Vin FƏSİL. İSTEHLAKÇI DAVRANIŞI
NƏZƏRİYYƏSİ
8.1.
İstehlakçının müstəqil faydalanması və seçimi
8.2.
Son faydalılıq nəzəriyyəsi
8.3.
İstehlakçı tarazlığı «əvəzolunma səmərəsi» və
«gəlir səmərəsi». İstehlakçı artığı
8.4.
Büdcə xətti. Fərqsizlik əyrisi
8.1.
İstehlakçının müstəqil faydalanması və seçimi
Biz artıq bazar, onun mahiyyəti, formaları, növləri,
infrastrukturu, modelləri, strukturu haqqında kifayət qədər
məlumat əldə etmişik. Artıq bizə bəllidir ki, bazar bir iqtisadi
sistem olmaqla, ayrı-ayrılıqda götürülmüş hər bir istehlakçının
mənafeyinin reallaşmasına xidmət göstərən mexanizmdir. Bazarın
fəaliyyəti bilavasitə istehlakçıların mənafelərinin reallaşmasına
xidmət göstərdiyindən, o, mikroiqtisadi səviyyəni əhatə etməklə,
konkret olaraq burada qarşılıqlı əlaqədə olan istehlakçının işgüzar
mövqeyi, motivi, seçimi və davranış qaydalarının üzə çıxarılması
zəruriləşir. Belə şəraitdə istehlakçının 'bazar mühitində
davranışında olan qanunauyğunluqların, dəyişikliklərin və onları
zəruriləşdirən cəhətlərin aydınlaşdırılması iqtisadi nəzəriyyədə
vacib bir elmi istiqamət kimi formalaşmışdır. Bu da A.Smitin
məşhur ifadəsi ilə sıx bağlıdır. O deyirdi ki, «Mən nə istəyirəmsə
onu mənə verin, mən də sizə nə istəyirsinizsə onu verərəm».
Burada istehsalçı ilə istehlakçının bazar vasitəsilə mənafelərinin
ümumiliyi əks olunur. Göründüyü kimi, məhz bazar vasitəsilə
istehsalçı və istehlakçının şəxsi mənafeləri reallaşır. Həm də
mübadilə prosesində iştirak edənlərin müxtəlif yönümlü
meyillərini və gələcək fəaliyyət istiqamətini, seçim imkanını
müəyyən edir. Beləliklə də, istehsalçı və istehlakçılar iqtisadi
seçim və qərarların qəbul olunması sərbəstliyini realizə edirlər. Bu
əsasdan da istehlakçıların hansı məhsul və xidmətlərindən daha
çox
205
faydalanma imkanı meydana gəlir və beləliklə də onlar bazarda öz
davranış qaydalarını əsaslandırırlar. İstehlakçıların davranışına
bazar sistemində daha çox üstünlük verilməsini nəzərə alan bəzi
iqtisadçılar onun hər cür azadlıqların və sərbəstliyin mənbəyi
hesab etmişlər. Məsələn, müasir liberalizmin görkəmli
nümayəndəsi hesab olunan Fridrix fon Xayek (1899-1992) hesab
edirdi ki, «bazar iqtisadiyyatı və azad cəmiyyət demək olar ki,
sinonimli ifadədir».
İstər bazar, istərsə də azad cəmiyyətdə müstəqil fəaliyyət
göstərən istehlakçıdır. İstehlakçı bazara özünün çox- növlü
tələbatının ödənilməsi məqsədi ilo əmtəələrin alınması üçün çıxır.
Burada istehlakçı bazarda olan hər cür əmtəələri deyil, özünə lazım
olan və üstünlük verdiyi əmtəələri almağa cəhd göstərərək malik
olduğu pul gəlirini səmərəli istifadə etməklə, maksimum
faydalanmağa çalışacaq. İstehlakçının davranışı dedikdə, onun
bazardan alacağı məhsullar əsasında təlabatının ödənilməsinin
maksimum faydalanma səviyyəsi nəzərdə tutulur. İstehlakçının
davranışı bazarda tələbin formalaşmasını əks etdirməklə onun
kəmiyyət dəyişikliklərinin parametrini müəyyən edir. Tələbin
ödənilməsi təlabatın artımı qanunu çərçivəsində fəaliyyət
göstərməklə istehlakçının daima çalışmasını, peşə və bacarığının
artırılması meylini əsaslandırır. Tələbatını tam və hərtərəfli
ödəməyə cəhd göstərən istehlakçı, bazara özünəməxsus tələblə,
müəyyən üstünlük vermə, müstəqil seçmə vasitəsilə daxil olur.
İstehlakçı istehlakm həcm və strukturunu öz davranışı ilə müəyyən
edir.
İstehlakçı davranışı - müxtəlif əmtəə və xidmətlərin malik
olduqları gəlirlərlə və şəxsi seçimləri ilə üstünlük verdikləri tələbin
formalaşması prosesidir. Ona görə də istehlakçının davranışından
asılı olaraq, bazarda satıcı sifəti ilə çıxış edən istehsalçıların
davranışında ciddi dəyişikliklər baş verir. Çünki cəmiyyət bir
tərəfdən istehlakçılardan, digər tərəfdən də onların hər birinin
müstəqil qərar qəbul etmələrindən ibarətdir. Belə şəraitdə hər bir
firma özü üçün nə istehsal etmək, necə istehsal etmək və kimin
üçün istehsal etmək qərarına.
206
məhz istehlakçıların kollektiv istəyinə uyğun olaraq gəlir. Əgər
istehlakçılar mövcud olan məhsullara öz pullarını verirlərsə, onda
firmalar istədikləri mənfəəti əldə edə bilərlər. Əgər bu proses baş
verməzsə, onda onlar nəinki mənfəət, əksinə ziyan edəcəklər. Bu
şərait uzun müddət davam edərsə, onda firmalar nəinki istehsal
xərclərini ödəyə bilməyəcəklər, hətta tam müflisləşib həmin
sahədən çıxacaqlar. Ona görə də bazar iqtisadiyyatında
istehlakçının davranışından asılı olaraq, onun tələbinin həcm və
strukturundan asılı olaraq istehsalın həcm vo strukturu formalaşır.
Bu, məsələnin adi, məntiqi görünən tərəfidir. Lakin görünməyən
tərəf istehlakçının seçim müstəqilliyi, bu və ya digər məhsul və
xidmətə üstünlük verməsi istehsalçını qeyri-müəyyənlik
vəziyyətinə salır. Ona görə də istehsalçılar tərəfindən bazarın
öyrənilməsi, marketinq xidmətinin görülməsi ehtiyacı meydana
gəlir. İstehlakçının sərbəst davranışı, müstəqil seçimi, tələbin ikili
forma almasına səbəb olur. Məlum nemətə xas olan istehlak
keyfiyyətindən asılı olaraq funksional tələb formalaşır. İstehlak
xarakterindən asılı olmayaraq, bu və ya digər amillərin təsiri
altında formalaşan qeyri-funksional tələb istehsalçı üçün
istehlakçının qeyri-müəyyən davranışı, məhz qeyri-funksional
tələbin formalaşması prosesidir. Çünki qeyri-funksional tələb,
nemət
və
məhsulların
xarici
görünüşündən,
modaya
uyğunluğundan, nüfuz səviyyəsindən, fərqləndirici və ya elit
xüsusiyyətlərdən asılı olaraq formalaşır. Həmçinin müxtəlif qiymət
səviyyələrinə olan istehlakçı davranışı müəyyən məhsullara olan
tələbi sürətləndirə bilər və ya əksinə. Belə şəraitdə yalnız tələb
əyrisindəki elastiklik səviyyəsi dəyişilir.
İstehlakçı davranışı istehlak obyekti çərçivəsində fəaliyyət
göstərməklə istehlakçının davamlı tələbatının ödənilməsi
prosesidir. Bu ödənilmə prosesi həm də istehlakçının rifah halının
yaxşılaşmasını və ya yüksəldilməsini də xarakterizə edir. Bəllidir
ki, istehlakçı öz davranışını bir məhsul və ya nemət üzrə deyil,
onların dəsti və qrupu üzrə qurur. Mümkün istehlak olunan
nemətlərin hamısını deyil, istehlakçı seçdiyi
207
və ya üstünlük verdiyi məhsulları almaqla, istehsalçıların onların
davranışına olan münasibəti daima diqqət mərkəzində saxlamağa
sövq edir. Bu isə istehsalçımn istehlakçının davranışına olan
münasibətin nəticəsi kimi sərfəli və faydalı məhsulların istehsalına
gətirib çıxaracaqdır. Nə qədər istehsalçı istehlakçının müstəqil
fəaliyyətini nəzərə alsa, təklif olunan məhsullar öz alıcılarını bir o
qədər tez tapacaqdır.
İstehlakçı öz müstəqilliyini yalnız o şəraitdə reallaşdıra
biləcək ki, o, daha çox istehlakçı seçimi müstəqilliyi ilə üzləşəcək.
Əgər belə şərait olmasa, bazar tarazlığının pozulmaq ehtimalı daha
çox yüksələcək. Çünki heç bir istehsalçı istehlakçının əvəzinə
seçim edə bilməz. Yalnız istehlakçı öz davranışı vasitəsilə alacağı
məhsullar barədə istehsalçıya siqnallar verir. Əks təqdirdə belə
görünə bilər ki, istehsalçı özü özü üçün siqnal mexanizmi
hazırlayır. İstehlakçı davranışı vasitəsilə istehsalçıların fəaliyyət
meyli və istiqaməti müəyyənləşir.
İstehlakçım seçim məhdudiyyəti ilə üzləşdirmək onun
qeyri-səmərəli davranışına gətirib çıxaracaq. Bu isə o deməkdir ki,
bazara faydalanma səviyyəsi aşağı olan məhsullar çıxarılacaqdır.
Digər vacib bir cəhət də qeyd olunmalıdır ki, hər bir
istehlakçının davranışına təsir göstərən və onu məhdudlaşdıran
mühüm amillərdən biri onun gəlir səviyyəsidir. Bəllidir ki, tələbat
çoxnövlü olmaqla, hüdudsuzdur, lakin gəlir isə məhduddur. Ona
görə də hər dəfə bazara daxil olan istehlakçı saysız-hesabsız
əmtəələr arasında özünə lazım olan və malik olduğu gəlirlə
əlaqədar hər dəfə seçim etmək məcburiyyətində qalır. Hesab etsək
ki, istehlakçı belə bir əmtəəni əldə edir, deməli, mövcud şəraitdə,
malik olduğu gəlir çərçivəsində istədiyi məhsulu məhdud
kəmiyyətdə əldə edəcəkdir. Ona görə də hər bir istehlakçı
davranışında subyektiv seçimə üstünlük verdiyindən, hər məhsul
növü və çeşidi üzrə obyektiv kəmiyyət həddini müəyyən etmək
olmur. Belə şəraitdə bazar çevik xarakter alır, istehlakçı öz
davranışında daha sər
208
bəst olur və külli miqdarda əmtəələrdən yalnız özünün daha çox
faydalandığı məhsulları almaqla öz tələbatının mövcud məhdud
gəlir çərçivəsində ödənilməsinə nail olur. İstehlakçının səmərəli
davranışı subyektiv xarakter daşısa da, lakin onun fəaliyyəti,
məhdud gəlirlə seçim imkanına malik olması tələbatının
maksimum ödənilməsinə təminat verir. Deməli, istehlakçı
davranışından belə bir qanunauyğunluq meydana gəlir ki, hər bir
istehlakçı səmərəli davranışı ilə məhdud gəliri ilə maksimum
faydalana bilir. Əgər gəlir istehlakçının davranışında məhdud
xarakter alırsa da, lakin faydalanma bu məhdud çərçivədən
çıxmağı stimullaşdırır. Bununla da isteh- lakın həcmi artır, tələbin
artımı dönməz xarakter alaraq ümumi iqtisadi prosesə çevrilir.
8.2.
Dostları ilə paylaş: |