136
10 il öncə başlanan yol
eyni vaxtda beş komandanın istifadə edə biləcəyi duşxana, hər biri 6-7 nəfərlik,
hər cür şəraitli 3 otağı vardır. Kompleks telefon rabitəsi, radiotranslyasiya, isti-
soyuq kondisionerlər, ventilyasiya sistemi və isti su qurğuları ilə təmin olunmuş-
dur.
Gəncə Olimpiya İdman Kompleksinin üzgüçülük hovuzu isə 2006-cı il okt-
yabrın 31-də istifadəyə verildi. Prezident İlham Əliyev bu münasibətlə təşkil
olunan mərasimdə iştirak etdi və rəmzi açılışı bildirən lenti kəsdi. Bu komplek-
sin genişləndirilməsi Azərbaycan Milli Olimpiya Komitəsinin regionlarda idmanın
inkişaf etdirilməsi istiqamətində həyata keçirdiyi tədbirlərin bir hissəsidir. Hovuz
uzunluğu 25, eni 15, dərinliyi isə 2 metr olan qapalı idman qurğusudur. 150
tamaşaçı tutumu olan bu hovuzda beynəlxalq səviyyəli yarışların da keçirilməsi
mümkündür.
Şəki Olimpiya İdman Kompleksi şəhərin girəcəyində yerləşir. Bu idman mərkəzi
digər şəhərlərdə bundan əvvəl tikilib istifadəyə verilmiş qurğulardan daha geniş
və gözəldir. 700 və 400 tamaşaçı tutumuna malik olan iki zaldan, trenajor za-
lından başqa, kompleksin həyətində açıq tennis kortu, basketbol və voleybol
meydançaları da vardır.
Şəkidəki kompleksi digərlərindən fərqləndirən əsas cəhət, ilk dəfə məhz bu-
rada üzgüçülük hovuzunun komplekslə birgə tikilərək istifadəyə verilməsidir. 25
metr uzunluğu olan bu qurğuda üzgüçülüklə məşğul olmaq üçün hər cür şərait
vardır. Şəki Olimpiya İdman Kompleksinin əvvəlkilərdən digər fərqli cəhəti bura-
da yaşamaq üçün əla şəraitli kotteclərin olmasıdır. Kompleksin həyətində müasir
səviyyədə tikilmiş, yüksək tələblərə cavab verən 14 lüks kottecin hər birində 4
nəfərin rahat yaşaması üçün hər cür şərait yaradılıb. Kotteclərin hər biri iki otaqdan
ibarətdir və otaqlar hərəsi 2 nəfərlikdir. Bundan başqa kompleksdə ikimərtəbəli
superlüks kotteclər də inşa olunub.
2002-ci il noyabrın 9-da bu şəhərdə idman kompleksinin təntənəli açılış
mərasimində iştirak edən prezident Heydər Əliyev qurğunun imkanlarını yüksək
qiymətləndirdi və xeyir-dua verməklə bərabər, həm də yerli gənclərə xitabən
kompleksdən səmərəli istifadənin vacibliyini vurğuladı.
MOK prezidenti İlham Əliyev nitqinə bu idman qurğusunun tikintisinə rəvac
verən kiçik tarixçə ilə başladı: “Təxminən bir il əvvəl Şəkidən Milli Olimpiya
Komitəsinə müraciət gəldi ki, biz burada inşası yarımçıq qalmış bir idman qurğu-
sunu bərpa edək. Mütəxəssisləri göndərdik və bütün məsələləri təhlil edəndən
sonra belə qərara gəldik ki, o köhnə, demək olar ki, dağılmış vəziyyətdə olan
idman qurğusunun əvəzinə Şəkidə yeni, müasir Şəkiyə yaraşan və eyni zamanda
ona əlavə yaraşıq verən bir idman kompleksi tikək. Qısa müddət ərzində biz
bunu yaratdıq və bu gün kompleks açılır, idmançıların sərəncamına verilir”.
Görülən işlərin yalnız bir amala - idmançılarımızın beynəlxalq arena-
da qələbələrinə, üçrəngli bayrağımızın yüksəldilməsinə və dövlət himnimizin
səsləndirilməsinə xidmət etdiyini qeyd edən MOK prezidenti kompleksin rəmzi
olimpiya məşəlini alovlandırdı.
Gözəl təbiəti ilə fərqlənən Bərdədə Olimpiya İdman Kompleksinin təntənəli
açılış mərasimi 2003-cü il oktyabrın 7-də keçirildi. Açılış mərasimindəki nitqində
MOK prezidenti İlham Əliyev qeyd etdi ki, ölkəmizdə aparılan quruculuq işləri,
yeni idman obyektlərinin inşası və digər sahələrdəki yeniliklər ulu öndər Heydər
Əliyevin əsasını qoyduğu iqtisadi inkişaf sayəsində mümkün olmuşdur.
Kompleksin 600 nəfərlik böyük zaldan başqa, trenajor zalı, həyətində isə
müxtəlif idman növləri üçün nəzərdə tutulmuş meydançalar vardır. Bərdə Olim-
piya İdman Kompleksində həm komanda, həm də təkbətək idman növləri ilə
məşğul olmaq üçün gözəl şərait mövcuddur.
137
İlham Əliyevin təşəbbüsü ilə sonradan Bərdədə üzgüçülük mərkəzi də inşa
edilmiş, 2004-cü il sentyabrın 7-də istifadəyə verilmişdir.
Münbit təbii şəraitə malik Lənkəranı “yaşıl şəhər” də adlandırmaq olar.
Ölkəmizin bu cənub şəhəri həm də Xəzər dənizi sahilində yerləşdiyinə görə
əlverişli coğrafi şəraitə malikdir. Lənkəran şəhərinin yaxınlığında tikilmiş olimpiya
idman kompleksi, öz iqliminin gözəlliyi ilə diqqəti daim cəlb etmiş, Azərbaycanın
bu dilbər guşəsində idmançıların daha səmərəli hazırlığı baxımından böyük
əhəmiyyət kəsb edir. Burada 2003-cü ildə istifadəyə verilmiş yeni olimpiya idman
kompleksi həm də gənclərin bədən tərbiyəsi ilə məşğulluğu potensialını artırır.
Qeyd edək ki, həmin kompleksin yaxınlığında müasir otel tikilib istifadəyə verilmiş-
dir ki, bu da bölgədə idmançıların rahatlığı ilə yanaşı, həm də beynəlxalq yarışların
təşkilini mümkün edir.
2003-cü il oktyabrın 9-da təntənəli mərasimlə istifadəyə verilən qurğunun
açılış mərasimində Milli Olimpiya Komitəsinin prezidenti İlham Əliyev iştirak edib.
Azərbaycanın səfalı rayonlarından sayılan Qubada inşa edilmiş yeni Olimpiya
İdman Kompleksi ölkəmizdəki mövcud digər idman qurğularından özünün və
imkanlarının genişliyi ilə fərqlənir. İdmançıların təlim-məşq toplantılarının yüksək
səviyyədə təşkilinə şərait yaradan bu kompleks çoxşaxəlidir. Bunu Milli Olimpi-
ya Komitəsinin prezidenti İlham Əliyev 2003-cü il oktyabrın 11-də həmin idman
mərkəzinin açılış mərasimindəki çıxışında xüsusi qeyd etmişdi: “Bu kompleks bir
neçə vəzifəyə xidmət edəcəkdir. Bu, çox möhtəşəm bir kompleksdir. Burada həm
qapalı idman salonu, qapalı hovuz, stadion, idman meydançaları, həm də otel,
kotteclər, digər infrastruktur yaradılıbdır.” MOK prezidenti geniş nitqində onu da
Naxçıvan Olimpiya İdman Kompleksinin
açılış mərasimində
Maddi-texniki baza möhkəmlənir