Davlat va huquq asoslari

Quyidagi holatlarda nikoh tugatiladi

Er-xotindan birining vafoti oqibatida
Sud er-xotindan birini vafot etgan deb e’lon qilishi oqibatida
FHDY
va sud organlarida nikohdan ajratish oqibatida

49

Xotinining homiladorlik vaqtida va bola tug‘ilganidan keyin bir yil mobaynida er xotinining roziligisiz nikohdan ajratish to‘g‘risida da’vo qilolmaydi.
Arizada nikohdan ajralish uchun nima sabab bo‘lganini asoslab ko‘rsatish kerak. Sud organi nikohdan ajralish ishlarini ko‘rishda e’tiborni er-xotinni yarashtirishga, oilaviy vaziyatni sog‘lomlashtirishga qaratadi va ularga yarashish uchun muddat beradi.
Nikoh ajratilayotganda sud organlari voyaga yetmagan bolalar kim bilan yashashi, ularga ota-ona tomonidan ta’minot berilishi, mulkiy masalalarni hal etadi.
Nikohdan ajratish to‘g‘risidagi ish ko‘rib chiqilayotganida to‘yni o‘tkazishga ketgan sarf- xarajatlarni undirish haqidagi talablar qanoatlantirilmaydi.
Savol va topshiriqlar

1. 
   O‘zbekiston Respublikasi Oila kodeksidan nikohni rasmiylashtirishga oid huquqiy me’yorlarni toping va mazmunini bayon eting.
   
2. 
   Nikohni tuzishga qanday holatlar monelik qilishi mumkin?
   
3. 
   “Nikoh ixtiyoriy asosda va tenghuquqlikda tuziladi” degan qoidani siz qanday tushunasiz?
   
4. 
   Nikohning tugatilishi qanday oqibatlarni keltirib chiqaradi?
   

Mustaqil ish uchun topshiriq

1. 
   FHDY organi xodimi ariza bergan kelin bo‘lajak kuyovning jiyani ekanini bilib qolgach, nikohni rasmiylashtirishga e’tiroz bildirdi. Ushbu vaziyatda FHDY xodimining e’tirozi to‘g‘ri deb o‘ylaysizmi? Sizningcha, nikohlanuvchilar qanday yo‘l tutishlari lozim?
   
2. 
   FHDY organida nikohdan o‘tishda S. soxta hujjatlardan foydalangan holda boshqa nikohdaligi va bolasi borligini
   

bo‘lajak xotini M.dan yashirgan edi. Bu nikoh qonuniy deb hi- soblanadimi? Agar qonuniy kuchga ega bo‘lmasa, M. sud- ga murojaat qilish huquqiga egami?

3. 
   Nikohni rasmiylashtirish- dan oldin nega tibbiy ko‘rikdan o‘tiladi? Uning huquqiy asosini toping.