abidələrinin mətnlərində cəmi bircə təyin budaq cümləsinin
işlənməsinə təsadüf edilir ki, o da cümlədə söz sırası pozulduğu
üçün tərzi-hərəkət budaq cümləsini xatırladır: Sab ança ıdm ıs:
azkıya türk bodun yorıyur ermis (T 9-10) «Xəbəri e lə
göndərmiş: azacıq türk xalqı yürüş edirmiş». Türk dillərinin
sonrakı inkişafında bu dillərdə təyin budaq cümləsinin işlənm əsi
intensivləşir. Artıq türk dillərinin qədim dövrünün abidəsi o lan
və göytürk əlifbası ilə kağız üzərində yazılmış «Irk b itig »
(«Falnamə») abidəsində təyin budaq cümləsinin işlənməsinə
tez-tez rast gəlmək olur; məsələn: Tanım tüsi tükəməzkən
taluyda yatıpan tapladuhmın tutar mən, sebdükimin yiyür m ən —
ancağ küçlüg mən (IB 4-5) «Vücüdümün görünüşü h ə lə
tükənməzkən dənizdə yatıb arzu etdiyimi tutaram, sevdiyimi
yeyərəm - o qədər güclüyəm». Udığmağ odğuru, yattğhğ
turğuru yorıyur mən - antağ gücük mən (IB 31-32) «Uyuyanları
oyadaraq, yatanları durğuzaraq qaçıram - o qədər güclüyəm».
Əsnəgən bars mən, kamuş ara başım - antağ alp mən, ərdəm lig
mən (IB 15). «Xallı barsam, qamışlar arasında başım - o q əd ər
igidəm, cəsuram». Bədiz tiz üzə önüpən minrəyür mən, üzə terjri
eşitdi, asra kişi bilti - antağ küclüg mən (IB 92-93) «Qəşəng
dizim üstə qalxıb böyürürəm, üstdə tanrı eşitdi, aşağıda insan
bildi - o qədər güclüyəm».
Qədim türk yazısı abidələrinin dilində işlənən təyin budaq
cümlələrinin iki xüsusiyyətini qeyd etmək lazımdır: 1. Belə
tabeli mürəkkəb cümlələrdə baş cümlə sonra, budaq cümlə
əvvəl gəlir ki, bu da türk dillərində tabeli mürəkkəb cümlə
quruluşunda qeyri-adi haldır. 2. Bu tabeli mürəkkəb cümlələrin
budaq cümlələri bir qədər kəmiyyət budaq cümlələrinin
mənasım xatırladır.
ZAMAN BUDAQ CÜMLƏSİ
Zaman budaq cümləsi zərflik budaq cümlələrinin bir
növüdür. O, baş cümlədə ifadə edilən iş, hal, hərəkətin
zamanını bildirir, zaman zərfliyinin suallarına cavab verir və
tabeli mürəkkəb cümləni sadə cümləyə çevirdikdə sadə
cümlənin zaman zərfliyinə çevrilir.
214
Qədim türk yazısı abidələrinin dilində zaman budaq
cümləsinin üç ifadə tipi vardır:
1. Zaman budaq cümləsi baş cümlədən əw əl işlənir və
erikli bağlayıcı sözü ilə baş cümləyə bağlanır: Otuz artukı bir
yaşıma karluk bodun butjsız erür, barur erikli yağı boltı (BK ş
28-29) «Otuz bir yaşımda karluk xalqı qayğısız, azad və sərbəst
yaşayırkən yağı oldu». Kül tigin yiti otuz yaşı Qa karluk bodun
erür, barur erikli yağı boltı (KT şm 1) «Kül tiginin iyirmi yeddi
yaşında karluk xalqı azad və sərbəst yaşayırkən yağı oldu».
Ança olurur erikli oğuzdantan körüg kəlti (T 8) «Eləcə oturur
ikən oğuzlardan casus gəldi». Kiçə yaruk batur erikli sütjüsdim
(MÇ 13) «Gccə günəş batırkən döyüşdüm».
2. Baş cümlədə anta «onda» qəlib sözü işlənir, zaman
budaq cümləsi baş cümlədən əvvəl gəlir və baş cümlədəki qəlib
sözü ifadə edir; məsələn: Törtinç Əzgənti Kadazda siitjüşdim,
siisin anta sançdım, yabrıtdım (BK ş 31) «Dördüncü dələ
Əzgənti Kadazda döyüşdüm, qoşununu onda məhv etdim,
seyrəltdim». Ağuda iki uluğ sütjiışdim, süsin bozdım, elin anta
altım (BK ş 34) «Ağuda iki böyük döyüş döyüşdüm, qoşununu
pozdum, elini onda aldım». Ozmış tiginig tutdım, katunın anta
altım (MÇ 9-10) «Ozmış tigini tutdum, xanımını onda aldım».
Səkizinç ay eki yanıka Açığ Allır költə Kasuy kəzü sütjüsdim,
anta sançdım (MÇ 18) «Səkkizinci aym ikisində Açıq Altır kölü
sahilində Kasuy ətrafında döyüşdüm, onda qalib gəldim».
3. Budaq cümlənin feli xəbəri -sar, -sər, «-sa, -sə» şərt
ədatmı qəbul edir, budaq cümlə baş cümlədən əvvəl işlənir.
Bııdaq cümlə şərt yox, zaman mənası ifadə edir, buna görə də o,
şərt budaq cümləsi yox, zaman budaq cümləsi olur; məsələn:
Sü Qüs bolsar, çərig itər erti (KÇ 9) «Döyüş olsa, qoşun
göndərərdi». Ah ablasar, imlə təg erti (MÇ 9) «Ov ovlasa,
...kimi idi».
TƏRZİ-HƏRƏKƏT BUDAQ CÜMLƏSİ
Tərzi-hərəkət
budaq
cümləsi
də
zərflik
budaq
cümlələrindəndir. Bu budaq cümlə baş cümlədəki iş, hərəkətin
215
icra tərzini, yaxud hal-vəziyyətin təzahür tərzini bildirir, tərzi-
hərəkət zərfliyinin sualına cavab verir və tabeli mürəkkəb
cümləni sadələşdirdikdə sadə cümlənin tərzi-hərəkət zərfliyina
çevrilir.
Müasir türk dillərində tərzi-hərəkət budaq cümləsi ən
geniş yayılmış budaq cümlələrindəndir. Qədim türk yazısı
abidələrinin dilində isə bu budaq cümlə o qədər də geniş
yayılmamışdır, lakin hər halda abidələrin dilində tərzi-hərəkət
budaq cümləsinin işləndiyi müşahidə edilir; məsələn: Ka Qım
sad ança ötünmis: teQrikən almazım tiyin... (O 8) «Atam şad elə
öyüd vermiş: tanrısifət almasın, - deyə...» Turk kara kamuğ
bodun ança timis: illig bodun ertim, ilim amti kam? (KT ş 8-9j
«Bütün qara türk xalqı elə demiş: cili xalq idim, elim indi hanı?»
Üzə türk tetjrisi, türk ıdukyiri, subı ança timis: türk bodun yok
bolmazun... (КТ c 10-11) «Üstdə türk tanrısı, müqəddəs türk
yeri, suyu elə demiş: türk xalqı yox olmasın...» Altı yegirmi
yaşında eçim kağan ilin, törüsin ança kazğantı: altı çub soğdak
tapa sülədimiz, bozdımız (KT ş 31) «On altı yaşmda əmim
xaqanın elini, qanununu elə qazanmış: altı hissəli soğdalılara
qarşı qoşun çəkdik, pozduq». Ança bilitj: edgü ol (IB 3) «Elə
bilin: yaxşıdır». Ança biliQlər: munluğ ol, ayüğyablakol (IB 34)
«Elə bilin: dərdlidir, yaman pisdir». Amti, amrak oğlanım, ança
biliQlər: bu ırk bitig edgü ol, ınçıp alku kəltii ülügi erklig ol (IB
101-102) «İndi, sevgili oğullarım, elə bilin: bu bəxt yazısı
yaxşıdır, beləcə müxtəlif adamlar öz bəxtinin sahibidir» və s.
Göründüyü kimi, qədim türk yazısı abidələrinin dilində
tərzi-hərəkət cümləsinin baş cümləyə bağlanmasında bağlayıcı
ve ya bağlayıcı söz iştirak etmir. Gətirilən nümunələr əsasında
bunu da qeyd etmək olar ki, abidələrin dilində tərzi-hərəkət
budaq cümləsi yalnız baş cümlədəki ança «elə» qəlib sözünü
izah edir. Buradan daha bir nəticə çıxarmaq olar: türk dillərinin
hələ qədim dövründə - VI-IX yüzilliklərdə bu dillərdə tərzi-
hərəkət budaq cümləsi təşəkkül mərhələsi keçirirmiş.
216
SƏBƏB BUDAQ CÜMLƏSİ
Səbəb budaq cümləsi də zərflik budaq cümlələrindəndir.
Səbəb budaq cümləsi baş cümlədə nəticə kimi təzahür ödən iş,
hərəkətin səbəbini bildirir və səbəb zərfliyinin suallarına cavab
verir. Səbəb budaq cümləsinin daxil olduğu tabeli mürəkkəb
cümlənin baş cümləsinin xəbəri fellə də, adlarla da ifadə edilə
bilər.
Səbəb budaq cümləsi qədim türk yazısı abidələrinin
dilində ən az işlənən budaq cümlələrdəndir.
Müasir türk dillərində olduğu kimi, qədim türk yazısı
abidələrinin dilində də səbəb budaq cümləsi baş cümləyə ya
bağlayıcı vasitəsilə, ya da bağlayıcısız bağlanır. İşlənmə yerinə
görə də səbəb budaq cümləsi müasir türk dillərində və
abidələrin dilində oxşardır; həm müasir türk dillərində, həm də
abidələrin dilində işlənmə yerinə görə səbəb budaq cümləsinin
iki növü vardır: 1) baş cümlədən əvvəl gələn səbəb budaq
cümlələri və 2) baş cümlədən sonra gələn səbəb budaq
cümlələri.
Qədim türk yazısı abidələrinin dilində səbəb budaq
cümləsi baş cümləyə anı üçün «onun üçün», antağının üçün «o
cür olduğun üçün», anla ötrü «ondan ötrü, ona görə» bağlayıcı
sözlərlə, habelə tip «deyib», tiyin «deyə» bağlayıcı vasitələrlə
bağlanır. Sonuncu iki söz (tip, tiyin) əsimdə fcli bağlamadır.
Buna görə də onların əmələ gətirdiyi konstruksiyaları şərti
olaraq tabeli mürəkkəb cümlə, konstruksiyaların tərkiblərindən
birini isə şərti olaraq səbəb budaq cümləsi kimi qəbul etmək
olar.
1.
Səbəb budaq cümləsi baş cümlədən əvvəl işlənir.
Buradakı feli konstruksiyaları şərti olaraq səbəb budaq cümləsi
hesab etmək olar. Həmin konstruksiyalar baş cümlə kimi qəbul
edilən komponentə tip «deyib» və tiyin «deyə» köməkçi sözləri
ilə bağlanır; məsələn: Eçümiz, apamız tutmıs yir, sub idisiz
bolmazun tiyin az bodunığ yaratıp kəltimiz (KT ş 19)
«Əcdadlarımızın tutduğu yer, su sahibsiz olmasın deyə az
xalqını təşkil edib gəldik». Kögmən yir, sub idisiz kalmazun
tiyin, az kirkız bodunığ yaratıp kəltimiz, sürtüşdimiz (KT ş 20)
217
Dostları ilə paylaş: |