YEGANLl S.T.. HACIYEV E. M.
/
XXXII FƏSİL
TURİZM FƏALİYYƏTİNİN DÖVLƏT TƏNZİMLƏNMƏSİ
/ Turizm fəaliyyətinin dövlət tənzimlənməsinin əsas mahiyyəti onda-
dtpidrdövlət turizmin cəmiyyətdə oynadığı aparıcı rolu lazımınca
qiymətləndirməklə bərabər onun inkişafına əlində olan bütün imkanlardan
istifadə edir. Bu imkanlardan ən vacibi turizm sahəsində turizmin hüquqi
bazasını yaratmaq, fəaliyyət göstərən təşkilatlara güzəştli vergi şəraiti
yaratmaq, turist məhsulunu yaradan təşkilatların və turistlərin hüquqlarını
müdafiə etmək, turist infrastrukturunun yaranmasına yardımçı olmaq və
sərmayələr cəlb etməkdir.
Son zamanlar Azərbaycanda başqa sahələrdə olduğu kimi turizm
sahəsində də özəl sektor əmələ gəlmişdir. Özəl turist istirahət zonaları,
pansionatları, mərkəzləri və s. Deməli turizm sahəsində dövlət idarə sistemi
turizmin ümumi tənzimlənməsinin bir budağıdır, bir istiqamətidir. Başqa bir
sahəsi özəl turist sektorunun özü-özünü bazar prinsipləri ilə tənzimləməsidir.
Beləliklə, turizmin idarə orqanları - milli turizm təşkilatı (dövlət
nümayəndəsi), yerli regional təşkilatlar və özəl turizm sahəsində yaranmış və
gündən-günə möhkəmlənən özəl sektordur. Bütün ölkələrdə olduğu kimi,
turizm sahəsində Azərbaycanda da onu tənzimləyən və inkişaf etdirən üçlük
yaranmışdır. Bu üçlük dövlət turizm təşkilatı (Gənclər, İdman və Turizm
Nazirliyi), regional icra orqanları və turizmin özəl sektorudur. Bütün dünyada
bu üçlüyün bir-birilə bərabər hüquqlarla əməkdaşlıq etməsi nəticəsində
turizmin inkişafında çoxlu nailiyyətlər qazanılması artıq müasir turizm
praktikasına yaxşı məlumdur. Bu üçlük o zaman turizm sferasında səmərəli
fəaliyyət göstərir ki, onlar partnyorluq münasibətləri qursunlar, bir-birinə
kömək etsinlər, əl- ələ verib, belə bir turizm kimi çətin sahəni ayağa
qaldırsınlar. Üçlüyün hərəsi öz sahəsində çalışır, öz işini fədakarlıqla yerinə
yetirir və nəticədə turizm inkişaf edirj
Bu bölmədə^iz ancaq turizmin idarəetmə şaxələrindən biri plan dövlət
tənzimləmə fəaliyyətini araşdırırıq. Qeyd etmək lazımdır ki. [qısa zamanda
Azərbaycanda bu sahədə çoxlu işlər görülmüşdür. Hər şeydən əvvəl 4 iyun
1999-cu ildə Azərbaycan Respublikasının turizm haqqında qanunu qəbul
olundu. Bu qanun Azərbaycanda turizm fəaliyyətinin hüquqi əsasını qoydu və
turizm sahəsində bir çox sonrakı vacib sənədlərin yaranmasına yol açdı. Bu
qanun Azərbaycan turizmində böyük bir hadisə olduğuna görə, onu aşağıdakı
sətirlərdə bütövlüklə olduğu kimi göstərməyi vacib hesab edirik. Turizm
sahəsində qəbul olunmuş qanun
270
T U R İ Z M
onu göstərdi ki, Azərbaycan dövləti üzünü turizmə çevirmiş və onun
cəmiyyətdə və onun ölkə iqtisadiyyatında qabaqcıl rol oynamasını qəbul etmiş
və gələcəkdə də onun çətin inkişaf problemlərini həll etməyə qadirdir.
I
AZƏRBAYCAN RESPUBLİKASININ TURİZM HAQQINDA QANUNU
Bu qanun Azərbaycan Respublikasında turizm bazarının hüquqi
əsaslarının bərqərar edilməsinə yönəldilmiş dövlət siyasətinin prinsiplərini,
turizm fəaliyyətinin əsaslarını müəyyən edir və turizm sahəsində meydana
çıxan münasibətləri tənzimləyir, sosial-iqtisadi inkişafı təmin edən
vasitələrdən biri kimi turizm ehtiyatlarından səmərəli istifadə olunması
qaydasını müəyyənləşdirir.
Maddə I. Əsas anlavıslar
Bu qanunda istifadə edilən anlayşlar aşağıdakı mənaları ifadə edir:
Turizm - Azərbaycan Respublikası vətəndaşlarının, əcnəbilərin və vətəndaşlığı
olmayan şəxslərin müvəqqəti olacağı ölkədə (yerdə) ödənişli fəaliyyətlə
məşğul olmamaq şərti ilə istirahət, sağlamlaşdırma, tanış olma, idraki (tarix və
mədəniyyət sərvətlərindən bəhrələnmə və s.), iş-peşə (vəzifə borclannm icra
edilməsi istisna olmaqla), idman və dini məqsədlərlə daimi yaşayış yerlərindən
müvəqqəti getmələri (səyahətləri):
Turist - istirahət, sağlamlaşdırma, tanış olma, idraki (tarix və mədəniyyət
sərvətlərindən bəhrələnmə və s.), iş-peşə (vəzifə borclarının icra edilməsi
istisna olmaqla), idman və dini məqsədlərlə getdiyi ölkədə (yerdə) ödənişli
fəaliyyətlə məşğul olmamaq ^ərti ilə (24 saatdan 12 ayadək müddətdə)
müvəqqəti olan şəxs:
Tur - konkret müddətdə konkret marşrut üzrə fərdi və ya qrup halında
səfərdən ibarət olan turizm məhsulunun vauçer şəklində satılan forması:
Turizm yollayışı - ciddi hesabatlı blank olub, proqramla nəzərdə tutulmuş
xidmətlərin ödənildiyini təsdiq edən sənəd:
Turizm vauçeri - xarici turistlərə xidmət göstərilməsi və firma ilə
qarşılıqlı ödəmələr aparılması üçün əsas olmaqla, turun tərkibinə daxil olan
xidmətlər üzərində turistin hüququnu müəyyənləşdirən və xidmətlərin
göstəriləcəyi faktını təsdiq edən sənəd:
Turoperator - turların komplektləşdirilməsi. turizm məhsulunun
formalaşdırılması. hərəkətə gətirilməsi və satışı ilə məşğul olan turizm
təşkilatı: Turagent - turoperator tərəfindən turların satışı, turizm məhsulunun
hərəkətə gətirilməsi və satışı üzrə vasitəçilik fəaliyyəti göstərən fiziki və ya
hüquqi şəxs;
2 7 1
YEGANLI S.T.. HACIYEV E. M.
Turagentlik - turizm və ekskursiya yollayışlannın satışı, habelə
turizm-ekskursiya fəaliyyətinin təşkili üzrə informasiya, reklam, marketinq və
s. digər xidmətlər göstərilməsi ilə məşğul olan vasitəçi təşkilat:
Turizm məhsulu - turistlərə göstərilən xidmətlər kompleksi (turistlərin
yerləşdirilməsi, daşınması, yeməyi üzrə xidmətlər kompleksi, ekskursiya,
həmçinin bələdçi (bələdçi-tərcüməçi) xidmətləri və səfərin məqsədlərindən
asılı olaraq göstərilən digər xidmətlər);
Turizm fəaliyyəti - turoperatorun müddəti 24 saatdan çox olmayan və
turistlərin yerləşdirilməsi (gecələnməsi) xidmətini nəzərdə tutmayan və turizm
məhsulunun formalaşdırılması, hərəkətə gətirilməsi və satışı üzrə fəaliyyəti;
Daxili turizm - Azərbaycan Respublikasında yaşayan vətəndaşların və
vətəndaşlığı olmayan şəxslərin Azərbaycan Respublikasının hüdudları
daxilində səyahətləri;
Xarici turizm - Azərbaycan Respublikasında yaşayan vətəndaşların və
vətəndaşlığı olmayan şəxslərin başqa ölkəyə səyahəti;
Gəlmə turizm - Azərbaycan Respublikasında yaşamayan vətəndaşların və
vətəndaşlığı olmayan şəxslərin Azərbaycan Respublikasının hüdudları
daxilində səyahətləri;
Sosial turizm - sosial ehtiyaclar üçün dövlətin ayırdığı vəsaitdən yar-
dımlanan səyahət;
Özfəaliyyət turizmi - yerdəyişmənin aktiv üsullarından istifadə
olunmaqla turistlər tərəfindən sərbəst təşkil edilən səyahətlər;
Turizm ehtiyatları - səfər edilən ölkənin (yerin) təbii, mədəni, tarixi,
sağlamlaşdırma obyektləri və turistlərin ayrı-ayrılıqda və ya kompleks halında
tələb və ehtiyaclarını təmin edə biləıi, onların fiziki və mənəvi qüvvələrinin
bərpası və inkişafına kömək edə bilən digər obyektlər məcmusu;
Turizm infrastrukturu - turizm məhsulu istehsalı təşkilinin kompleksi
sistemi və yaxud mehmanxana və digər yerləşdirilmə-yerdəyişmə, nəqliyyat
vasitələrinin, ictimai iaşə, əyləncə obyektləri vasitələrinin tanış olma idrakı,
iş-peşə, sağlamlaşdırma, idman və digər təyinatlı obyektlərin, tur- operator və
turagent fəaliyyətini həyata keçirən ixtisaslaşdırılmış müəssisə və təşkilatların,
həmçinin ekskursiya və bələdçi (bələdçi-tərcüməçi) xidmətləri göstərən
təşkilatlann məcmusu;
Turizm məhsulunun hərəkətə gətirilməsi - turizm məhsulunun satışına
yönəldilmiş tədbirlər kompleksi (reklam, ixtisaslaşdırılmış sərgilər,
yarmarkalarda iştirak, turizm məhsulunun satışı üzrə turizm informasiya
mərkəzlərinin təşkili, kataloqların, bukletlərin vəs. nəşri).
MatUh 2. Turizm haqqında qanunvericilik
272
Dostları ilə paylaş: |