keçirdi. İşsizliyə qarşı fəaliyyət proqramı işlənib hazırlandı. 1930-cu
il sentyabrın 12-də parlament İşsizlərə yardım haqqında qanun qəbul
etdi. İşsizliyin səviyyəsini azaltmaq məqsədilə təşkil ediləcək ictimai
işlər üçün dövlət büdcəsindən 20 mln. dollar vəsait ayrıldı. İşsizliyi
aşağı salmaq üçün 1930-1940-cı illərdə 1 mlrd. 290 mln. dollar vəsait
xərcləndi. Ümumiyyətlə, bu illərdə ölkə əhalisinin təxminən 2 mln.
nəfəri işsiz idi. Hökumət sərt proteksionizm siyasətini həyata
keçirirdi. Böhran illərində tətil hərəkatı artdı. İşsizlərin və açların
Ottavaya yürüşləri oldu. 1932-ci ildə Kanada Sosial Bərpa Cəmiyyəti
yaradıldı. Bu, əslində yeni siyasi hərəkatın yaradılması demək idi.
Fəhlə-fermerlərin koalisiyası olan Kooperativ Əməkdaşlıq
Federasiyası yaradıldı.
Böhranın nəticələrini aradan qaldırmaq üçün tədbirlər həyata
keçirən hökumətin təklifi ilə 1935-ci ilin yayında parlament işsizlərin
sığorta edilməsi, 8 saatlıq iş günü və s. məsələlər haqqında qanunlar
qəbul etdi. Ölkəyə mühacirət etmək qadağan olundu. Görülən bu
tədbirlər Bennetin “Yeni kursu” adlandırıldı. Lakin həmin tədbirlər
növbəti parlament seçkilərində mühafizəkarları məğlubiyyətdən
qurtara bilmədi. 1935-ci ildə keçirilən parlament seçkilərində
liberallar 171, mühafizəkarlar 39, Bərpa Partiyası 1, fəhlə-fermer
koalisiyası 7, sosial-kreditçilər 17 mandat qazandılar. Kommunist
Partiyası isə seçkilərdə səs toplaya bilmədi. Yeni hökuməti Makenzi
Kinq yaratdı. Bu hökumət 1948-ci ilədək hakimiyyətdə oldu.
Böhrandan sonrakı illərdə Kanada iqtisadiyyatında yüksəliş baş
verdi. Yeni neft və filiz yataqları aşkar edildi. Hökumət ölkədə mənzil
problemini həll etmək məqsədilə ucuz evlər tikmək barədə iki qanunu
1937-38-ci illərdə parlamentdən keçirdi. 1937-ci ildə Gənclər
haqqında qanun qəbul edildi. Bu qanuna görə gənclərin təhsil alması
üçün 1 mln. dollar vəsait ayrıldı.
303
Xarici siyasət
30-cu illərdə Kanada xarici siyasətdə İngiltərənin beynəlxalq
aləmdə yeritdiyi ümumi xəttə əməl edirdi. Hökumət 1930-cu il
oktyabrın 1-dən noyabrın 14-dək Ottavada keçirilən imperiya
konfransında əlverişli tariflər tətbiq etməklə Britaniya imperiyası
daxilində ticarətin genişləndirilməsinə dair təklif irəli sürdü. 1931- ci
il dekabrın 11-də qəbul edilən Vestminster statutuna görə digər
dominionlar kimi Kanada da geniş hüquqlar aldı. Bu sənəd Kanada
xalqının milli maraqlarına cavab verirdi.
1932-ci il iyulun 2-dən avqustun 20-dək Ottavada imperiya
iqtisadi konfransı keçirildi. Burada əsasən ikitərəfli münasibətlər
müzakirə edildi. Kanada hökuməti İngiltərə, Cənubi Afrika İttifaqı,
Cənubi Rodeziya və İrlandiya ilə ikitərəfli sazişlər imzaladı.
İmzalanan sənədlər Ottava sazişlər sistemi adını aldı. Sazişlərlə
ikitərəfli münasibətlər tənzimləndi.
Kanada ABŞ-la münasibətlərin inkişafına xüsusi diqqət verirdi.
ABŞ prezidenti Ruzveltin dəvəti ilə Bennet 1933-cü ilin aprel ayında
Vaşinqtona səfər etdi. Səfər zamanı iki ölkə arasında ticarət
tariflərinin aşağı salınması barədə razılıq əldə edildi. Ticarət sazişi
yalnız 1935-ci il noyabrın 15-də Vaşinqtonda Kanadanın yeni baş
naziri M.Kinq tərəfindən imzalandı.
Xarici siyasətdə Millətlər Cəmiyyətində iştirak etmək mühüm
yer tuturdu. Kanada nümayəndə heyəti 1932-ci ilin fevral ayında
Millətlər Cəmiyyətinin Cenevrədə tərksilaha dair keçirilən
konfransında iştirak etdi. Kanada hökuməti İtaliyanın Həbəşistana
müdaxiləsinin Millətlər Cəmiyyəti tərəfindən qarşısının alınmasını
təklif etsə də bu işğalı 1938-ci ilin sonlarında rəsmi şəkildə tanıdı.
İkinci
dünya
müharibəsi
ərəfəsində
Kanada-SSRİ
münasibətlərində soyuqluq yarandı. Kanada hökuməti SSRİ-dən
alınan bir sıra məhsullar üzərinə embarqo qoydu.
30-cu illərin ikinci yarısında yaranmış mürəkkəb şəraitdə
Kanadanın xarici siyasətində təcridçilik və beynəlxalq öhdəliklər
götürməmək xətti üstünlük təşkil edirdi.
304
Kanada hökuməti 1937-ci ilin may ayında Londonda keçirilən
növbəti imperiya konfransında ölkənin suverenliyinə doğru mühüm
addım ataraq müharibə və sülh məsələlərində tam müstəqil fəaliyyət
göstərdiyini təsdiqlədi.
Kanada Almaniya ilə münasibətləri yaxşılaşdırdı. Baş nazir
M.Kinq 1937-ci ilin iyun ayında Berlinə səfər edərək Almaniya
rəhbərləri ilə görüşdü. Hitler imperiya konfransının qərarlarını və
konfransda Kanadanın tutduğu mövqeyi bəyəndi. Öz növbəsində bir il
sonra Kanada hökuməti Almaniyanın Avstriyanı birləşdinnə- sinə və
Çexoslovakiyanı tutmasına etiraz etmədi.
1938-
ci ildə ABŞ-Kanada ticarət sazişinin imzalanması, həmin
ilin avqust ayında prezident Ruzveltlə baş nazir Kinqin Kanadada
görüşməsi iki ölkə arasında münasibətləri yeni səviyyəyə qaldırdı.
ABŞ-Kanada münasibətlərinin inkişafı ölkədə, bütövlükdə qitədə
İngiltərənin mövqelərini zəiflətdi. Amerikan kapitalının nüfuzu
gücləndi.
1939-
cu ildə Böyük Britaniya rəhbərliyi Kanada baş naziri
tərəfindən qəbul edildi. Danışıqlarda ikitərəfli münasibətlərə dair
geniş fikir mübadiləsi aparıldı.
Kanada ikinci dünya müharibəsi illərində
İkinci dünya müharibəsinin başlanması Kanadanın daxili və
xarici siyasətinə ciddi təsir etdi. 1939-cu il sentyabrın 7-də Kanada
parlamentinin xüsusi sessiyasında ölkədən kənarda döyüşlərdə
istifadə olunmaq məqsədilə ümumi hərbi mükəlləfiyyət keçirilməsi
qadağan olundu. Müharibədə Kanadanın iştirakının yalnız xammal və
silah istehsal etmək, İngiltərəyə iqtisadi yardım göstərmək olduğu
bəyan edildi. Sentyabrın 10-da Kanada parlamentinin icmalar palatası
Almaniyaya müharibə elan etməyə razılıq verdi. Kanada müharibəyə
İngiltərə və onun müttəfiqləri tərəfindən qoşuldu. Ölkə iqtisadiyyatı
hərbi relsə keçirildi. 1940-cı il iyunun 20-də Milli ehtiyatların səfərbər
edilməsi haqqında qanun qəbul olundu. Höku
305
Dostları ilə paylaş: |