Fərhad Mehdiyev
502
- Məlumatlardan istifadə:
Dövlət qulluqçusu xidmət etdiyi dövlət
orqanının sərəncamında olan məlumatların qanunvericiliklə müəyyən olunmuş
qaydada əldə olunması və yayılması mümkünlüyünü təmin etməlidir. Dövlət
qulluqçusu dövlət orqanında müəyyən olunmuş xidməti informasiyanın təqdim
edilməsi qaydalarına əməl etməlidir. Dövlət qulluqçusu xidməti fəaliyyəti
zamanı əldə etdiyi məlumatları şəxsi maraqları üçün istifa də edə bilməz.
-
İctimai və ya siyasi fəaliyyət:
Qanunvericiliklə başqa qayda nəzərdə
tutulmamışdırsa, dövlət qulluqçusu ictimai və ya siyasi birliyə üzv olmaq
hüququna malikdir. Başqa bir sözlə, dövlət qulluqçusu artıq siyasi partiya üzvü
ola bilər, halbuki bir çox qərb ölkəsində bu qadağandır (tərəfsizliyini təmin
etmək üçün). Lakin dövlət qulluqçusunun ictimai və ya siyasi fəaliyyəti, yaxud
ictimai və ya siyasi birliyə mənsubiyyəti onun xidməti vəzifələrini qərəzsiz və
obyektiv yerinə yetirdiyinə ictimai şübhə doğurmamalıdır.
Etik davranış qaydalarının pozulması halında, dövlət qulluqçusu intizam
məsuliyyətinə cəlb oluna bilər. Bu məsələdə səlahiyyət iyerarxiya rəisinə aid
olacaqdır. Dövlət qulluqçusunun intizam məsuliyyətinə cəlb edilməsi
qanunvericiliklə nəzərdə tutulmuş qaydada və müddətdə həyata keçirilir.
Aşağıdakı hallarda intizam icraatına başlanıla bilər:
- Qanunun müddəalarının dövlət qulluqçusu tərəfindən pozulması barədə
hüquqi və ya fiziki şəxslər tərəfindən şikayət və ya digər məlumatın veril məsi;
-
kütləvi informasiya vasitələrində dövlət qulluqçusu tərəfindən Qanunun
müddəalarının pozulması və maraqların toqquşmasına yol verilməsi barədə
məlumatın dərc edilməsi.
- İntizam icraatı zamanı dövlət qulluqçusu tərəfindən yol verilən hüquq
pozuntusunda cinayət tərkibinin əlamətləri aşkar edildikdə, həmin əlamətləri
aşkar etmiş dövlət orqanının rəhbəri bu barədə cinayət təqibi orqanına məlumat
verməlidir.
Dostları ilə paylaş: |