105
məxaric kassa sənədlərinin qeydi, kassa kitabı, kassir tərəfindən
nağd pulların verilmə və qəbul olunma hesab kitablarının real
vəziyyətini nəzərdən keçirir. Bank nəzarət edir ki, kassirin
gündəlik hesabatı mədaxil, məxaric sənədlərinə görə ödəmə hesab
cədvəlinə uyğundurmu? Bütün bu suallar yoxlama aktında öz
əksini tapmalıdır . İlkin kassa sənədlərinin aparılma keyfiyyəti və
müntəzəmliyi qeyd olunur, kassa kitabında və mədaxil -məxaric
sənədlərindəki yazılar qeyd olunmuş yazılara uyğundurmu?
Kassa nizam-intizamın yoxlama nəticəsinə görə bankın
nümayəndəsi nəticə çıxarıb müəssisə rəhbərliyinə aşkar olunmuş
pozğuntuların aradan götürülməsi haqqında təkliflərini verir.
Kassa nizam–intizamın kobud və sistematik sürətdə po-
zulmasını və müştərilər tərəfindən bankın aldadılma faktları aşkar
edildiklə onlara qarşı cərimə sanksiları tətbiq olunur:
1. Hüquqi şəxslər arasındı müəssisə öhdəliklərinə görə nağd
pullar əvəzinə nağd olmayan pullarla hesablaşma aparılması aşkar
olunduqda (qanunla təyin olunmuş ölçüdən yüksək olduqda);
2. Kassada nağd pulların təyin olunmuş limitdən artıq ol-
masına;
3. Bankın kassasından alınmış nağd pulun məqsədsiz
istifadəsinə;
4. Bank tərəfindən təyin olunmuş mədaxil təhvil alınma
qaydasının müəyyən olunmuş müddətdə yerinə yetirilməməsinə;
5. Başqa təşkilatlara nağd pulun borc verilməsi zamanı
çatışmamazlıga yol verildikdə;
6. Hesabdan nəğd pul verilməsi zamanı əvvəllər verilmiş
mabləğ üzrə tam uçot aparılmadıqa;
7. Kassa nizam – intizamına digər hallarda əməl edilmə-
dikdə.
Bank dövri olaraq, müəsissə tərəfindən bir neçə çatış-
mamazlıq aşkar edərsə, onda cərimə məbləğinə əlavələr edilir və
çatışmamazlıqların ödənilməsi tələb olunur.
Cərimə sanksiyalarını həyata keçirmək kassa əməliyyatlarına
nəzarət edilməsi hüququ olan bankın üzərinə düşür.
106
Mərkəzi Bank nağd pulla işləmə qaydalarına əməledən və
nağd pul tədavülünü təşkil edən kommersiya banklarında planlı
qaydada yoxlanılmalar həyata keçirir. Burada Mərkəzi Bankın
məqsədi müəsissələrdə qanunçuluğun yerinə yetirilməsini
yoxlamaq, Mərkəzi Bankının normativ aktlarına əməl edilməsinin
vəziyyətini
yoxlamaq,
nağd pul tədavülünün təşkilini
tənzimləmək və zəruri olduqda xəbərdarlıq ölçüləri qəbul etmək,
aşkar olunmuş çatışmamazlıqların ləgv edilməsi üçün təkliflər
vermək.
Bank yoxlama zamanı nəğd pul vəsaitinin səmərəli hərə-
kətinin təmin olunmasına, vaxtında müəssələrin, sahibkarların və
fiziki şəxslərin ehtiyaclarının bankın kassasına cari daxil olunmuş
nağd pul hesabına təmin etməyə, xidmət edilən müştərilərdən
vaxtında və tam pul mədaxillərinin toplanmasına, müəsissələrin
kassalarından pul vəsaitlərinin verilməsinə diqqət yetirir.
107
FƏSİL 4. BANKLARIN LİZİNQ VƏ FAKTORİNQ
ƏMƏLİYYATLARI
4. 1. Lizinq əməliyyatı
Dünya təcrübəsində «lizinq» termini uzunmüddətli is-
tifadə üçün malların icarəsinə əsaslanan müxtəlif sövdələşmə
növlərini bildirmək üçün istifadə edilir. İcarə müqaviləsinin
bağlanma müddətlərindən asılı olaraq üç növdə icarə
əməliyyatları fərqləndirilir:
qısa müddətli icarə (rentinq) - bir gündən bir ilə kimi olan
müddət;
orta müddətli icarə (hayrinq) – bir ildən üç ilə kimi olan
müddət;
uzun müddətli icarə (lizinq) – üç ildən 20 ilə və daha çox
müddətə.
Lizinq anlayışı müqavilə müddəti ərzində icarəyə verən
tərəfindən istehsalatda istifadə üçün alınmış, həmin əşyaya olan
mülkiyyət hüququnu özündə saxlamaqla maşın və avadanlıqların
müqavilə ilə uzun müddətə icarəsi kimi başa düşülür. Bundan
başqa, lizinq – üçüncü şəxs üçün əmlak əldə edən və ona uzun
müddətli icarəyə verən ixtisaslaşdırılmış (lizinq) şirkətin
vasitəsilə
əsas
fonda
vəsait
yerləşdirməsinin
maliyyələşdirilməsinin xüsusi forması mənasını verir. Beləliklə,
lizinq şirkətləri faktiki olaraq icarədara «kredit» verirlər. Buna
görə də lizinqi bəzən «kredit-icarə» adlandırırlar. Alqı-satqı
müqaviləsində mala olan mülkiyyət hüququ satıcıdan alıcıya
keçir, lizinqdə isə icarə predmetinə mülkiyyət hüququ icarəyə
verəndə qalır, lizinq əldə edən isə ancaq müvəqqəti istifadə
hüququna sahib olur. Lizinq müqaviləsi bitən zaman lizinq əldə
edən obyekti razılaşdırılmış qiymətə ala, lizinq müqaviləsinin
vaxtını uzada və ya müqavilə müddəti başa çatdıqda avadanlığı
sahibinə qaytara bilər. Həmçinin lizinqin icarədən bu kimi fərqləri
var:
108
1.
İcarədardan fərqli olaraq lizinq alan əmlakın sığortasını,
onun texniki xidmət haqqını və əmlakın məhv olma və ya
korlanması zamanı mülkiyyətçinin zərərini ödəyir;
2.
Lizinq sövdələşməsi üzrə lizinq obyektində qüsur aşkar
edildiyi halda lizinq alan lizinq verənə, avadanlığı təchiz
edən tərəfə öz etirazını bildirir.
Bununla əlaqədar lizinq sövdələşməsinin müddəti ilə
paralel olaraq avadanlığın texniki xidmətinə görə təchizatçının
zəmanəti də nəzərdə tutulur. İqtisadi nöqteyi nəzərdən lizinq
avadanlığın satışını təqdim etməyə görə kreditə bənzəyir. Kredit
verilən zaman borc alan əsas fonda müəyyən edilmiş müddətdə
borcun ödənilməsi üçün ödənişlər edir. Bu zaman bank kreditin
qaytarılmasının təminatı kimi borc tam ödənilənə kimi kredit
verilmiş obyektə mülkiyyət hüququnu özündə saxlayır. Lizinq
zamanı icarədar ancaq müqavilə müddəti bitdikdə və icarəyə
götürdüyü əmlakın dəyərini tam ödənikdikdən sonra icarəyə
götürülmüş əmlakın sahibi olur. Belə ki, belə oxşarlıq ancaq
maliyyə lizinqi üçün xarakterikdir. Lizinqin digər növü olan
operativ lizinq avadanlığın klassik icarəsi ilə müşahidə olunur. Öz
hüquqi formasına görə lizinq sövdələşməsi investisiya
dəyərlərinin uzun müddətli icarəsinin özünəməxsus növüdür.
Lizinq əməliyyatının daha dəqiq müəyyənləşdirilməsi təcrübi əhə-
miyyətə malikdir; belə ki, onu qanuna müvafiq qaydada rəsmi-
ləşdirmədikdə, o, lizinq sövdələşməsi hesab oluna bilməz,
əməliyyat iştirakçıları üçün bir sıra mənfi maliyyə nəticələrinə
səbəb ola bilər.
Dostları ilə paylaş: |