3. Bazar iqtisadiyyatı, haqsız rəqabət qaydaları və ictimai xidmətlər
Xalqa xidmət və insan hüquqlarına hörmət heç şübhəsiz ki dövlətin ali
məqsədləri arasındadır. Bu tezis, Konstitusiyalarda əks olunsa da olunmasa da
mübahisəsiz olaraq aksioma olaraq qəbul olunmalıdır. Bu səbəblə, xalqın əsas
və zəruri ehtiyaclarının ağla batan və bu ehtiyacı tətmin edici şəkildə ödəyən
inzibati fəaliyyət dövlət üçün öhdəlik olaraq görülməlidir. Əlbəttə bu öhdəliyin
həcminin müəyyən edilməsində dövlətin maliyyə resursları və imkanları nəzərə
alınacaq. Lakin bazar iqtisadiyyatının liberallaşması, bazarda haqsız rəqabət və
ayrı-seçkilik qadağası kimi prinsipləri qabardaraq, çatımlı və keyfiyyətli ictimai
xidmətlərin verilməsində tənəzzülə gedilməməlidir. Əgər əhalinin ehtiyacı
bazarın digər aktyorları tərəfindən konkret keyfiyyətdə və çatımlı olaraq təqdim
edilmirsə, dövlət bu ehtiyacları özü qarşılamalıdır.
Haqsız rəqabət və inhisar qadağaları hansı məqsədə yönəldiyi unu -
dulmamalıdır. Bu prinsiplərin məqsədi, təqdim edilən mal və xidmət lərdə
müxtəlifliyi təmin etməklə, yarışma nəticəsində daha ucuz, daha keyfiyyətli,
bol və çatımlı məhsulu təmin etməkdir. Bu səbəblə həmin prinsiplər irəli
sürülərək ictimai xidmətlərin təminində çatımlılıq və keyfiyyətin pozulmasına
səbəb olacaq tədbirlərin tətbiq olunmasını tələb etmək yolverilməz sayılmalıdır.
Fərhad Mehdiyev
184
Dostları ilə paylaş: |