yatdı, bəglik urı oğlılj kul boltı, silig kız oğlıQ küQ bold (KT ş
24) «Getdiyin yerdə yaxşısı o idi: qanın su kimi axdı, sümüyün
dağ kimi yatdı, bəylik nəsli davam etdirməli oğulların qul oldu,
bakirə qızlamm kəniz oldu».
Mürəkkəb tərtibli tabesiz mürəkkəb cümlələr. Qədim
türk yazısı abidələrinin dilində, az da olsa, komponentləri tabeli
mürəkkəb cümlələrdən ibarət olan tabesiz mürəkkəb cümlələrin
işlənməsinə təsadüf edilir. Belə tabesiz mürəkkəb cümlələr
mürəkkəb tərtibli tabesiz mürəkkəb cümlə adlanır; məsələn:
Kəlir ersər, kü ər ükülür, kəlməz ersər, tılığ, sabığ alı olur (T
32) «Gəlsələr, səs-küydən adam çoxalır, gəlməsələr, dil, xəbər
alaraq otur».
Türk bodun, üləsigin biriyə Çuğay yış tügül, Tün
yazı konayın, - tisər, türk bodun,
anta ayığ kisi ança boşğurur
ermiş: ırak ersər, yablak ağı birür, yağuk ersər, edgü ağı birür
(КТ c 6-7) «Türk xalqı, bir hissən cənuba Çuğay meşəli
dağlarına deyil, Tün düzünə yerləşək, - desə, türk xalqı, bir
hissəni orada pis adamlar elə öyrədir imiş: uzaq olsa, pis
hədiyyə verir, yaxm olsa, yaxşı hədiyyə verir».
Ötükən yir
olurıp arkış-türkiş ısar, nəf) bu/Jığ yok, ötükən yış olursar,
be/Jgü il tuta olurtaçı sən, türk bodun, tok (КТ c 8) «ötükən
yerində oturub karvanlar göndərsən, heç bir dərd yox, ötükən
meşəli dağlarında otursan, əbədi cl tutaraq oturasısan, türk xalqı,
tox».
TABELİ MÜRƏKKƏB CIMLƏ
Tabesiz mürəkkəb cümlə sadə cümlələrin tabesizlik
əlaqəsi əsasında birləşməsi yolu ilə əmələ gəlirsə, tabeli
mürəkkəb cümlə sadə cümlələrin tabelilik əlaqəsi əsasında
birləşməsi yolu ilə əmələ gəlir. Tabesiz mürəkkəb cümlənin
komponentləri qrammatik baxımdan bərabərhüquqludursa,
tabeli mürəkkəb cümlənin komponentlərindən biri qrammatik
baxımdan digərindən asılı olur, ona tabe olur, onu izah edir.
Tabesiz mürəkkəb cümlənin komponentləri
məna əlaqələri
vasitəsilə qarşılıqlı şəkildə bir-birindən asılıdırsa, tabeli
mürəkkəb cümlənin komponertlərindən biri birtərəfli şəkildə
206
digərindən
asılıdır.
Tabeli
mürəkkəb
cümlənin
kom
ponentlərindən biri qrammatik cəhətdən müstəqildir, lakin bu
müstəqilliyi tam, müstəqil cümlə əmələ gətirmək kimi başa
düşmək olmaz; tabeli mürəkkəb cümlənin müstəqil hesab edilən
komponenti müstəqil cümlə əmələ gətirsə idi, müstəqil sadə
cümlə intonasiyasma
malik olsa idi, o, tabeli mürəkkəb cümləyə
daxil ola bilməz, tabeli mürəkkəb cümlənin komponenti kimi
formalaşa bilməzdi. Tabeli mürəkkəb cümlənin komponenti
kimi işlənən sadə cümlə müstəqil cümlə intonasiyasım -
bitkinlik intonasiyasını itirir və tabeli mürəkkəb cümlənin
ümumi cümlə intonasiyasına tabe olur. Tabeli mürəkkəb
cümlələrdə komponentlərdən birinin müstəqilliyi nisbilir - o,
yalnız asılı cümləyə münasibətində qrammatik cəhətdən
müstəqildir.
Tabeli mürəkkəb cümlələr sadə cümlələrin tabelilik
əlaqəsi ilə birləşməsi nəticəsində əmələ gəlir. Buna görə də
tabeli mürəkkəb cümlənin komponentlərindən biri qrammatik
cəhətdən müstəqil, digəri ondan asılı olur. Tabeli mürəkkəb
cümlənin qrammatik cəhətdən müstəqil olan komponenti baş,
qrammatik cəhətdən baş cümlədən asılı olan komponenti isə
budaq cümlə adlanır. Budaq cümlənin baş cümlədən asılı
olması, ona tabe olması yalnız formal cəhətdən, qrammatika
baxımından doğrudur, çünki baş cümlə kimi, budaq cümlə də
qrammatikanın bütün qanunları əsasında formalaşır və bəzi
cəhətlərinə görə hətta baş cümlədən üstün olur; baş cümlədə
müəyyən bir üzv buraxıldığı, baş cümlənin müəyyən izaha
ehtiyacı olduğu halda, budaq cümlənin (əksər hallarda) heç bir
üzvü buraxılmır və onun izaha heç bir ehtiyacı olmur:
1. Budaq cümlə bitmiş bir fikri ifadə edir.
2. Budaq cümlənin baş üzvləri arasında uzlaşma əlaqəsi
olur.
3. Budaq cümlənin xəbəri tam formalaşır.
Dilçilik ədəbiyyatında tabeli mürəkkəb cümlənin iki
tipinin mövcud olduğunu qeyd edirlər: 1) bir özəkli tabeli
mürəkkəb cümlə və 2) iki özəkli tabeli mürəkkəb cümlə. Bir
özəkli tabeli mürəkkəb cümlədə budaq cümlə baş cümlənin bir
üzvünə xidmət edir, bir üzvünü izah edir. Tabeli mürəkkəb
207
cümlənin bu tipində budaq cümlə ya baş cümlədə formal şəkildə
iştirak edən, lakin zəif formalaşan, izaha, aydınlaşdırılmağa
ehtiyacı olan üzvü, ya da baş cümlədə ümumiyyətlə iştirak
etməyən, buraxılan üzvü əvəz edir. Belə tabeli mürəkkəb
cümlələri sadə cümləyə çevirdikdə budaq cümlə baş cümlədəki
izah etdiyi və ya əvəz etdiyi üzvün yerinə girir. Bir özəkli tabeli
mürəkkəb cümlələrdə budaq cümlə qrammatik baxımdan baş
cümlənin bir üzvünün vəzifəsini ifa edir. İki özəkli tabeli
mürəkkəb cümlələrdə isə budaq cümlə baş cümlənin ayrılıqda
götürülmüş hər hansı bir üzvünü izah etməyə, aydınlaşdırmağa
deyil, baş cümləyə bütövlükdə xidmət edir, baş cümləni
bütövlükdə izah edir.
Daha bir məsələni qeyd etmək lazımdır. Budaq cümlənin
növünü təyin edərkən təkcə budaq cümlədən çıxış etmək olmaz,
çünki eyni leksik tərkibə və sözlərin eyni qrammatik düzülüşünə
(sırasına) malik olan cümlələr bəzən müxtəlif budaq cümlə
məzmunu daşıya bilər. Buna görə də budaq cümlənin növünü
müəyyənləşdirmək üçün baş və budaq cümlələrin qarşılıqlı
münasibətlərindən çıxış etmək lazımdır. Nəhayət, onu da qeyd
etmək lazımdır ki, qədim türk yazısı abidələrinin dilində
bağlayıcılar zəif inkişaf etdiyi üçün tabeli mürəkkəb cümlələr
daha çox bağlayıcısız əmələ gəlir: tabeli mürəkkəb cümlələri
müəyyənləşdirərkən, əsasən, məna və intonasiyadan çıxış
etmək lazımdır. Qədim türk yazısı abidələrinin dilində tabeli
mürəkkəb cümlələr, o cümlədən budaq cümlələr müasir türk
dillərindəkilərə oxşayır, lakin aralarında fərqlər də vardır. Buna
görə də abidələrin dilində tabeli mürəkkəb cümlələri
araşdırarkən bu məsələni də nəzərə almaq lazımdır.
Qədim türk yazısı abidələrinin dili, müasir Azərbaycan
dilindəki kimi olmasa da, zəngin tabeli mürəkkəb cümlə
sisteminə malikdir. Abidələrin dilində budaq cümlələrin sayı və
məna çaları müasir Azərbaycan dilindəkindən bir qədər az olsa
da (tədqiqatçılar müasir Azərbaycan dilində on beş tip budaq
cümlənin mövcudluğunu göstərirlər, əslində onların sayı on
altıdır), bir sıra türk dillərindən xeyli çoxdur. Bəzi türkoloji
ədəbiyyatda müasir türk dillərində işlənən feli konstruksiyalar
budaq cümlə hesab edilir. Abidələrin dilində işlənən fc!ı
208
konstruksiyalar da budaq cümlə hesab edilmir, feli tərkib kimi
qəbul edilir. Abidələrin dilində, bəzi tədqiqatçıların qeyd
etdikləri xüsusi konstruksiyalı tabeli mürəkkəb cümlələri -
çərçivəli tabeli mürəkkəb cümlələri (bu haqda sonra məlumat
veriləcəkdir) çıxsaq belə, aşağıdakı on iki tip budaq cümlə
işlənir:
1. Xəbər budaq cümləsi.
2. Tamamlıq budaq cümləsi.
3. Təyin budaq cümləsi.
4. Zaman budaq cümləsi.
5. Tərzi-hərəkət budaq cümləsi.
6. Səbəb budaq cümləsi.
7. Nəticə budaq cümləsi.
8. Məqsəd budaq cümləsi.
9. Dərəcə budaq cümləsi.
10. Şərt budaq cümləsi.
11. Qarşılaşdırma budaq cümləsi.
12. Qoşulma budaq cümləsi.
Qədim türk yazısı abidələrinin dilində müasir türk
dillərindən bəzilərində işlənən mübtəda,
yer və kəmiyyət budaq
cümlələrinin işlənməsinə təsadüf edilmir.
XƏBƏR BUDAQ CÜMLƏSİ
Xəbər budaq cümləsi baş cümlənin əvəzliklə ifadə
olunmuş xəbərini izah edir. Qədim türk yazısı abidələrinin
dilində təkcə ol «o» əvəzliyi baş cümlənin xəbəri kimi işlənir.
Müasir türk dillərinin bir qismindən, məsələn, müasir
Azərbaycan dilindən fərqli olaraq ol «o» əvəzliyi istər təklikdə,
istərsə qoşmalarla birləşmədə cümlənin, o cümlədən baş
cümlənin xəbəri kimi işləndikdə xəbərlik şəkilçisi qəbul etmir,
müstəqil şəkildə, ya da
er naqis feli ilə
(erinç şəklində)
cümlənin xəbəri olur.
Müasir türk dillərində olduğu kimi, qədim türk yazısı
abidələrinin dilində də xəbər budaq cümləsi baş cümlənin
xəbərinin sualına cavab verir və baş cümlənin xəbərini
aydınlaşdırır.
209