Damğalar, rəmzlər… mənimsəmələr
- 75 -
1.Arkaim qala-şəhərciyinin bərpa olunmuş maketi; 2. Arkaim şəhərinin yuxarıdan çəkilmiş
planı; 3.Qobustan qayaüstü təsvirlərində (Böyükdaş) eyni tipli qədim yaşayış məntəqəsinin
sxematik planı;
101
4. Erkən Tunc dövrünə aid Dəmirçihüyük (Türkiyə, Əskişəhir) arxeoloji
abidələri içərisində aşkar olunmuş qədim tikilinin planı;
102
5. Şumer və Akkad hökmdarı
Şulqanın (Şülga, Şülgir) eramızdan əvvəl 2094-cü ildə tikdirdiyi məbədin rekonstruksiyası; 6.
Assuriya relyefinə əsasən Midiya qalası (eramızdan əvvəl VIII əsr);
103
5.Midiya dövlətinin
Kişessu qalasının rekonstruksiyasının eskiz-layihəsi (D.Axundova görə).
104
Bütün bunlarla yanaşı, Arkaim və Xəzər dənizi sahillərində yaşayan qədim
101
И.Джафарзаде. «Гобустан. Наскальные изображения», Баку, 1973
102
Turan Efe. «Eskişehir bölgesi tarihöncesi dönem araştirmalari ve Önasya arkeolojisi içindeki yeri», http://
kulluobakazisi.bilecik.edu.tr/Dosya/Arsiv/ara%C5%9Ft%C4%B1rma%20tarih%C3%A7esi2.pdf
103
И.Дяконов. «История Мидии», Москва, 1956
104
Д.Ахундов. «Архитектура древнего ранне-средневекового Азербайджана». Баку, 1986.
Damğalar, rəmzlər… mənimsəmələr
- 76 -
xalqların mədəniyyətləri arasında bağlılığın olmasına dair Rusiya alimlərinin
qənaətlərində həqiqət vardır. Bu iddiaların gerçəkliyə uyğun olmasını
təsdiqləyən amillərdən biri Qobustanın nadir qayaüstü təsvirləridir. Tanınmış
Azərbaycan arxeoloqu, Qobustan təsvirlərinin tədqiqatçısı professor İshaq
Cəfərzadə hələ ötən əsrin ortalarında aşkar etdiyi yüzlərlə unikal petroqlif
içərisində «Böyükdaş» adlanan ərazidə, 99 saylı yazılı daş üzərindəki rəmzin
uzaq keçmişdə Abşeron yarımadası ilə Ural dağlarının Şərq ətəkləri arasında
genetik əlaqə qurmasına və Cənubi Qafqazda Arkaim qala-dövlətindən daha
qədim olan prototip yaşayış məntəqəsinin mövcudluğuna dair ehtimallar irəli
sürməyə imkan verir. Əlavə arxeoloji tədqiqatlar tələb edən bu ehtimalların
sübuta yetirilməsi isə türklərin tarixi vətənləri, miqrasiya istiqamətləri və köç
dövrləri haqqında qurama «Altay nəzəriyyəsinin» siyasi məqsədlər daşıdığını,
tarixi faktlara söykənmədiyini göstərəcəkdir. Böyükdaşdakı «sxem»
heyrətamiz dərəcədə Arkaim qalası planını xatırladır. Burada da iç-içə iki
dairəvi qala divarları, radial şəkildə bölünmüş məhəllələr və yaşayış evləri,
mərkəzi meydan və çevrə boyu paralel küçələr, qədim türklərin «temirkapu»
(dəmir qapı) adlandırdıqları müdafiə xarakterli tələ-giriş hissələri həkk
olunmuşdur. Kür-Araz mədəniyyətinə aid tikililərin təkcə regionda deyil,
Xəzər dənizinin şərq sahillərində də yayılmasını nəzərə alsaq, Böyükdaş
sxem-təsviri həmin çağlarda təkcə Cənubi Qafqazda deyil, digər Avrasiya
ərazilərində yaşayış məntəqələrinin eyni tip üzrə salınmasına dair qənaətləri
əsaslandırmağa şərait yaradacaqdır.
Qədim təsvirlərin təhlili bir daha təsdiqləyir ki, Midiya dövlətinin Xarxar
şəhəri, eramızdan 2000-1000 il əvvələrə aid olan Naxçıvanın Oğlanqala
abidəsi və digər tikililər də həmin planlaşdırma üsulu ilə inşa edilmişdir. İlkin
ehtimallara əsasən, «Azərbaycan Arkaiminin» - ən qədim qala-şəhərinin
qalıqlarını Böyükdaş abidəsi ilə coğrafi yaxınlığına və relyef şəraitinə görə
Abşeron yarımadasında axtarmaq lazımdır. Belə namizədlər sırasında «Xəzər
Atlandidasını» - Səbayıl qalasını və ya qədim dövrlərdə indiki Bakı şəhəri
ərazisində, İçərişəhərin hududlarında salınmış yaşayış məskənini önə çəkmək
olar. Bu sxemin qədim Bakıya aid olduğunu təsdiqləyən bir amil onun da
bir tərəfinin giriş-çıxış məqsədilə açıq olmasıdır. Çox güman ki, həmin yer
Xəzər dənizinin sahili, şəhər qala divarlarının ara hissəsi - Qız Qalasının
yerləşdiyi ərazidir. Beləliklə, sonralar müstəqil damğa işarələrinə çevrilərək
Damğalar, rəmzlər… mənimsəmələr
- 77 -
«məskunlaşma» anlamını verən rəmzlərinin ilkin semantikasını (yaşayış
məskənləri planını) əsas götürsək, «Çelyabinsk Arkaiminin» həmin tipli
tikililər silsiləsinin davamı olması qənaətini irəli sürə bilərik.
İndi yenidən qədim türk yazı sisteminin qrafemlərinə və ortaq damğa
işarələrinə qayıdaq. Qeyd olunduğu kimi, ortaq damğaların bir çoxunun
qrafik variantlarına Orxon-Yenisey kitabələrində əlifba işarələri kimi rast
gəlinir. Bununla da ibtidai rəmzlər əsasında yaranmış əlifbaların ilkin
variantlarının dəqiq xronoloji ardıcıllığa əsasən yayılma areallarının
öyrənilməsi tarixi və etnoqrafik araşdırmalarda pozitiv missiyaya çevrilməklə,
əcdadların etnik mənşəyi, inancları, mədəni həyatı, məişəti, miqrasiyası, ən
vacibi isə türk xalqlarının tarixi vətəni barədə əlavə məlumat mənbəyi kimi
qiymətləndirilməlidir. Görkəmli Krım tatar maarifçisi, arxeoloq, etnoqraf
Osman Akçokraklı təkcə Krım yarımadasındakı qayaüstü təsvirlərdə, məzar
daşlarında, qədim tikililər və tətbiqi sənət əsərləri üzərində aşkar etdiyi işarələr
içərisində 16 damğanın Orxon-Yenisey əlifbası qrafemlərinin analoqu olması
qənaətinə gəlmişdir.
105
Təsadüfi deyildir ki, Göytürk abidələrinin tanınmış
tədqiqatçısı Əbülfəz Rəcəbli həmin əlifba işarələri ilə yazılmış mətnləri «bütün
türkdilli xalqların daşlara həkk edilmiş tarixi sənədləri» adlandırmışdır:
«Bu
abidələr qədim türk qəbilələrinin daşlar üzərində yazılmış tarixidir,
xaqanların, sərkərdələrin xalq qarşısında hesabatıdır, dövlətin və
xalqın qarşısında duran vəzifələr haqqında türk elinin bəyannaməsidir,
türk elinin, törüsünün (qanununun), yüksək şəkildə inkişaf etmiş türk
mədəniyyətinin və türk hərb sənətinin nümunəsidir, türk ictimai-fəlsəfi
fikrinin və türk bədii ədəbiyyatının ilk səhifəsidir».
106
Tarixin keşməkeşlərindən, ilk növbədə nəhəng Avrasiya regionunda
yazı qrafikaları arasında rəqabətdən keçən qədim türk əlifbası müəyyən
dəyişikliklərə məruz qalsa da, əsrlər boyu əhəmiyyətini itirməmişdir. Yalnız
türk xalqlarının islam və xristian dinlərini qəbul etməsindən sonra onun
tətbiq dairəsi sürətlə daralmağa başlamışdır. Tarixi mənbələrə əsasən, hətta
ərəb əlifbasının yayılmasından sonra - XI-XII əsrlərdə də Volqaboyunda
yaşayan bulqarlar Göytürk əlifbasından istifadə etmişlər. Maraqlıdır ki, XX
əsrin əvvəllərində xakasların məskunlaşdığı bəzi bölgələrdə bu əlifba hələ də
mövcudluğunu saxlamış, yalnız Sibirdə bolşevik hakimiyyəti qurulduqdan
105
О.Акчокраклы. «Татарские тамги в Крыму», http://crimeantatars.com.
106
Ə.Rəcəbli. «Qədim türk yazısı abidələri», I cild. Bakı, 2009.
Dostları ilə paylaş: |