131
İdmanın inkişafı üçün əsas amillərdən olan müasir olimpiya idman
komplekslərinin tikintisi son zamanlar ölkəmizdə sürətlə aparılır və diqqəti xüsusilə
özünə cəlb edir. Çünki idmançıların uğurlu çıxışı üçün ilk növbədə onların məşq
şəraitinin yüksək səviyyədə olması tələb olunur. Bu baxımdan Bakıda və ölkənin
əyalətlərində tikilən yeni, müasir idman kompleksləri mühüm əhəmiyyət kəsb
edir. Bu yeni idman qurğuları təkcə idmanın inkişafı baxımından deyil, əhalinin
sağlamlığı və asudə vaxtını səmərəli keçirməsi üçün də əlverişlidir.
1997-ci ildə İlham Əliyevin Milli Olimpiya Komitəsinə prezident seçilməsin-dən
sonra bu qurumun fəaliyyətindəki canlanma təkcə olimpizmin təbliği, idmançı-
larımızın Olimpiadalarda iştirakını təmin etməklə bitmədi, həm də maddi-texniki
bazanın gücləndirilməsi sahəsini də əhatə etməyə başladı.
İlk öncə paytaxtdan başlayan bu hərəkat, az sonra əyalətlərə doğru
istiqamətləndi. Ölkəmizdə idmanın inkişafı üçün mühüm əhəmiyyət kəsb edən
tikinti-quruculuq prosesi Bakının Nərimanov rayonunda, metronun “Gənclik”
stansiyası yaxınlığında ilk olimpiya idman kompleksinin inşası ilə start götürdü.
2000-ci il oktyabrın 21-də, Sidneydə ilk qızıl medal qazanılandan düz bir ay son-
ra kompleks idmançıların ixtiyarına verildi. Bu idman qurğusu iki böyük zaldan
ibarətdir. 560 tamaşaçı tutumuna malik böyük zalda əsasən komanda-oyun
növləri inkişaf etdirilir. Basketbol, həndbol, voleybol və digər növlər üzrə ölkə
çempionatı əsasən bu zalda təşkil edilir. 430 tamaşaçı tutan digər zalda təkbətək
idman növləri ilə məşğul olmaq üçün lazımi şərait yaradılıb. Bu idman mərkəzində
həmçinin, trenajor zalı da fəaliyyət göstərir.
Kompleksin təntənəli açılış mərasimində Azərbaycan Respublikasının Prezi-
denti Heydər Əliyev və o zaman Avropa Olimpiya Komitəsinin prezidenti, indi isə
Beynəlxalq Olimpiya Komitəsinə rəhbərlik edən Jak Roqq, həm də AOK-un baş
katibi Mario Peskante iştirak edirdilər.
Avstraliyanın Sidney şəhərində keçirilmiş XXVII Yay Olimpiya Oyunlarında me-
dal qazanmış idmançılarımız - Zemfira Meftəhəddinova, Namiq Abdullayev və
Vüqar Ələkbərov prezident Heydər Əliyevlə səmimi görüşərək ona gül dəstələri
təqdim etdilər. Dövlətimizin rəhbəri Heydər Əliyev və Jak Roqq kompleksin açılı-
şını bildirən rəmzi qırmızı lenti birlikdə kəsdilər.
Burada idmanın müxtəlif növləri üzrə məşqlərin və beynəlxalq yarışla-
rın keçirilməsi üçün hər cür şəraitin olduğu barədə Azərbaycan Prezidentinə
məlumat verildi. Heydər Əliyev bu gözəl idman qurğusunun ayrı-ayrı otaqlarını
gəzdi, gənc idmançılara yaradılan şəraitlə maraqlandı, onların çıxışlarına tamaşa
etdi. Ulu öndərimiz həmçinin, ayrı-ayrı regionlarda bünövrəsi qoyulmuş yeni id-
man qurğularının maketləri ilə tanış oldu.
Daha sonra, kompleksin böyük idman zalında təntənəli açılış mərasimi keçiril-
di. Mərasimi giriş sözü ilə açan MOK prezidenti İlham Əliyev hamını salamladıq-
dan sonra, idmana göstərdiyi qayğıya görə idmançılar adından xalqımızın müdrik
rəhbərinə təşəkkür etdi. Olimpiya çempionu Namiq Abdullayev və nüfuzlu qo-
naq Jak Roqq Azərbaycanda idmana diqqətin yüksək səviyyədə təşkilindən və
bunun Heydər Əliyevin adı ilə bağlı olduğundan danışdılar.
Prezident Heydər Əliyev mərasimdə geniş nitq söylədi. İdmançılara və MOK
rəhbərliyinə uğurlar arzulayan dövlətimizin başçısı son zamanlar idman sahəsində
görülən işləri yüksək qiymətləndirdi. Gənclərin sağlam həyat tərzinə yiyələnməsi
üçün idmanın, bədən tərbiyəsinin kütləviliyinin böyük əhəmiyyətini vurğula-
dı. Ölkədə olimpiya hərəkatının geniş vüsət aldığını, son illərdə idmançılarımı-
zın uğurlu çıxışlarının Sidney Olimpiadasında öz zirvəsinə çatdığını qeyd edən
ulu öndər, bu uğurları hamının səbirsizliklə gözlədiyini qeyd etdi: “Ona görə
gözləyirdik ki, Azərbaycanda idman, olimpiya hərəkatı yüksək səviyyəyə çatıbdır.
Maddi-texniki baza möhkəmlənir
132
10 il öncə başlanan yol
Bizim çox gözəl, güclü və bacarıqlı idmançılarımız vardır. Biz ona görə gözləyirdik
ki, yola salarkən onlar Azərbaycan dövlətinə, xalqına söz vermişdilər ki, qələbə
qazanacaqlar, qələbə ilə Vətənə dönəcəklər. Bizim istəklərimiz və Milli Olimpiya
Komitəsinin, idmançılarımızın verdiyi söz yerinə yetirilibdir. Azərbaycan idmançıları,
müstəqil Azərbaycan ilk dəfə dünya olimpiya oyunlarında, XXVII Sidney Yay Olim-
piya Oyunlarında misli görünməmiş
nailiyyətlər əldə etdilər, qələbə qazandılar”.
Beləliklə, ölkəmizdə müstəqillik illərində tikilən ilk idman qurğusu ulu öndər
Heydər Əliyevin xeyir-duası ilə öz qapılarını idmançılarımızın üzünə açmış oldu.
MOK-un yeni inzibati binası 2001-ci il martın 27-də istifadəyə verildi. Açılış
mərasimində qırmızı lenti kəsən Azərbaycan Prezidenti Heydər Əliyev, MOK-un
quruculuq işlərinin təqdirəlayiq olduğunu qeyd etməklə, ona yeni-yeni uğurlar
arzuladı.
Maştağa qəsəbəsində həmin il dekabrın 29-da istifadəyə verilən kompleks
isə Milli Olimpiya Komitəsinin tikdirdiyi ikinci olimpiya idman qurğusu idi. İdmana
xüsusi qayğısı daim hiss olunan dövlət başçımız Heydər Əliyev bu kompleksin
açılışında da iştirak edərək öz xeyir-duasını verdi.
Paytaxtımızın inzibati ərazisi hesab olunan Maştağa qəsəbəsinin girəcəyində
tikilmiş bu kompleks gözəl memarlıq üslubuna malikdir. Bir böyük zaldan ibarət
olan (tamaşaçı tutumu 600 nəfərdir) idman mərkəzinin ətrafında gözəl yaşıllıq zo-
lağı salınıb. Bu kompleksin həyətində həmçinin tennis kortu, yüngül atletika cıdırı
və voleybol meydançası da fəaliyyət göstərir. Kompleksin daxili zalına gəlincə, bu-
rada geniş və rahat salonda həndbol, futzal, ağırlıqqaldırma, güləş, cüdo, karate
kimi növlər üzrə məşğələlər aparılır. Şəhərə yaxın, lakin ekoloji cəhətdən təmiz
havanın mövcud olduğu qəsəbədə yerləşməsi Maştağa Olimpiya İdman Komp-
leksinin fiziki sağlamlıq və istirahət baxımından dəyərini xeyli artırır.
Prezident Heydər Əliyevin təklifi ilə inşa edilən bu kompleks çox qısa vaxt
ərzində tikilərək istifadəyə verilibdir. Böyük öndər kompleksin açılış mərasimindəki
nitqində qurğunun meydana gəlməsinin tarixçəsi barədə bunları demişdi: “Bu ilin
(2001-ci il - red.) martında Maştağadan olan deputat Əsmətxanımla (Əsmətxanım
Məmmədova - red.) qəsəbədəki vəziyyət haqqında söhbət aparırdım və istəyirdim
bilim, görüm, nə etmək lazımdır. Bizim söhbətimiz əsnasında aydın oldu ki, həm
Gənclər və idman naziri Azad Rəhimov
prezident İlham Əliyevə Salyan Olimpiya
Kompleksinin tikinti işləri barədə
məlumat verir