102
azdır. Uzunluqları 100 km-dən çox olan 24 çay var-
dır. Respublikanın ərazisindən axan ən böyük çaylar:
Kür, Araz, Qanıx (Alazan),Qabırrı (İori), Samur,
Tərtər, Türyan, Ağstafa, Həkəri, Viləş və s.
Respublikanın çayları 3 qrupa bölünür:
1)
Kür hövzəsinin çayları, (Qanıx, Qabırrı,
Türyan, Ağstafa, Şəmkir, Tərtər, Xaçın və s.);
2)
Araz hövzəsinin çayları (Arpaçay, Naxçıvan,
Oxçu, Həkəri, Köndələnçay və s.);
3)
Bilavasitə Xəzərə tökülən çaylar (Samur,
Qudyal, Vəlvələ, Viləş, Lənkəran və s.).
Azərbaycanın çayları. Axın xüsusiyyətlərinə
görə Azərbaycan Respublikasında çaylar üç qrupa
bölünür:
1)
daimi axan çaylar;
2)
quruyan çaylar — axımı yazda qarlar əriyəndə
və yağış yağdıqda yaranır;
3)
müvəqqəti axan çaylar — axımı yalnız şiddətli
yağıntılar zamanı olur.
Bu qruplar arasında fərq yaradan əsas amil-
lərdən biri axına qarışan yeraltı suların miqdarıdır.
Birinci qrup çaylara yeraltı sular daim axıb gəldiyi
halda, ikincidə bu proses cəmi bir neçə ay davam
edir. Üçüncü qrupda yeraltı suların rolu yoxdur.
Ümumiyytələ, su rejimi xüsusiyyətlərinə görə
Azərbaycan Respublikasının çayları 2 qrupa bölünür:
1) gursulu və daşqın rejimli; 2) daşqın rejimli.
103
Daşqın rejimli çaylara Lənkəran təbii zonası
çayları, Qobustan və müvəqqəti axan çaylar aiddir.
Qalan çaylarda su rejimi fazası gursululuqdur.
Azərbaycan Respublikasının çoxsulu çayları
Böyük Qafqazın cənub yamacındadır. Burada orta
illik axım modulu 45 l/san. kv km-dən artıqdır. Ala-
zan-Əyriçay çökəkliyinə (Alazan-Həftəran vadisinə)
doğru axım modulu 5 l/san; kv km-ə qədər azalır.
Böyük Qafqazın şimal-şərq yamacında orta illik
axım modulu 18-20 l/san. kv km-dən artıqdır. Axım
modulunun hündürlüyə görə artması burada nisbətən
bərabərdir. Axım modulunun intensiv artımı Yan
silsilə ilə Baş Qafqaz silsiləsi arasındakı sahədə
müşahidə edilir (Qusar, Qudyal, Vəlvələ və s. çay-
ların yuxarı axınları). Orta illik axım modulu həmin
sahədə 10-20 l/san. kv km arasında dəyişir.
Çayların su ehtiyatı və istifadəsi. Azərbaycan
Respublikasının çaylarının çoxillik orta su ehtiyatı
10,3 mlrd. m
3
-dir. Bu, respublika ərazisinə qonşu
dövlətlərdən daxil olan su ehtiyatı (20,6 mlrd. kub m)
ilə
birlikdə
30,9
mlrd.kub
m
təşkil
edir.
Respublikanın hər kvadrat km ərazisinə 90 min m
3
ehtiyatı düşür. Adambaşına orta hesabla düşən suyun
miqdarı gün ərzində 2010-cu ildə 95,7 litr , 2011-ci
ildə 68,3litr , o cümlədən şəhər yerlərində müvafiq
olaraq 164,9 və 117,1 və kənd yerlərində 17,5 və
13,2 litr olmuşdur. Su ehtiyatının böyük hissəsi Kür
çayı hövzəsinin payına düşür. Çayların su ehtiyatının
il ərzində və ərazi üzrə qeyri-bərabər paylanması
104
ondan istifadəni xeyli çətinləşdirir və ilbəil artmaqda
olan su tələbatını ödəyə bilmir. Bu vəziyyət çayların
axımını tənzimləməyi tələb edir.
Hazırda respublikada hər birinin həcmi 1 mln.
m3-dən artıq olan 60-dan çox su anbarlarında 21
mlrd.
-ə qədər su toplanmışdır. Bu sulardan təsər-
rüfatın müxtəlif sahələrində (suvarma, su təchizatı,
sənaye, balıqçılıq və s.) istifadə edilir. Suya tələbatın
ödənilməsində Orta Kür su anbarları kaskadının
yaradılması diqqəti cəlb edir. Müasir dövrdə məhdud
olan su ehtiyatlarının təmizliyini qorumaq və onların
sənaye və kommunal məişət tullantıları ilə çirklən-
dirilməsinə qarşı mübarizə məqsədi ilə ciddi tədbirlər
görülür.
Kanallar. Azərbaycan Respublikasındakı ka-
nallardan, əsasən, suvarma məqsədi üçün istifadə
edilir. Suvarma kanallarının ümumi uzunluğu
47058,8 km-dir. Bunun 8580,3 km-i təsərrüfatlara-
rası, 38478,5 km-i təsərrüfatlardaxili kanallardır. İl
ərzində suvarma mənbələrindən kanallar vasitəsilə
suvarma məqsədi üçün 11 mlrd. m3-ə qədər su gö-
türülür. Respublikada suvarılan torpaqların ümumi
sahəsi 1,4 mln. ha-dır .
Göllər. Azərbaycan Respublikasında 250-yə
yaxın göl var. Bunların əksəriyyəti kiçikdir. Hacıqa-
bul, Sarısu, Masazır, Candargöl və s. nisbətən böyük
göllərdir. Orta və yüksək dağlıq ərazilərdə göllərin
(Kürəkçay hövzəsindəki Göygöl və Maralgöl,
Şəmkir çayı hövzəsindəki Göygöl, Böyük və Kiçik
105
Alagöllər) gözəl mənzərəsi var. Respublikanın
gölləri erozion-buzlaq, erozion-çay, tektonik və
abrazion mənşəlidir. Abşeronda bir sıra axarsız və
şor relikt göllər var. Yayda bunların xeyli hissəsi
quruyur və şoranlığa çevrilir. Dağ göllərindən mal-
qaranın suvarılmasında, Hacıqabul, Sarısu, Ağgöl və
s.-dən balıqçılıqda və qismən suvarmada, Abşeronun
şor göllərindən kimyəvi maddələrin alınmasında,
həmçinin müalicə palçığından istifadə edilir.
Çayların yuxarı axınındakı göllər Batabat qru-
pu, Qanlıgöl (Naxçıvan çayı hövzəsi), Göygöl (Şəm-
kir çay hövzəsi) və s. süni su anbarlarına çevrilmiş-
dir. Onlar yayda çayları əlavə su ilə təchiz edir.
Su anbarları. Çayların axımını tənzimləmək
məqsədi ilə 60-dan artıq su anbarı tikilmişdir. Su
anbarlarının yaradılması su ehtiyatı və enerjisindən
səmərəli istifadə üçün görülən əsas tədbirlərdəndir.
Böyük su anbarları («Mingəçevir», "Şəmkir", «Araz
su qovşağı», «Sərsəng») kompleks əhəmiyyətə malik
olduğu halda, digər su anbarlarının əksəriyyəti irriqa-
siya məqsədi ilə tikilmişdir.
Cədvəl 8.
Azərbaycanın böyük çaylarının əsas morfometrik
göstəriciləri.
Dostları ilə paylaş: |