Uchinchisi – agrar sektorni davlat tomonidan tartibga solish
tizimini o‘zgartirish: tashkiliy tuzilmalarni qayta qurish va qishloq
xo’jaligini boshqarish usullarini o‘zgartirish. Texnika va asbob-
uskunalarni yetkazib berish uchun lizing munosabatlari shakllana
boshladi, qishloq xo‘jaligi faoliyatini ixtiyoriy sug‘urta qilish rivojlandi.
To‘rtinchisi – talab va taklifni hisobga olgan holda bozor
infratuzilmasi va qishloq xo‘jaligi ishlab chiqarish infratuzilmasini
shakllantirish. Isloh qilishning mazkur yo‘nalishi qishloq xo‘jaligi
tashkilotlarining kommunal xo‘jaligi va ijtimoiy infratuzilma ob'ektlarini
saqlab turish funksiyalaridan xalos etilishi bilan bog‘liq.
Mustaqillikning dastlabki kunlaridan boshlab O‘zbekistonda
respublikamizning
o‘ziga
xos
xususiyatlari
va
sharoitlarini
xalqimizning, mentaliteti, an'analari, urf-odatlari va turmush tarzini,
shuningdek o‘tmishdagi iqtisodiyotni bir tomonlama rivojlantirishning
og‘ir oqibatini har tomonlama hisobga olishga asoslangan o‘ziga xos
agrar siyosat ishlab chiqildi.
O‘zbekistonda mamlakatimizning mavjud ishlab chiqarish
salohiyatini hisobga olgan holda ishlab chiqilib, amalga oshirilayotgan
davlat agrar siyosati quyidagi vazifalarni o‘z oldiga qo‘ydi:
1) paxta xomashyosi yetishtirishni mamlakatimizning yillik eksport
va valyuta balansini barqarorlashtirish uchun zarur bo‘lgan hajmda
saqlab qolish;
2) mamlakatimizning iqtisodiy suverenitetini ta'minlash uchun
g‘alla mustaqilligiga erishish;
3) sanoatni hamda ijtimoiy infratuzilma va bozor infratuzilmasini
rivojlantirish uchun qishloq xo‘jaligida shakllangan daromadning bir
qismini boshqa tarmoqlarga qayta taqsimlash;
4) qishloq aholisining turmush darajasini
yaxshilash va
farovonligini oshirish. Yer islohotining amalga oshirilishi natijasida
qishloqda xususiy tadbirkorlikni rivojlantirish uchun asos solindi.
10
Bularning barchasi xususiy sektorda ishlab chiqarishning tez o‘sishiga
va qishloq oilalari real daromadlarining oshishiga xizmat qildi.