CÜMHURİYYƏT QURUCULARI
430
zifə ilə Avropaya gəldik. Yeni təşkil etdiyimiz Azərbaycan dövlətini başqa mə-
dəni millətlər və Sülh Konfransına toplanmış böyük dövlətlər tərəfindən rəsmi
surətdə tanıtdırmışdıq. Misyonumuzun üç ay sonunda bitəcəyini zənn edirdik”
9
.
C.Hacıbəylinin də daxil olduğu Azərbaycan nümayəndə heyəti 1919-cu ilin
əvvəllərində böyük çətinliklə Parisə getdi. Onlar qısa müddət ərzində Azərbay-
canla bağlı 3 kitab və 12 informasiya bülleteni çap edib Avropa ictimaiyyətini
məlumatlandırdılar.
1919-cu ilin sonlarında C.Hacıbəylinin fransız dilində nəşr edilən
“Revyü dyu Mond Myuzulman” jurnalında “Birinci Müsəlman Respublika-
sı – Azərbaycan” məqaləsi çap olundu
10
.
İki çap vərəqi həcmində olan bu məqalədə yığcam, lakin çox məzmunlu for-
mada Azərbaycanın tarixi, coğrafiyası və inkişafı haqqında məlumat verilmişdi.
1920-ci ilin yanvarın 11-də Azərbaycan de-fakto olaraq dünya dövlətləri
tərəfindən tanındı. Bu böyük hadisənin baş verməsində C.Hacıbəylinin də bö-
yük xidməti olmuşdur.
1920-ci ilin 27 aprelində Azərbaycan Rusiya bolşevikləri tərəfindən işğal
edildikdən sonra nümayəndə heyətinin digər üzvləri kimi C.Hacıbəylinin Azər-
baycana qayıtması mümkün olmadı. C.Hacıbəyli Fransada qalıb Azərbaycanın
Rusiya bolşeviklərindən azad edilməsi uğrunda mübarizə apardı.
C.Hacıbəyli Azərbaycanın tarixi, mədəniyyəti, ədəbiyyatı ilə bağlı məqa-
lələr yazıb Fransa ictimaiyyətini bilgiləndirirdi.
1920-ci illərdə o, Ü.Hacıbəylinin “Arşın mal alan” əsərini fransız dilinə tər-
cümə edib tamaşaya qoydu. C.Hacıbəyli 1926-cı ildə “Azərbaycan teatrı” adlı
məqalə yazaraq “Revyü dyu Mond Myuzulman” jurnalının 3-cü sayında çap etdi-
rib fransız oxucularına H.Cavid, C.Cabbarlı kimi məşhur dramaturqların yaradıcı-
lığı haqqında məlumatlar verdi
11
.
O, 1928-ci ildə “Aziatik” jurnalında çap olunan “A.Bakıxanov” məqaləsində
fransız oxuculara Azərbaycanın görkəmli alimini tanıtdı.
C.Hacıbəylinin 1931-ci ildə “Aziatik Revyu” jurnalının 27-ci cildinin 90-cı sayın-
da dərc edilmiş 1905-1910-cu illər Azərbaycan mətbuatı haqqındakı məqaləsi çox
əhəmiyyətli idi.
C.Hacıbəyli 1933-cü ildə “Aziatik” jurnalının yanvar-mart ayındakı sayında
“Qafqaz Azərbaycanının Qarabağ dialekti”adlı elmi məqaləsini də çap etdirdi.
9
Ceyhun Hacıbəyli. “Azərbaycan” davam edir. “Azərbaycan”, 1951, №1. Münhen, s. 3.
10
Р. Абуталыбов. Годы и встечи в Париже. Б., 2006, с. 57.
11
M.Əliyev. Ceyhun Hacıbəyli. “Odlar Yurdu” qəzeti, №20, oktyabr 1988.
CEYHUN HACIBƏYLİ
431
Bundan əlavə, o, Almaniyanın Münhen
C.Hacıbəylinin “İslam əleyhinə
təbliğat və onun Azərbaycanda
üsulları” kitabı. Münhen, 1959-cu il.
şəhərində Azərbaycan və rus dillərində nəşr
olunan “Azərbaycan” jurnalında müxtəlif yazı-
lar da çap etdirdi. O, bu yazılarında Azərbayca-
nın tarix və mədəniyyətini təbliğ etməklə ya-
naşı, sovet rejiminin işğalçı mahiyyətini də
tənqid atəşinə tuturdu.
C.Hacıbəyli mühacirətdə olduğu dövrdə
Qafqaz xalqlarının təmsiçiləri ilə də tez-tez
görüşür, müxtəlif tədbirlərdə iştirak edirdi.
1936-cı ilin dekabrın 9-da Parisdə üç
Qafqaz Respublikası Şurasının Müstəqil
Qafqaz Komitəsi üzvlərinin iştirakı ilə keçirilən
iclasında C.Hacıbəyli də vardı. Həmin görüş-
də Azərbaycan adından Ə.M.Topçubaşov və
X.Sultanzadə (Sultanov), gürcülərdən A.Çxen-
keli, Ş.Amiredjibi, N.Ramişvili, Q.Qvazava, Dağ-
lılardan H.Bammat və A.Germoyev də iştirakçı idi.
Tədbirin əsas mövzusu Üç Respublika Şurası ilə Müstəqil Qafqaz Komitə-
sinin münasibətlərinin aydınlaşdırılması idi. Geniş müzakirədən sonra hər iki
təşkilatın eyni hüquqlar çərçivəsində Qafqaz Respublikalarının müstəqilliyinin
bərpası üçün mübarizə aparması razılaşdırıldı
12
.
Qeyd edək ki, C.Hacıbəyli 1920-ci ilin 27 aprelindən – Azərbaycanın işğal
edildiyi vaxtdan başlayaraq bolşevik rejiminə qarşı kəskin siyasi mübarizə apa-
rırdı. Bununla əlaqədar olaraq mühacirətdə yaradılan təşkilatların fəaliyyətində
onun imzasına tez-tez rast gəlmək mümkündür. C.Hacıbəylinin bu çalışmaları
onun tanınmış siyasi xadimlərlə yazışmalarında daha geniş əksini tapmışdır.
Azərbaycan işğal edildikdən sonra 1920-ci ilin 15 iyulunda Ə.Topçubaşov
Belçikanın SPA şəhərindən C.Hacıbəyliyə göndərdiyi qeydində yazırdı: “Əzizim
Ceyhun bəy! Burda nə mümkün idisə etdik: nota verdik, ayrı-ayrı müttəfiqlərin
bir neçə katibləri ilə, eləcə də İtaliyanın, Belçikanın, Polşanın nazirləri ilə görüş-
dük. Bu gün ikinci notanı verdik və surətini faydalanmağınız üçün göndərirəm
(Abbas bəydən götürün). Bu gün Paderevski ilə (məşhur Polşa musiqiçisi və Pol-
şanın Xarici İşlər Naziri – red.) görüşdük. Görüşümüzdə ətrafl ı danışaram. Hələlik
12
Кавказская Конфедерация в официальных декларациях, тайной переписке и секретных
документах движения “Прометей”. Сборник документов. М., 2012, с. 70.
CÜMHURİYYƏT QURUCULARI
432
xanım Broşenin (Dabs-Broşe – İsveçrə yazıçısı – red.) bizim burada olmağımız
haqqındakı qeydlərini göndərirəm. Olsun ki, bu qeydləri SPA-dan məqalə kimi
qəzetdə çap edəsiniz.
Sabah Brüsselə gedirik və ümid edirəm ki, bazar günü Parisdə görüşərik.
Hamıya, xüsusən Zöhrəyə salamlar, uşaqları öpürəm. Salamat olun. Ə.M.Topçu-
başov”
13
.
C.Hacıbəyli Azərbaycan Cümhuriyyəti dövründə xaricdə təhsil almağa gön-
dərilmiş və Azərbaycan işğal edildiyinə görə maddi köməkdən məhrum edilən
tələbələrə də qayğı göstərirdi. Parisdə yaşayan Azərbaycanlı Tələbələr Assosiasi-
yasının 1922-ci ilin 6 iyulunda C.Hacıbəyliyə göndərdiyi məktubda yazılırdı: “Hazır-
da Komitə diqqətinizə çatdırır ki, Fransada oxuyan azərbaycanlı tələbələrin ümu-
mi yığıncağı 16 iyun tarixli iclasında təş-
C.Hacıbəylinin M.Ə.Rəsulzadəyə
məktubu. 30 iyun 1936-cı il.
kilatımıza ayırdığınız 300 franka görə Sizə
təşəkkür bildirmişdir. Böyük hörmətlə,
Komitənin sədri, C.Rəhimov”
14
.
S.Mümtaz adına Azərbaycan Res-
publikasının Dövlət Ədəbiyyat və İn-
cəsənət Arxivində saxlanılan 648 və
649 saylı fondlardan Ə.M.Topçubaşov
və C.Hacıbəyli arasında olan yazışma və
qeydlərdən də onların mühacirətdəki
fəaliyyətini öyrənmək mümkündür.
C.Hacıbəylinin Azərbaycanın tanın-
mış dövlət xadimi M.Ə.Rəsulzadə ilə
də 1920-1930-cu illərə aid yazışmaları
mövcuddur. M.Ə.Rəsulzadənin 1932-ci
ildə dekabrın 10-da Varşavadan C.Ha-
cıbəyliyə göndərdiyi bir məktubda
“İstiqlal” qəzetinin siqnal nüsxəsi üçün
hazırlanmış bir anketə diqqət göstəril-
məsinin vacibliyi qeyd olunmuşdur. Həmin anketdə Qafqaz Konfederasiyasının
fəaliyyəti ilə bağlı suallar qoyulmuşdur
15
.
13
S.Mümtaz adına Azərbaycan Respublikasının Dövlət Ədəbiyyat və İncəsənət Arxivi, f. 648, s. 6, iş 2, v. 2.
14
А.М.Топчибаши. Документы из личных архивов 1903-1934 гг. М., 2012, с. 187.
15
М.Э.Расулзаде. Сборник произведений и писем. М., 2010, с. 348-349.
Dostları ilə paylaş: |