvada
keçirilən danışıqlarda ABŞ tərəfi borcların ödənilməsini təkid etdi.
Sovet nümayəndə heyəti borcları qaytarmaq üçün amerikan
istiqrazları əvəzinə uzunmüddətli kreditə razı olduğunu bildirdi.
Amerikanlar ticarət üçün əmtəə kreditinin verilməsi təklifini irəli
sürdülər. Sovet hökuməti bununla razılaşmadıqda 1935-ci ilin yanvar
ayında ABŞ Dövlət Departamenti rəsmi şəkildə maliyyə- iqtisadi
məsələlər üzrə sovet-amerikan danışıqlarının dayandırıldığını
bildirdi. Bunun ardınca ABŞ-ın Moskvadakı baş konsulluğu
bağlandı. Səfirliyin ştatı ixtisar edildi. Borclar məsələsi sonrakı
illərdə ikitərəfli münasibətlərdə müzakirə olundu.
Bütün bunlara baxmayaraq, ticarət sahəsində əməkdaşlıqda bəzi
irəliləyişlər əldə edildi. 1935-ci il iyulun 13-də iki ölkə arasında
ticarət sazişi imzalandı. 1937-ci ildə isə həmin sazişin fəaliyyət
müddəti uzadıldı. Bundan sonra sovet xarici ticarətində ABŞ-ın
xüsusi çəkisi 7%-ə qalxdı. Digər sahələrdə də əlaqələr tədricən
genişləndi. İki ölkə arasında elmi və mədəni sahələrdə əməkdaşlıq
inkişaf etdirildi.
200
Dostları ilə paylaş: |