İnzibati hüquq
169
icrası üzrə bağlanacaq müqavilələrdə özəl hüquqa aid qayda vә şərtlərin olub -
olmamasıdır. Bu meyarlardan bir vә ya bir neçəsinin olması fәaliyyәt in özəl
sektor fәaliyyәtindən fərqləndirilməsi vә ictimai xidmət kimi qəbul edilməsi
üçün kifayətdir.
B. İCTİMAİ XİDMƏTLƏRİN QURULMASI VӘ LƏĞVİ
1. Qurulması
Əvvəlcə onu qeyd etməliyik ki, ictimai xidmətlərin qurulmasına idarəet -
mədə qanunçuluq prinsipi işığında baxılmalıdır. Çünki hər bir administrativ
fəaliyyət, administrativ öhdəlik və səlahiyyətlər buketini də əks etdirir. Qanun -
çuluq prinsipinə əməl etmə, eyni zamanda, xidmət i personalın və istifadə olu-
nacaq malın/pulun zəruriliyi ilə də açıqlana bilə r.
357
Lakin Azərbaycan prakti-
kasında inzibati idarəetmə hüququndakı qanunçuluq prinsipi , daha çox adminis-
trativ qanunvericilik kimi tətbiq olunur. Çünki ölkəmizdə bir çox ictimai xid-
mətlər qanunla yanaşı P rezident fərmanı, ya da NK qərarı ilə qurulur.
358
Bunun mexanizmi də, bir qayda olaraq, administrativ vahidin yaradılması
və ona müəyyən funksiyalar verməklə reallaşdırılır. Məsələn, bir nazirliyin
qurulması və təsis sənədi (Əsasnamə) ilə ona müəyyən vəzifələr, səlahiyyətlər
tapşırılır. Səhiyyə Nazirliyinin əhəmiyyətli ictimai xidməti təqdim etdiyinə dair
heç kəsdə şübhə yaranmır. Lakin ictimai xidmət qurumu təkcə nazirlik şəklində
yaradılmır. Nazirliyə tabe idarə yaratmaqla da ictimai xidmətlər təşkil edilə
bilər (məsələn, YİH-nin Mənzil-kommunal təsərrüfatı İdarəsi).
Misal: Azərbaycan Respublikasının «Azəriqaz» Dövlət Şirkətinin yaradılması
haqqında Azərbaycan Respublikası Prezidentinin Fərmanı na görə:
“Təbii qazın nəqli, emalı, saxlanılması və ondan istifadə edilməsi, habelə qaz
təchizatı obyektlərinin is tismarı və tikintisi ilə məşğul olan istehsal strukturlarının
fəaliyyətini
əlaqələndirmək,
yaşayış
məntəqələrinin
qazla
təminatını
yaxşılaşdırmaq, respublikanın qaz sənayesi müəssisələrinin modernləşdirilməsi
üçün mövcud imkanlardan tam istifadə etmək məqs ədi ilə və «Respublikanın
iqtisadi və ictimai-siyasi həyatını sabitləşdirmək sahəsində əlavə tədbirlər
haqqında» Azərbaycan Respublikasının Qanununa müvafiq olaraq qərara alıram:
1. «Azərqaznəql» İstehsalat Birliyi bazasında «Azəriqaz» Dövlət Şirkəti
yaradılsın.”
Cəmiyyətin ortaq ehtiyacları var, bunların ictimai xidmət şəklində ödənil -
məsi necə olur? Ya ilk dəfə vә birbaşa rəsmi qurum onun icrasına başlayır , ya
357
Özay, s.233
358
Məsələn, “Azərbaycan Televiziya və Radio Verilişləri Qapalı Səhmdar Cəmiyyəti”nin yaradılma -
sı haqqında 23.03.2005-ci il tarixli Fərmanla yeni bir qurum formalaşdırıldı.
|