Çapdan sonrakı proseslər və avadanlıqlar 5s müh, 15s məş, 15s lab. Muhazirə Çapdan sonrakı proseslər haqqında ümumi məlumat

Muhazirə 16

Blokların cild qapaqlarında yerləşdirilməsi

Blokların cild qapaqlarında yerləşdiril­mə­si, yəni blokların cild qapaqları ilə birləşdirilməsi kitabın hazırlanmasında məsuliyyətli əməliyyatlardan hesab olunur. Bu əməliyyatın yerinə yetirilməsinin keyfiyyətindən kitabın xarici görünüşü və möhkəmliyi, həmçinin kitabdan istifadə etmənin rahatlığı asılıdır. Bloku qapağa, adətən forzasın xarici tərəflə­ri­nin və kötüyün materialının klapanlarını cild qapağının daxili tərəflərinə yapışdırmaqla birləşdirirlər. Blokun qapaqda yerləş­di­ril­məsində blokun qapaqla düzgün yerləşdirilməsi və çəplik olmadan forzasın bütün səthinin ona möh­kəm yapışdırılması böyük rol oynayır. Kitabın tirajından, onun formatından və yer­ləş­dirmənin həcmindən asılı olaraq, yerləşdirmə əl ilə və ya kitab­yerləşdirmə maşınlarında yerinə yetirilir.