qiymətinin dəyişilməsi ilə son məhsulun dəyəri də dəyişilir. Həm
də əməyə olan tələb əyrisini də dəyişdirir. Məsələn, bazarda narın
qiymətinin sürətlə artması, əlavə nar yığanlara olan tələbi artıracaq
və ya əksinə.
•
Texnoloji - innovasiya dəyişiklikləri; texnoloji - in-
novasiya son məhsulu artırmaqla, bütövlükdə işçi qüvvəsinə olan
təsiri xeyli artırır. Xüsusən işçi qüvvəsinin sahələrarası hərəkətini
sürətləndirir və xidmət sferasının inkişafını əsaslandırır.
•
Təklif olunan əvəzləyici resursların həcm və qiymətinin
dəyişilməsi; məsələn, taxta pəncərələr əvəzinə plastik və ya
alüminium pəncərələrin təklifi nəticəsində əmək tələbini aşağı
salır. Lakin firma əməyi kapitalı əvəzləməli olur.
•
Digər amillərin təsirindən asılı olan əmək təklifi; məsələn,
nar şirəsinə və şərabına olan bazar tələbinin artması, nar sahəsi olan
firmanın bu istiqamətdə fəaliyyət göstərməsi ilə əlaqədar işçi
qüvvəsinə olan tələbin artması.
Bazar sistemli ölkələrdə əmək təklifi istiqamətində əmək
bazarının rastlaşdığı ən mühüm problem işçilərin əmək və istirahət
arasında seçimin edilməsi ilə əlaqədardır. Belə seçimin mövcud
olması, ümumiyyətlə əmək təklifinə təsir göstərir. Müəyyən
imkana malik olan hər bir işçi əmək fəaliyyəti ilə istirahət etmək
mümkünlüyü barədə qərar qəbul edir. Bu da o deməkdir ki,
istirahətə üstünlük verən işçi, bunun müqabilində hər saatlıq
istirahət üçün ona bərabər tutulan saatlıq əməkhaqqından imtina
etməlidir. Əgər saatlıq əməkhaqqı 5 manata bərabərdirsə, onda
saatlıq istirahətin alternativ xərcləri də 5 manat olacaqdır. Saatlıq
ödəniş dərəcəsinin artması ilə, saatlıq istirahətin
də alternativ xərci
artacaq.
Əmək və istirahət arasında kompromis nisbətin mövcud
olması əmək təklifi əyrisinə təsir göstərir. Hesab edək ki, işçi
saatda 5 deyil 10 manat qazanmağa başlayır. Onda alternativ
istirahət xərcləri də artır. Lakin belə halda əvvəlki dövr- dəkindən
daha imkanlı olur və əlavə vəsait hesabına özünə gələcəkdə daha
çox sərbəst vaxt qazanmaq imkanını əldə
290
edir. Bu da əmək təklifi əyrisinin aşağı düşmə meylini və ya onun
sağdan sola hərəkətini əsaslandırır. Əmək təklifi əyrisinin
dəyişilməsinə, ümumiyyətlə bir sıra amillər təsir göstərir:
•
zövqlərin dəyişməsi; belə dəyişiklik əsasən qadınların
əməyə, ev təsərrüfatına, uşaqların tərbiyəsinə verdikləri
üstünlüklərlə əlaqədardır. Demoqrafik, sosial-psixoloji amillərin
təsiri nəticəsində qadınların əməyə verdiyi üstünlük nəticəsində
əmək təklifi artmağa doğru meyillidir.
•
başqa işçi qüvvəsi bazarının verdiyi imkanın dəyişilməsi;
bunu alternativ işçi qüvvəsi imkanı da adlandırmaq olar. Əgər
tikinti şirkətində çalışan suvaqçıların əməkhaqqı birdən-birə
artarsa, onda fərdi mənzil tikintisində çalışan suvaqçılar, şirkətdə
çalışanlara qoşulacaqlar. Bu da fərdi mənzil tikintisi bazarında
suvaqçıların əmək təklifini azaldacaq.
•
immiqrasiyanm hərəkəti; miqrantlar potensial işçi
qüvvəsinin daşıyıcıları kimi, bir ölkədən getməsi ilə əmək tələbinin
azalmasına, digər ölkəyə gəlmələri ilə isə əmək təklifinin artmasına
səbəb olur. Ümumiyyətlə, immiqrasiyanm hərəkəti, bir sıra
sosial-siyasi, iqtisadi və hüquqi amillərdən asılı olmasına
baxmayaraq, o əmək bazarında tarazlığın təmin olunmasına və
dəyişilməsinə təsir göstərir.
Ümumiyyətlə, qeyd etməliyik ki, əmək bazarındakı
tarazlığın dəyişilməsi əsasən iki amildən asılıdır:
® əməkhaqqının
kəmiyyətinin dəyişilməsindən;
•
əməyin kəmiyyətinin dəyişilməsindən.
Əlavə işçinin qəbulunu firma o
vaxta qədər davam etdirir ki,
əməkhaqqı əməyin son məhsuluna bərabər gəlir. Buradan da belə
nəticəyə gəlmək olar ki, əmək bazarının fəaliyyət mexanizmi,
əməkhaqqı və əməyin son məhsulu dəyərinin tarazlığı şəraitində
əks olunur. Onların bərabərliyinin təmin olunması amillərinin
rolunu daima diqqət mərkəzində saxlamaq lazımdır.
291